مساعدة لأختيار هاتف مناسب للأنترنت

[e_mmeg]

اولا : السلام عليكم جميعا
كنت حابب اسأل يترى ايه انسب هاتف فالوقت الحالى لاستخدام الانترنت
انا محتاج جهاز اقدر اتصفح من خلاله الانترنت وتطبيقات المحادثة .... بمعنى ادق محتاج جهاز اقدر استخدم الانترنت معاه وكأني على اى جهاز كمبيوتر
كان فيه احد اصدقائي رشحلى تليفون HTC Desire HD بس لما حاولت اعرف اكتر عن التليفون وجدت انه من 2010 فهل فيه اي اختيارات حضرتكم ممكن ترشحوهالى تكون افضل او يكون فيه اى تليفون افضل ظهر فالفترة دي ولا لأ
وشكرا جزيلا لكم واتمنى اني اقدر اوصل لقرار لأنسب هاتف اقدر استخدمه

[anistoona]

ممكن يا أخي تحدد ميزانيتك كام ؟ ويا ترى تحب تليفون بشاشة كبيرة أو صغيرة ؟ ومن كلامك يظهر إنه مافيش مانع من استخدام موبايل بشاشة لمس من غير لوحة مفاتيح ( كيبورد ) .. صح؟

[e_mmeg]

ممكن يا أخي تحدد ميزانيتك كام ؟ ويا ترى تحب تليفون بشاشة كبيرة أو صغيرة ؟ ومن كلامك يظهر إنه مافيش مانع من استخدام موبايل بشاشة لمس من غير لوحة مفاتيح ( كيبورد ) .. صح؟

اخي العزيز الميزانية مش مشكلة لو فعلا التليفون هيوفي بالغرض ... وطبعا لو كان التليفون بشاشة لمس كمان على الاقل هتقلل شوية فحجم الفون ومتهيألى الشاشة هتكون كبيرة الى حد ما بما انها هتكون لمس وعلشان يكون التليفون مريح فالتصفح بس كمان مش تكون حجمها كبير لدرجة مبالغ فيها مش لدرجة انى اجيب تاب يعني
مع العلم ان التليفون هيجي من الكويت وليس من مصر
وشكرا جدا لاهتمامك

[anistoona]

اعتقد ان هاتف :
Samsung Galaxy S3
سيفي بالغرض، وهو موجود بالسعودية بحوالي 2600 ريال، فهو من وجهة نظري افضل هاتف ذكي لهذا العام من حيث الاداء. كما ان شاشته ليست من الكبر المبالغ الذي يجعل حمل الهاتف مشكلة، وليست من الصغر الذي يذهب بمتعة المشاهدة والقراءة.
وان لم تجده، فعليك ب
Samsung Galaxy S2
وسعره تقريبا بحوالي 1800 ريال ..

ولكن يجب ان تعلم ان هذا النوع من الهواتف التي تسمى بالهواتف الذكية، تشحن بطاريتها مرتين في اليوم، وربما اكثر في حالة الاستخدام الثقيل سواء بالالعاب او التصفح او مشاهدة الافلام .. مثلا يمكنك التصفح عبر هذه الهواتف لمدة 5 ساعات قبل ان تفرغ البطارية نهائيا ..

وليس هذا عيب في عتاد هذه الهواتف، انما هو عيب البطارية، فللاسف، ان عملية تطور تقنية البطاريات متجمدة في مكانها، ولم تتطور بسرعة الكافية لتواكب امكانيات الاجهزة ..

فانصح بشراء بطارية احتياطية، بشاحن بطاريات، حتى تستطيع ان تبدل ما بين البطاريتين وتضمن اطول فترة استخدام ممكنة ..


Sent from my HTC Sensation XE using Tapatalk 2

[e_mmeg]

شكرااااا جدا على الافادة وفعلا الهاتفين دول كويسين ومن بين اختياراتي بس كنت سمعت عن ان هواتف HTC بتدعم بعض الخصائص للانترنت عن باقي الاجهزة فهل يتري الكلام دا مظبوط ولا لأ حتى لو كان بيتميز بمزايا قليلة بس ممكن تفرق معايا بخصوص الاترنت ودا الهدف الاساسي ليا فالتليفون طبعا وهو الانترنت

[anistoona]

انا سمعت ان خاصية تظبيط الكلمات عل الشاشة او ال Text Wrapping لا يعمل كما يجب في اجهزة الجالاكسي.
الخاصية ديه تخلي طول سطور نصوص الكلمات تبقى عل قد الشاشة وكل ما تكبر الصفحة كل ما تقل عدد الكلمات في السطر الواحد، بحيث انك تحرك الصفحة مع القراءة لتحت بس وماتضطرش تحرك الشاشة يمين وشمال عشان تكمل قراءة السطر الواحد.

