تجربة غريبة لمشتت Cooler master hyper TX3 EVO

**RadeonXI** · 20-05-2012, 20:10

بسم الله الرحمن الرحيم

اشتريت من يومين مشتت COOLER MASTER HYPER TX3 EVO ( FAN BRACKET EDITION )

طبعا كنت شغال بالمشتت الأصلى ( الله يجحمه ) كان فظيع والله ... صوت يفرقع الدماغ و تبريد ردئ جدا حتى مع معجون احترافى

بالمناسبة انا شغال بمعالج PHENOM ii X4 955 BLACK EDITION , كسرته إلى 3.7 GHZ على فولت 1.4000 ) NORMAL (

انا كنت مقلل الفولت و شغال ب 3.6 GHZ على المشتت الأصلى .. الفولت كان 1.3750

انا و انا بركب المشتت الجديد ... كان جاى معاه معجون لونه رمادى و جامد شوية .. بس شكله جودة عالية ..المهم

انا كان عندى شوية معجون كتيرة من COOLER MASTER V1 IC VALUE فحطيت نقطة منه و نقطة من التانى و مزجتهم و ركبت المشتت وكلله تمام

الحرارة فى الخمول 34 .... المشتت الافتراضى كان 36 فما فوق و طبعا على الفولت الافترضى و سرعة 3.7

فى الضغط بقى ... هنا الفرق .... انا كنت علشان اقدر العب كويس على الكسر القديم 3.6 و فولت 1.3750 بمشتت افتراضى ... كنت لازم احط مروحة كبيرة جنب الكيسة

علشان المعالج ميوصلش 60 ... علشان لما وصل اللعبة جابت 20 فريم بدل 50 و الجهاز بقى بطيييييئ اوى .... فلقيت الحرارة و صلت 60 للنواة

لكن بعد ما ركبت المشتت الجديد .... لعبت على الكسر 3.7 و فولت 1.4000 و كانت الحرارة القصوى بدون مروحة خارجية 55 وكمان الغرفة عندى حر
لما حطيت مروحة كانت 53-54 بس RPM المروحة كان اقل

المشتت هادئ جدا و حتى و هو فى اقصى سرعة صوته مش مزعج خالص

بس انا دلوقتى عايز اسأل .... هل المزج بين معجونين غلط و ممكن يقلل التبريد و تنصحونى افك المشتت تانى و انظف و احط IC1 VALUE ,ولا اللى جاى معاه ؟؟؟؟

شكرا

**unexpected** · 20-05-2012, 21:49

اخي طبيعي ان تقل الحرارة مع المشتت الاحترافي
لكن بفضل دائما ان تضع نوع معجون واحد ورايي ان تنظف المعالج من الخلطة السحرية:D
وضع من المعجون الذي جاء مع المعالج بمقدار حبة الأرز في المنتصف
وراجع الرابط دة ممكن يفيدك
https://arabhardware.net/forum/showthread.php?t=238160

**RadeonXI** · 21-05-2012, 02:38

حاضر هنظف الدنيا و هحط المعجون من تانى .... انا بس توقعت ان الحرارة فى الضغط تقل اكتر من كدة بس يمكن من الخلطة :D:D

**bo_3zeez** · 21-05-2012, 11:50

امال دي خلطة ابهه على اصولها ( الحمدلله ماستعملتش سيجنال 2 معاهم :D )

ربنا يوفأك وياريت توافينا بالنتيجة بعد ما تحط المعجون الجديد

**RadeonXI** · 22-05-2012, 12:54

طبعا انا عارف ان كلكوا مستغربين الموضوع ... بس هقوللكم إنى نجحت .... انا عملت اللى قلتولى عليه و حطيت اللى جاى مع المشتت لوحده بعد ما خليت سطع المعالج و المشتت
مراية ..... الخمول 37 و مبيقلش عن كدة ...... انا رجعت كل حاجة زى ما كانت الأول و عملت الخلطة السحرية بمقدار معلوم و كلله تمام .... الخمول 33-34 و خللوا بالكوا النتائج ديه بعد ما سبت الجهاز
ساعة شغال بعد وضع كل معجون لمدة ساعة كاملة ....... شفتوا بقى ..... جربوا بنفسكم .... بس طبعا المعاجين اللى فيها فضة مينفعش تتمزج بحاجة تانية .... انا بتكلم عن المعاجين العادية
زى cooler master ic 1 value الانبوبة ب 30 جنيه مصرى .... بس اداء عالى وة مش بينشف ابدا ...و له مزايا كتير و مش غالى ابدا ... جربوا الموضوع انتوا بقى و قولولى النتائج :D:D:D
( لما حطيت المعجون الاحترافى لوحده ... الخمول كان 34 و مبيقلش ..... لكن الخلطة و صلت ل 32 انبارح :D)