مشكلة في ram slots في البوردة gigabyte-ep45-ud3r

**osamaahmedfoad** · 06-06-2012, 22:43

السلام عليكم

عندي مشكة في اول خانتين للرامات في البوردة .. مش بيقروا الرامات
حاولت انضف مكانهم و جربت اكتر من رامة انها تشتغل عليها نفس الحكاية بتدي صفارة في بداية التشغيل
( نوع الماذربورد gigabyte ga-ep45-ud3r )
مع ان الخانتين الي بعدهم شغالين و بيقروا الرامات عادي جداً
و قمت بتحديث BIOS بآخر تحديث موجود لنوع البوردة دي
و برضه نفس الحوار .. هل البوردة تحتاج لصيانة و لا فيه حل تاني اجربه قبل الصيانة ؟؟

**osamaahmedfoad** · 08-06-2012, 06:38

20 مشاهدة و مفيش رد يوحد ربنا

**Ahmed.Elsayed** · 09-06-2012, 19:54

هل المنفذين الذى تعمل بهم الرامات نفس اللون أم لونين مختلفين ؟ وهل جربت تشغيل رامة واحدة أم تجرب تشغيل رامتين فى نفس الوقت ؟

**osamaahmedfoad** · 10-06-2012, 01:25

التي تعمل بهم الرامات الآن آخر منفذين و لونهم مختلف ( المنفذ الثالث و الرابع ) .. رامة 1 جيجا كينجستون bus 667 و الأخرى 2 جيجا هايبر اكس كينجستون bus 1066
اما اول منفذين في الماذربورد لا يعملوا تماماً مع تجربة اكثر من رامة ( المنفذ الأول و الثاني ) و اي رامة توضع بالمنفذين تعمل صوت صفارة
( الماذربورد اربع منافذ .. المنفذ الأول و الثالث لونهم اصفر و المنفذ الثاني و الرابع لونهم احمر )
لا اقصد dual channel بل ما اقصده هو عدم عمل اول منفذين في الماذربورد هل عيب يحتاج للصيانة ام يوجد حل آخر ؟
و اكون شاكر جداً لتعب حضرتك معايا و جزيل الشكر للرد و التفاعل

**Ahmed.Elsayed** · 10-06-2012, 06:22

ستحتاج للذهاب إلى فنى صيانة لتغيير المنافذ المعطلة بأخرى جديدة لكى تعمل مرة أخرى أو أرضى بالأمر الواقع إذا كنت لا تحتاج إلى تركيب رامات جديدة.

**osamaahmedfoad** · 10-06-2012, 13:57

شكراً لك اخي احمد .. تمت الأفادة
هروح اعملها صيانة و ابيعها و اجيب واحدة جديدة

**Ahmed.Elsayed** · 10-06-2012, 15:59

نصيحة منى وأنت بتبيع البوردة بيع معاها الرامة ال 1 جيجا وأشترى رامة كمان 2 جيجا كينجستون هايبر أكس نفس موديل الرامة الموجودة عندك أو أشتغل على رامة واحدة 2 جيجا.