وعليكم السلام
أخي مبدئياً تأكد من تثبيت المشتت جيداً وأنه لا يتحرك ... أعلمنا بالنتائج برفع صورة الحراره ببرنامج HW Monitor.
السلام عليكم , أتمنى تكونوا فى أتم الصحة و العافية
أولاً إمكانيات جهازى كالآتى :
CPU : Intel Core i5 2500 @ 3.3 GHz
GPU : AMD Radeon HD 6970 2 GB DDR5 (With a free Dirt3 Copy)
MB : Gigabyte P61-USB3-B3
Ram : 8 GB (2×4) DDR3
Case : Cooler Master HAF X Full Tower
Monitor : Samsung SyncMaster BX2231 22"
و كنت عاملهم مراجعة هنا :
https://arabhardware.net/forum/showt...244&highlight=
https://arabhardware.net/forum/showthread.php?t=300478
المهم , الجهاز جبته و لعبت أول أسبوعين الألعاب الحلوة و التقيلة زي باتلفيلد 3 و كريسيس 2 و كول اوف ذا ديوتى مودرن وارفار 3
لكن من ساعتها لحد دلوقتى كل ما أجي أشغل لعبة تانى ألاقى كارت الشاشة بيسخن بصورة رهيبة و بيوصل لـ80-90 درجة ! و سرعة المروحة معدية الـ3.5 ألف (مع العلم إنى من الأقصر و درجة الحرارة فى العادي 35-45)
المهم لسه محدث الكيسة و جبت الكيسة الهاف أكس البارح و قولت أهو نجرب نلعب شوية و إن شاء الله الأمور حتكون أتحسنت
قولت أجي ألعب ألان واك على أعلى ريزلوشن (1920×1080) و إعدادات الجرافيك على آخرها , لقيت بعد 5 دقايق الكارت وصل لـ84 درجة و ما لعبتش حاجة لسه برغم إنى كنت مشغل التكيف يعنى المفروض يفرق مع الكيسة
فدلوقتى أنا أعمل ايه علشان ألعب حاجة كويسة , يعنى فى ناس عندها مواصفات أقل من ال عندى بكتير و بيلعبوا برغم كده زي ما هم عايزين , و الألعاب ال مش بتشغلها مواصفاتهم اهم راضيين , أنما انا لما يبقى عندى جهاز زي ده و يشغل اللعب على أعلى ريزلوشن و الجرافيك على آخره و ما أعرفش ألعب أي لعبة أو قفلت أي لعبة غير كول أوف ذا ديوتى بس !
برغم إن الكيسة بأنضفها بالبلاور يوماتى و محدث التعريف بتاع الكارت لآخر نسخة
ففى حل للقصة دي قبل ما أولع فى الكيسة و أخلص لأني زهقت بصراحة ؟!!
وعليكم السلام
أخي مبدئياً تأكد من تثبيت المشتت جيداً وأنه لا يتحرك ... أعلمنا بالنتائج برفع صورة الحراره ببرنامج HW Monitor.
يا باشا كل حاجة أكدناها عليها و أحنا لسه مركبينها البارح يعنى ما لحقتش تبوظ
و ادي صورة للنتائج بعد لعب لعبة الآن ويك لمدة دقيقتين بس (حسبت الوقت بستوب واتش) :
!!!
أخي من الصوره تبين لي أن المراوح لا تعمل ...
تأكد من هذه النقطه ومن مروحة المعالج بالأخص.
لا يا باشا
أنا لسه فاتح الكيسة دلوقتى و الجهاز شغال , و جميع المراوح شغالة :
1- مروحة فى أسفل الكيسة من الأمام
2- مروحة فى باب الكيسة من الشمال
3- مروحة فى الكيسة من أعلى
4- مروحة فى أعلى الكيسة من الخلف
5- مروحة البروسيسور
6- مروحة كارت الشاشة
o.0
و بعدين يا شباب , و لا واحد حصلت معاه المشكلة دي قبل كده و حلها أو أي حد خبير بالهاردوير يساعدنى أحلها !!
حضرتك المشكلة مش محتاجه خبير ولا حاجة أحنا فى الصيف ودرجة الحرارة طبعاً زى الفل فحضرتك أعمل بروفايل لسرعة المروحة ببرنامج Msi Afterburner وهتلاقى شرح البرنامج موجود فى التوقيع.
انا عندى نفس ال باور سبلاى ده و بيحصل معايا نفس المشكله و لقيت ان السبب ان مروحة الباور سبلاى بتطرد الهواء منه......يهنى الهواء الساخن بيطلع ما الباور و داخل على الكيسه....و زى منتا عارف ان معظم تصميمات الكيسه بيكون مكان الباور سبلاى فوق ال .....يعنى الهواء الساخن نازل على البروسيسور علطول
المفضلات