السلام عليكم اعضاء المنتدى الكرام , بما إني جبت لاب فـ حبيت ابقى عضو جديد معاكو في المنتدى الجميل ده .....

دلوقتي انا إشتريت اللاب اللي كتبت إسمه فوق ونزلت ويندوز وسطبت جميع التعريفات وكل حاجه شغاله تمام جداً بس المشكله الوحيده هي ( الحراره ) حراره الجهاز وصلت لـ 90 وانا بلعب nfs the run

وأدي صورتين من درجه الحراره ببرنامجين مختلفين








انا سألت ناس عن الموضوع ده واحد قالي انا عندي في بعض التطبيقات درجه الحراره بتوصل لـ 95 ومفيش مشاكل الجهاز هيتحمل وهكذا

دلوقتي بئا سؤالي هو , هل درجه الحراره ديه عاديه؟ انا يعتبر مشغل لعبه تقيله جداً انا عارف بس انا كنت بجرب كل حاجه فيه مع العلم إن وانا مشغل اللعبه ديه الحته الشمال ناحيه الماوس كده كانت سخنه جداً جداً جداً انا عارف إن ديه فيها البروسيسور وكارت الشاشه اي حاجه فيهم علشان كده بتسخن جامد كده , بس ديه ممكن تتحل إني اجيب كيبورد وماوس عادي مش مشكله

فـ انا بس عايز اعرف الحراره ديه ممكن تحرق البورده او البروسيسور وكارت الشاشه ولا لآ ارجو الرد بسرعه علشان لو كده انا هحاول ارجعه واجيب لاب مش بيسخن بـ الدرجه ديه وياريت تقولولي على انواع اللابات اللي مش بتسخن أوي كده مع التطبيقات العاليه

ملحوظه : انا كنت جايب لاب زيه في نفس اليوم والحراره وصلت 100 رجعته للراجل قالي مروحه البروسيسور مش شغاله اصلاً وإداني واحد جديد وبرضو الحراره وصلت لـ 90 مع التطبيقات العاليه , وفي حاله الخمول درجه الحراره بتكون مثلاً 55 او 57

ملحوظه أخرى : انا كنت بستخدم المروحه الخارجيه في الوقت ده Cooler بـ 5 مراوح