النتائج 1 إلى 12 من 12

الموضوع: بخصوص اتهام الاخ اللمبي اني نصاب

  1. #1
    عضو
    تاريخ التسجيل
    Mar 2012
    المشاركات
    274
    الدولة: Egypt
    معدل تقييم المستوى
    0

    بخصوص اتهام الاخ اللمبي اني نصاب



    السلام عليكم ورحمة الله وبركاته
    بخصوص اتهام الاخ اللمبي اني نصاب ياريت قدام الكل يقلي انا نصبت عليه في ايه لاني مشفتش الموضوع اللي هو كاتبه لانه اتلغي من الادارة .......
    الموضوع كالاتي انه قالي انه عايز يحجز هارد وبروسيسور من عندي وقالي انه نازل ياخد فلوس من ناس في اسكندرية وحيتصل بيا عشان يقلي لو حياخد الحاجات دي او لا
    وانا والدي كان تعبان وانا قلتله كده وكتبت في مضووعي تم تاجيل البيع نهائيا لظروف قهرية واتاسفتله والله علي الخاص وقبل اسفي
    ليه بقي دلوقتي بتهمني بالنصب انا نصبت عليك في ايه عيب تسوا سمعة الناس بالباطل يا ااخ لمبي
    ولو في ايه حاجة اتفضل قلها قدام الناس طالما انت حابب كده ... وانا اتعاملت مع ناس هنا كتير واشتريت منهم حاجات منهم الاستاذ شادي والاستاذ aziz 125 ويمكن سؤالهم عني لو انا نصبت عليهم في حاجه او اسالت معامة حد منهم .. ويارت الادارة تتخذ قرار ضد استاذ لمبي اللي بيتهمني بالنصب وانا والله وبحلف قدام الناس منصبت عليه في حاجة والف شكر

  2. #2
    عضو الصورة الرمزية mdreem
    تاريخ التسجيل
    Sep 2010
    المشاركات
    424
    الدولة: Egypt
    معدل تقييم المستوى
    8

    رد: بخصوص اتهام الاخ اللمبي اني نصاب

    لا حول ولا قوة الا بالله يا ريت امور النصب والاحتيال تبقى فى رسالة خاصة للمشرفين وهما الايخدو القرار بدل ما كل شوية يطلعنا واحد يقول انا اتنصب عليا ويسؤء سمعة المنتدى
    انا اسف اخى الكريم هوة دة الحل مش عمل مواضيع على الفاضى والناس بتتفرج وخلاص ودة اللى يخلى ناس كتيرة من بره المنتدى تخش تنصب علينا

  3. #3
    عضو فضي الصورة الرمزية Ahmed Elbrbry
    تاريخ التسجيل
    Aug 2010
    المشاركات
    2,441
    الدولة: Egypt
    معدل تقييم المستوى
    109

    رد: بخصوص اتهام الاخ اللمبي اني نصاب

    برجاء من الادارة الاتى

    1- حذف اى مواضيع متعلقة بالنصب
    2- وقف جميع الاعضاء اللتى تثبت عليهم تهمة النصب
    3- و قف جميع الاعضاء من تثبت عليهم تهمة رمى الناس بالسوء
    4-عمل موضوع مثبت عن فحص المنتج و عدم الدفع الا بعد التاكد من خلوه من اى عيوب و عدم التسرع فى الشراء و التمهل حتى التأكد من هوية البائع

    و ذلك حفاظا على سمعة المنتدى
    و شكرا

  4. #4
    مشرف سابق
    تاريخ التسجيل
    Jul 2007
    المشاركات
    2,671
    الدولة: Egypt
    معدل تقييم المستوى
    113

    رد: بخصوص اتهام الاخ اللمبي اني نصاب

    اقتباس المشاركة الأصلية كتبت بواسطة mdreem مشاهدة المشاركة
    لا حول ولا قوة الا بالله يا ريت امور النصب والاحتيال تبقى فى رسالة خاصة للمشرفين وهما الايخدو القرار بدل ما كل شوية يطلعنا واحد يقول انا اتنصب عليا ويسؤء سمعة المنتدى انا اسف اخى الكريم هوة دة الحل مش عمل مواضيع على الفاضى والناس بتتفرج وخلاص ودة اللى يخلى ناس كتيرة من بره المنتدى تخش تنصب علينا

