حشتري الجهاز دة بكرة بالليل وعايز رايكم

[koshare]

معلش بغض النظر عن شروط كتابة الموضوع بس انا خلاص جمعت جهاز من مول الكمبيوتر اللي في حلمية الزيتون بس لسة ما اشتريتوش عشان اخد رايكم قبل ما اشترية بكرة ليلا(13-5-2012) وانا امكانياتي محدودة حوالي3000جنية........وكاتب السعر جنب كل حاجة
processor: intel core 2du3.6 6m.k 620l.e
ram:4G.b 145l.e
m.b: gega beat g41 305i.e
HDD:500w.d 475l.e
VGA:1G gefrce 265l.e
monitor:20 seamans led 20 630l.e
D.V.D rsamsung 115L.e
speaker: tiger 1500 150L.e
case 2hand exclant 105L.E
keybord 20L.e
mouse 10L.E
.........
2840L.E

واخر حاجة انا الجهاز دة مجمعة للالعاب......فاية رايكم
ملحوظة الراجل اللي بجمع منة قالي ان كارت الشاشة تقريبا 800 .......يعني اية؟؟؟؟؟؟

[sherif_ahmed]

VGA:1G gefrce 265l.e

واخر حاجة انا الجهاز دة مجمعة للالعاب......فاية رايكم
ملحوظة الراجل اللي بجمع منة قالي ان كارت الشاشة تقريبا 800 .......يعني اية؟؟؟؟؟؟

انا مش فاهم الجزء الخاص بكارت الشاشه
بس واضح أنه ضعيف بالنسبه للألعاب

ويعتبر الجهاز ممتاز بس موديل قديم ( معمارية بدأت تنتهي)
وصعب تلاقي البرسيسور ده جديد
ممكن بنفس الميزانيه تجيب حاجه أحسن
إليك هذا الإقتراح

Intel® Core™ i3-2100 3.1GHz Processor ..... 700 LE
ASRock H61M-DGS Socket 1155 Motherboard ..... 290 LE
Kingston 4GB DDR3 1333MHz CL9 ..... 140 LE
WD Caviar BLUE WD5000AAKX 500GB ..... 420 LE
Samsung SyncMaster S19B300B 19 inch LED LCD ..... 580 LE
Cooler Master Elite 310 case + 400w PSU ..... 350 LE
SAPPHIRE HD 6770 1GB GDDR5 ..... 650 LE

التجميعه دي أفضل بكتير وقابله للتحديث
والنسخه بتنزل بالفلاشه
جميع القطع المذكوره متوفره بشركة هاي إند بمول سوق العصر
بمصر الجديده وبهذه الأسعار

[The Legend killer]

أخي اتبع التجميعة الي حكالك عنها الأخ sherifdish فهي أفضل من التجميعة الي انت كاتبها بمراحل خصوصا انك راح تشتري الجهاز للألعاب

[koshare]

اولا:شكرا علي ردك
ثانيا:معلش هطول عليك........لما سالتة علي كرت الشاشة اللي انت كاتبة قالي انة وحش وفية ناس كتير بترفض تجيبة.....انا مش عارف كلامة دة صح ولا بيشتغلني.........وهل بيشغل اللعب العالية زي pES12 ,وGTA iv وNEED FOR SPEED HOT PREAST
ثالثا بالنسبة لكارت الشاشة في تجميعتي بسالة هو الكارتGTX كام راح قالي 800
رابعا:الجهاز اللي انت مجمعة لي ب3130بدون الصب والماوس والكيبورد والدي في دي ودة اعلي شوية من امكانياتي
خامسا لو البروسيسور في تجميعتي لاقيتة جديد يبقي كويس ولا لا........واعرف منين انة جديد

اسف علي الاطالة

[mohamedalaa6]

بس يا سيدى التجميعة دى كويس للألعاب حليا و مناسبة لميزانيتك

بس نصيح لوجه الله

لو تعرف تزود ميزانيتك بس 500 - 600 جنيه وهات بروسيسور i5 هيريحك جامد فى المسقيل خلى بالك ده 4 أنوية ألى هتشترية 2 نواة

وكارت الشاشة جيد جدا على شاشتك وبالنسبة للألعاب حاليا

ولك القرار

[mohamedalaa6]

اولا:شكرا علي ردك
ثانيا:معلش هطول عليك........لما سالتة علي كرت الشاشة اللي انت كاتبة قالي انة وحش وفية ناس كتير بترفض تجيبة.....انا مش عارف كلامة دة صح ولا بيشتغلني.........وهل بيشغل اللعب العالية زي pES12 ,وGTA iv وNEED FOR SPEED HOT PREAST
ثالثا بالنسبة لكارت الشاشة في تجميعتي بسالة هو الكارتGTX كام راح قالي 800
رابعا:الجهاز اللي انت مجمعة لي ب3130بدون الصب والماوس والكيبورد والدي في دي ودة اعلي شوية من امكانياتي
خامسا لو البروسيسور في تجميعتي لاقيتة جديد يبقي كويس ولا لا........واعرف منين انة جديد