انا سمعت ان الخاصية ديه مش شغالة كويس مع الجالاكسي، وبتوقف عند تكبير الصفحة لحد معين او بتشتغل مع صفحات وصفحات لأ .. انا شوفت الحكاية فعلا في عدة جالاكسي فيت .. بس مش عارف هل هي موجودة في عدد الجالاكسي العالية زي الاس2 او الاس3 واللا لا ..


Sent from my HTC Sensation XE using Tapatalk 2

[e_mmeg]

شكرا ليك جدا على المعلومة انا معرفهاش طبعا ومعرفش يترى هي موحودة فالجلاكسي ولا لأ
بس لو فكرنا ترشحلي تليفونHTC فرأيك ممكن يكون ايه
ومعلش بجد على تعبك معايا

[anistoona]

عدد ال HTC تمتاز بفخامة مواد تصنيعها خلافا للجالاكسي اللي تحس انه معمول ببلاستك درجة تالتة، بس في ناس تحب كدة عشان العدة ماتبقاش تقيلة في الجيب ..

المنافس للجالاكسي اس 3 من فريق الhtc
هو htc one X، وبالرغم من اني متعصب لل HTC الا ان لي ملاحظات عل الOne X

- بطارية الOne اقل من الاس3 بفرق ساعة تقريبا
- بطارية الOne غير قابلة للفك (الله يجازيكي يا آبل )
- لا يمكن تركيب ذاكرة خارجية والاكتفاء ب16 جيجا حجم الذاكرة الداخلية. ( الله يسامحك ياآبل)

فلو انك ممكن تعيش بالهاتف مع الملاحظات ديه، فعليك بالOne، فهو هاتف خارق في بقية النواحي ..

ولو كنت عايز تجرب موديل اقدم شوية، فممكن تجرب موبايل زي الموبايل بتاعي، HTC Sensation XE
شكله تحفة، ببنية خارجة متينة وفخمة، ثنائي النواة، ياتي بسماعات اذن احترافية، مع برنامج ايكولايزر احترافي Beats Audio، يخلي سماع الموسيقى بسماعات الاذن شيء تاني ..


Sent from my HTC Sensation XE using Tapatalk 2

[e_mmeg]

انا بصراحة حابب ال HTC عن السامسونج ولو حضرتك اخدت بالك فاول مشاركتي كنت بسأل على موديل معين بس مكنتش اعرف يترى فيه افضل منه ايه
وانا شوفت فعلا تلبفون htc one X بس مكنتش اعرف عيوبه دي الصراحة وغير كدا انا شايف انه تحفة برضه
بس زي ما قولت انا مش هيفرق معايا قديم او جديد المهم يكون الغرض اللى محتاجه متوفر فيه زي ما انا عاوز وهو النت
بالنسبة للموديل Sensation XE فأنا بصراحة شايفه كويس برضه بالاضافة انك حببتني فيه كمان ومع ملاحظات الموديل الاول تخلينيى للموديل التاني الاولوية وعلى فكرة هو مش قديم شوية ولا حاجة الموضوع كله فرق كام شهر
انا متشكر ليك جدا يا فندم ومبدأيا انا فدماغي دلوقت Sensation XE الا لو حصل ومش قدرت الاقيه ساعتها ربنا يسهل ان شاء الله
وشكرا جدا على المساعدة واسف على تعبك معايا

[e_mmeg]

وممكن كمان بعد اذنك توضحلى الفروق بين الموديلين دول ؟
HTC Sensation XE
HTC Sensation
ويترى الفرق بينهم يستاهل الفرق فالسغر ؟
واكون شاكر لحضرتك جدا

[anistoona]

الـ XE أعلى من العادي من حيث :
المعالج 1500 مقابل 1200 للعادي
الذاكرة الداخلية " للتخزين " : 3814 ميجا مقابل 1 جيجا للعادي
البطارية أعلى : 1730 مقابل 1520 للعادي
وطبعا خاصية Beats Audio مع سماعات أذن Beat Audio الإحترافية، فهذان الخاصيتان غير موجودتان في النسخة العادية..