    كلام ممتاز جدا بس ليا تعقيب بسيط المنتدى غير مسؤل حوادث النصب لانها لا تتم عن طريقه لا بالبيع ولا الشراء كل دور المنتدى هو كل عضو بيعرض سلعه فى حدود القوانين الى يحددها قوانين العرض ويوجد ايضا قوانين للشراء وكيفيه التجربه وعدم التعامل بسلبيه وسورى تقول اصلى مكنتش اعرف انه هايدينى حاجه بايظه والى يشحن حاجه وتطلع مش هى مفيش حاجه اسمها كده فى حاجه اسمها جرب سلعتك والمشرفين مثبتين القوانين من تجربه الى اخرهومش كل شهر يتكرر نفس الموضوع اقروا المواضيع المثبته ودليلك الشامل للشراء محدش يضع نفسه فى موقف نصب ويقول اصله طلع مش كويس محدش مجير انه يشترى سلعه ولو حتى فى الضمان من غير تجربه عايز تغامر وتتعامل مع حد مش معروف دى مشكلتك انت حتى لو اتنصب عليك لانك انت الى بتحط نفسك فى الموقف ده مش المشرفين الى مسؤلين انك اتسرعت واشتريت من حد
    الاخ الى عامل الموضوع الاول كاتب اتنصب عليا وانت اصلان محصلشى لا شراء ولا بيع هو مجرد اخلف معاك ميعاد.
    الملخص فى سطرين
    المنتدى محترم جدا وبعيد عن اجراء بيع او شراء لانه ليس له مكسب من خلالها ولا هو وسيط هو مجرد وسيله للعرض.
    جرب اعمل تيست اختار السلعه الجيده من العضو الجيد لا تقع فى شباك النصب ولا السلع المغشوشه

    التعديل الأخير تم بواسطة TIMO1 ; 24-05-2012 الساعة 06:23

  5. #5
    عضو الصورة الرمزية verooo
    تاريخ التسجيل
    Dec 2011
    المشاركات
    390
    معدل تقييم المستوى
    0

    رد: بخصوص اتهام الاخ اللمبي اني نصاب

    يا جماعه انا محترم جميع اراكم ولاكن
    مواضيع النصب دي بتبين مين الوحش ومين الكويس عشان نتعامل معاه بعد كده
    وكمان انا ارجو من الأداره وضع علامه مميزه لكل واحد محترم تم التعامل معه اكثر من مره ولم يصدر عليه كلمه سوء عشان نتعامل معاه واحنا مطمنين
    ومش تسويء سمعه للمنتدى ولا حاجه لأن النصابين في كل حته واحنا الي لازم نحرس منهم (الموضوع فينا احنا مش في حد تاني)
    كل مواضيع النصب بتكون اك مجربتش السلعه او مشفتهاش كما في حال الشحن من حد مش موثوق فيه
    جرب السلعه وشوفها وعمرك مهيتنصب عليك ان شاء الله (في برامج كتير بتبين عيوب السلع كهاردوير)
    وعمومن ادارة المنتدى اصلن وضعه نصاءح للبيع والشراء كما قال الأخ TIMO1
    والمنتدى ده من اكثر المنتديات احتراما وسرعه في الرد ونجاحا في البيع والشراء
    شاكرين ادارة المنتدى على رحب صدرها لنا
    والسلام عليكم
    NEMESIS
    is Always Here

    http://t1.gstatic.com/images?q=tbn:A...hmQ07vjNG-Z52w

    من مواضيعي
    Satellite P775-S725(Core i7-ram 6Gb)Blue Rayللبدل ب لاب توب Apple Mac
    http://arabhardware.net/forum/showthread.php?t=295025&highlight=

  6. #6
    عضو فضي
    تاريخ التسجيل
    Aug 2011
    المشاركات
    717
    الدولة: Egypt
    معدل تقييم المستوى
    0

    رد: بخصوص اتهام الاخ اللمبي اني نصاب

    اللى حصل انى كلمتك واتفقت معاك على شراء البندل كله وقلتلك انى ليه 100جنيه عند واحد بقالها شهرين هقابله واخدها منه بالمرة
    انما مش نازله اساسا انا قلتلك انى نازلك انته وقبل ما اجيلك قلتلك فى التليفون متقفلش موبايلك لانى كنت حاسس فى كلامك انك متردد وسبحان الله احساسى طلع فى محله
    انا كلمتك قبل ما اركب وقلتلك قدامى ساعتين قبل ما اركب كفر الشيخ اسكندرية وقلتلى اركب وتعالى
    وقبل ما العربيه توصل بنص ساعه قفلت موبايلك ده معناه ايه
    والغريب انى قعده ارن عليك اكتر من ساعتين وانته قافل موبايلك ولكنك كنت فتحته حوالى 5 دقايق فى وسط المده وللاسف مردتش وكنسلتنى وقفلته ده معناه ايه
    كان المفروض ترن عليه او تفتح علية تقولى معلش فيه ظروف
    مين اللى يرضى لنفسه يركب 3 ساعات مواصله وينتظر ساعتين ويركب 3 ساعات رجوع وكل ده فى الاخر طلع شغل عيال لانك لو كنت تعرف معنى الرجولة كنت اتصلت بيه وعرفتنى انى مجيش او اى حد تانى كنت خليته يكلمنى او بعت رساله