اسف علي الاطالة

الكارت زى ما قلتلك جيد جدا على شاشتك وبالنسبة للألعاب حاليا أنت ممكن تجيب أعلى من كدة بس أنت محدد بميزانية

وبالسبة للبروسيسور أبعد عنه هو أداؤه زى i3 الأتنين نواتين بس المعمارية خلاص تعتبر أنتهت

[koshare]

اشكر كل الاخوة اللي ردوا بس دلوقتي انا محتار....اروح اشتري الجهاز اللي انا مجمعة وازود فية الحاجات اللي حضراتكم قولتوا عليها........ولا اجيب الجهاز اللي الاستاذsherifdish مع العلم انة ناقص الصب والماوس والكيبورد والدي في دي

[koshare]

استاذ mohamedalaa6
اشكرك علي ردك بس انا مش فاهم يعني اية نواتين ..ويعني اية معمارية

[mohamedalaa6]

طبعا التجميعة ألى قال عليها الأستاذ sherifdish أعلى ونصيخة أبعد عن تجميعك أنا معايا البورده بتعاك هى مفيهاش مشاكل بس خلاص الحاجات دى وقتها عدا وألى عنده بيحاول يتخلص منها

معلش حاول تظبط ميزانيتك وهات الصب و الماوس و الكيبورد :D

وال i3 هيعملك ألى أنت عايز وأبقى عليه فى أى وقت بدل الميزانية صعب

وياريت تكون أستفدت

[koshare]

طبعا ياريس استفدت دة كفاية اني استفدت اني عرفتك
بس انت لسة مقولتش يعني اية نواتين.........ويعني اية معمارية

[mohamedalaa6]

الله يخليك أنت بس ألى شكلك راجل زوووء

وبالنسبة الحاجات دى بأختصار

النواة هى الجرء المادى ألى ممكن نقول أنه هو ألى بيعمل عمليات المعالجة

عندك i3 ده بنواتين وكل نواة بها خطين معالجة وأنت لو فتحت ال task manger وجبت ال preformance هتلاقى ال cup قدامة لوحة متقسمة 4 (2نواة * 2خط معالجة ) يعنى ممكن نقول أنه

يكافء فى شغلة 4 بروسيسورات من البانتيوم 4 مثلا

أما ال i5 أربع أنوية وكل واحدة خطين معالجة (4أنوية * 2خط معالجة ) يعنى برده ممكن نقول أنه يكافء فى شغلة 8 بروسيسورات من البانتيوم 4 وهتلاقى برده فى ال task manger 8 أجزاء

وخلى بالك متستكتر دا فى كمان i7 وده فى منه 6 نواة وعيش بقى مع نفسك (لو معاك فلوس :D )

والمعمارية دى طريقة بناء البروسيسور من أجزاء ومكونات وتصميم سلاطاته ببابه غنوجه

دى بتبقى أحسن مثلا فى أستهلاك الكهرباء من الباور سبلاى والحرارة وكده يعنى و (معمارية أعلى = كسر سرعة أفضل ) بس الكسر مع البرد ألى بتقبل الكسر

ومستألنيش بتاعتى تقبل ولا لأ علشان معرف فى البرد خلى بالك (برد جمع ماذريورد مش برد عكس الجو حر )

وأى أستفسار أعضاء عرب هاردوير فى الخدمة

فى رعاية الله

[mohamedalaa6]

وال i3 هيعملك ألى أنت عايز وأبقى عليه فى أى وقت بدل الميزانية صعب

وياريت تكون أستفدت

لأن الأتنين 2 تواة ولكل واحدة خطين معالجة منتا عرفت العبة بقى بس الفرق المعمارية بينهم(core 2 due i3 )

[mohamedalaa6]

ومبروك مقدما على الجهاز الجديد يا معلم

[koshare]

الف شكر ليك ياريس.......
بس اخر استفسار......لما روحت اجمع الجهاز وسالت علي الكور i3قالي انة الكاش بتاعاة3يعني هيديني 9(ضرب 3*3)
اما البروسيسر اللي انا مجمعة كور تو ديو كاشة6 يعني هيدين 12......الكلام دة صح ولا غلط

[mohamedalaa6]

لأ يا معلم الكاش مالوش دعوة بالأنوية ال i3 و core 2 due

(2*2)

أما الكاش هى زى الرام بتاعت البروسيسور يعنى مثلا يبقى دماغة فاضى أنه يعمل عمليات معالجة أكتر :D

بس ما أظنش أنك تضحى ب i3 وتاخد core 2 due علشان الكاش فى معمارية ولو جبت برده لل core 2 due مش هينفع تركب التانى والعكس

فلازم تختار وتقرر و زى ماقلتلك الحاجات دى وقتها خلص (core 2 due )

ولك القرار الأخير