ولو هاتجيبوا من مصر ، ولو الضمان مش عاملك مشكلة ، ممكن تجيبه من السراج مول في آخر شارع مكرم عبيد في مدينة نصر ، هتلاقيه هناك أرخص بحوالي 200 جنيه من برة، بس بضمان المحل وليس بضمان توكيل الـ HTC في مصر ، بس إتأكد أنه بيقرا عربي ، قبل ما تشتريه أفتح بيه أي موقع عربي وانت واقف في المحل ..
أصل في نسخ بتعرف تقرا عربي وده بيتباع بحوالي 3600 - 3500 جنيه ، وفي نسخ تانية ما بتقراش عربي بيتباع بـ 3400 - 3300 جنيه ..
وفي كل الحالات الموبايل بيجي معاه كارت ميموري 8 جيجا ..

وألف مبروك مقدما

[e_mmeg]

متشكر ليك جدا يا فندم ومعلش على تعبك معايا والتليفون عاجبني بصراحة وان شاء الله اجيبه
والله يبارك فيك وربنا يجازيك خير على تعبك معايا وتقدر تفيد ناس كتير دايما ان شاء الله

[e_mmeg]

ازيك يا فندم يا رب تكون فاكرني ... انا اشتريت الفون فعلا وهو بصراحة كويس جدا
لكن انا كان فيه عندي حاجة بس عاوز افهمها
يترى كل ما استعمل الفون وبعد ما اخلص هيبقى قفلى وفتحي للشاشة من خلاص الباور ولا يترى فيه حاجة تانية
تانى حاجة معلش الجهاز بيقرأ عربي وكل حاجة وعلى النت كمان لكن مش بيكتب عربي على النت والكيبورد الموجودة انجليزي وارقام بس فيترى اعمل ايه فالموضوع دا علشان اقدر اكتب عربي على النت
وشكرا ليك مقدما

[anistoona]

ألف مبروك يا باشا على الموبايل الجديد .. يتربى في عزك إن شاء الله ..
بالنسبة لقفل الشاشة .. أنا لغايت دلوقتي بدور على برنامج بيعمل الحركة ديه لكن كل البرامج اللي لقيتها حتى الآن فاشلة ..

بس أنا مركب برنامج إسمه WaveControl ده يخليك تفتح الشاشة و أي برنامج إنت تختاره عن طريق تمرير إيدك فوق أعلى الشاشة ، يعني من غير ما تلمس الموبايل خالص .. حركة ديه حلوة وانت حاطط الموبايل بره جيبك .. بس لازم تقفل البرنامج قبل ما تشيل الموبايل جوة جيبك..
بالنسبة للكيبورد العربي .. إنت لو دوست دوسة طويلة على أي مربع كتابة حوار ( زي جوة الرسائل القصيرة أو جوة أي برنامج محادثة -تشاتينج- ) وسيبت صباعك بعديها هتلاقي قايمة بتظهرلك فيها ( أعدادات الإدخال أو Input Setting ) .. إختار الكيبورد العربي ..

وفي كيبورد أنا باستعمله شخصيا أنا شايفه إنه مريح وأحسن من كيبورد العدة .. إسمه Smart Kyboard Pro

أنا حطيتلك الروابط تحت .. نزلهم وحطهم في كارت الميموري وسطبهم ..
بس عشان تعرف تسطب البرامج ديه ، لازم تخش على الإعدادات عند في الموبايل ، قسم البرامج ، وتأشر على اختيار ( قبول تثبيت برامج مجهولة المصدر ) أو حاجة بمعناه عشان القايمة عندي بالإنجلش ..

وديه الروابط :
SmartKeyboard
WaveControl

وشوف الموقع ده، الموقع ده مفيد ومتخصص في الهواتف المحمولة وهتلاقي فيه ما يسرك
الموقع

وكل سنةوانت طيب وأهلا بيك في عالم الأندرويد

[e_mmeg]

شكرا ليك جدا وعلى الافادة انا هجرب البرامج دي واشوف النتيجة ان شاء الله وكل سنة وانت طيب يارب والمووبايل فعلا كويس حتى لو بموضوع زرار الباور دا