    شوف بقى المفاجاه دى : ساعه ما كنت برن عليك على الموبايل وانته كنسلتنى ومردتش ترد خليت الاخ الفاضل محمد خليفه يدخل على النت ويشوفك فاتح ولا لا للاسف كنت فاتح اونلاين وقاعدلى على المنتدى يابتاع الظروف القهرية وتقدروا تسالوا استاذ محمد خليفة على هذا الكلام

    الغريب ان الاستاذ كان عاوز يسلمنى حاجتى فى الموقف وخلاص ولكن انا قلتلة مش هدفع فلوس الا اما اجرب الحاجه وبعها حسيت فى كلامه بالقلق وده سبب انى قلتلك متقفلش موبايلك وهو طبعا لازم يقول ماشى طيب وفين قلتله فى بيتك لو مفيش مكان تانى قالى ماشى

    الراجل اللى ليه عنده 100 جنية مواعيدى مكنتش مناسباه ولكنه اتصرف وسبهالى مع محل فى الموقف رحت واخدتها شفت الراجل اللى قد كلمته

    اللى انته عملته ده اسمها امور نصب ولا لها اسم تانى الهدف من الموضوع ان الناس تحذر من التعامل مع هذا الشخص وفقط

    انا خسرت يوم شغل وصرفت اكتر من 30 ج يومها وكانت المواصلات زفت يوم الاحتفال بمحمد مرسى وروحت حوالى الساعه واحده ونص بالليل عشان خاطر ايه ده ان شاء الله

    وفى الاخر بتقولى عملتلى ايه

  7. #7
    عضو
    تاريخ التسجيل
    Mar 2012
    المشاركات
    274
    الدولة: Egypt
    معدل تقييم المستوى
    0

    رد: بخصوص اتهام الاخ اللمبي اني نصاب

    يا استاذ لمبي انا بكلمك بادب ياريت كمان انت تتكلم بادب ومش كل شوية تكرر كلمة نصب دي عشان عيب عليك احنا هنا كلنا اخوات في المنتدي حتي لو ليك حق عندي مينفعش تتكلم بالاسلوب ده خصوصا اني اتعلمات مع ناس هنا كتير انت مش اول واحد اتكلم معاه
    اولا: انت قلتي انك حتنزل تاخد فلوس من ناس من اسكندرية وماكدتش انك حتاخد الحاجات مني يعني مش نازلي انا مخصوص وانت قلت كده في كلامك
    ثانيا : انا قلتلك اني عايش انا ووالدي لوحدنا وحصلت ظروف لتعبه ومكنش ينفع اسيبه لوحده
    ثالثا : انا كتبت في المواضوع الرسمي بتاعي لبيع الحاجات اللي معروضه تم تاجيل البيع لظروف قهرية يعني لو بيعتها كنت حقول تم البيع ومكنش حيهمني حاجاه حتي لو جالي فلوس فيها اعلي كنت حقول انا بعتها وخلاص لكن مفيش حد بيوقف البيعة بتاعت الحاجات بتاعته عشان خايف منك
    رابعا : انا مكنتش برد علي اي حد وكنت بفتح الموبايل عشان اطمن اقرايبي علي حالة والدي وبقفل الموبايل علطول
    خامسا : عيب اووي اما تقلي يابو ظروف ومش يابو ظرووف لا تعاير الناس بظروفهم ولو علي ال 30 جنيه والله مستعد ادفعهملك قدام كل الناس لاني انا عمري مببص علي الفلوس
    وياريت تبطل كلمة نصاب دي وارجو من الادارة اتخاذ اللازم ضده لانه عيب يشوه سمعتي قدام كل الناس ويقول نصاب لان في الاول وفي الاخر انا اصلا مبعتلهوش حاجه بايظة ولا نصبت عليه في فلوس كل الموضوع اختلاف في المواضيع فكلمة نصاب دي عيييييييييييب اووي ولو اتككرت من غير مالادارة تاخد موقف فيها انا حنسحب من المنتدي الصراحة لاني عيب اووي اتهان وسط ناس محترمة من الادارة وشكرا ليكم
    معلومة اخيرة انا اما دخلت اليوم اللي بيقول اون لاين ده انا دخلت والله اعتزرتله علي الخاص وهو عندي الرسالة وممكن يعرضها علي العام وشكرا ليك جداا علي اتهاماتك ليا

  8. #8
    عضو
    تاريخ التسجيل
    Mar 2012
    المشاركات
    274
    الدولة: Egypt
    معدل تقييم المستوى
    0

    رد: بخصوص اتهام الاخ اللمبي اني نصاب

    وبخصوص انك كنت تجرب حاجاتك دي انا قلتلك مينفعش في البيت عندي انا البيت عندي صغير ومينفعش وكنت صريح معاك وقلتلك نجربها في اي مول حضرتك تختاره وانت وافقت علي كده وعيب اووي تغيير الحقايق كده

  9. #9
    عضو فضي
    تاريخ التسجيل
    Aug 2011
    المشاركات
    717
    الدولة: Egypt
    معدل تقييم المستوى
    0

    رد: بخصوص اتهام الاخ اللمبي اني نصاب

    اولا انا مبغيرش حقائق لانى والله العظيم كنت نازل ليك مخصوص وكنت مأكد عليك انى نازلك انته حتى قبل ما اركب العربية ولو قلتلى مش هتقابلنى مكنتش هنزل عشان اخد 100 ج ادفع 30 ج ده شىء لا يعقل
    وبعدين كا لازم تبعتلى رساله او تكلمنى او تخلى حد غيرك يعرفنى بدل ما انا ملطوع فى اسكندرية على الفاضى
    ثالثا انا كلمت الاستاذ محمد خليفه وبعتلك على العام والخاص وقالك

    (اخى الفاضل فى اخ اسمه على المنتدى اللمبى اللى هو حجز منك المكونات وهو بيكلمنى دلوقتى من اسكندريه هو راحلك مخصوص وهو من كفر الشيخ يعنى الراجل سافر مخصوص وبقاله ساعه فى الموقف وانت قافل تليفوناتك اتمنى تفتح وتشوف الراجل اللى جايلك من سفر)

    الكلام ده كا فى الميعاد ده 17-05-2012 18:10 يعنى الساعه 6 وانا فى الموقف

    انته كنت على الموقع اونلاين فى نفس الوقت وبتقول دلوقتى انك كنت فاتح عشان تسيبلى رساله
    انته مردتش على محمد لا على العام ولا الخاص وكنت فاتح ازاى عشان ترد عاوز افهم

    انته كان ردك تانى يوم ياستاذ 18-05-2012 00:39 تاااااااااااااااانى يوم يعنى مش وانا مستنيك فى الموقف زى ما بتقول امال كنت بتعمل ايه على الموقع ؟
    الوقت اللى كنت بتكنسل وتقفل وتفتح موبايلك فيه كاب يكفيك انك تبعت رساله للشخص اللى انته لاطعه فى الموقف او تكلمه تقوله فية ظروف ارجع تانى مكنش حصل حاجه ولا انا غلطان

    الغريب انى حاولت اكلمك لمده 3 ايام على موبايلك من يومها وانته مش رادى ترد خااااااااااااااااااالص

  10. #10
    عضو فضي
    تاريخ التسجيل
    Aug 2011
    المشاركات
    717
    الدولة: Egypt
    معدل تقييم المستوى
    0

    رد: بخصوص اتهام الاخ اللمبي اني نصاب

    ياريت الادارة تسمع راى الاستاذ محمد خليفه فى هذا الامر

  11. #11
    عضو
    تاريخ التسجيل
    Mar 2012
    المشاركات
    274
    الدولة: Egypt
    معدل تقييم المستوى
    0

    رد: بخصوص اتهام الاخ اللمبي اني نصاب

    انت شكلك فاضي يا استاذ لمبي وواضح انك عايز تغير الحقايق وانا قلتلك انا منصبتش عليك في حجاه عشان تقلي اني نصاب وقلتلك اني بعتلك رسالة واعتزرتلك وكمان انا فيه ارقام كتير اتصلت بيا ومكنتش برد علي حد وقلتلك اني مبعتش الحاجات ولو علي ال30 جنيه والله مستعد ادفعهملك وانت بلسانك قلتلي انا نازل اخد فلوس من واحد في اسكندرية وحاكد عليك علي الشراء فياريات تقول الحقيقة كاملة ياما بلاش تتكلم تاني احسن

  12. #12
    عضو برونزي الصورة الرمزية EGY-F0X
    تاريخ التسجيل
    Aug 2010
    المشاركات
    1,558
    الدولة: Egypt
    معدل تقييم المستوى
    16

    رد: بخصوص اتهام الاخ اللمبي اني نصاب



    تم غلق الموضوع ونهائيا
    اى محاوله لفتح الحوار فى هذا الموضوع سوف تتم مخالفه صاحبه فورا
    [CENTER][IMG]http://g.bf4stats.com/PPmyHgH3/pc/EGY-Predator.png[/IMG][/CENTER]

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •