نصيحة قبل شراء Sony Ericsson ARC S

[ellassy]

بعد اذنكم يا شباب
بأذن الله ناوى اشترى موبيل جديد وكنت محتار بين NEO V وبين ARC S
وقررت اجيب الارك علشان شاشته اكبر والكاميرا

ده اول موبيل اندرويد اشتريه
كنت عايز اعرف ايه رأيكم فيه وهل فى موبيل بنفس السعر وامكانياته افضل
انا يهمنى الشاشة علشان هستخدمه فى التصفح وقراءة الكتب
والبطارية والكاميرا

الموبيل سعره حاليا فى محل فى الهرم اسمه الجندى بضمان رزق الله عامل 2675 جنيه وفى موبيل شوب او بى تك عامل 3000 ضمان دلتا
الجهاز مش جاى معاه غير سماعة وشاحن وتقريبا كابل ال HDMI

انا سألت الراجل فى المحل قالى ال HTC ONE V افضل منه وهو عامل 2500 بس شاشته 3.7 والكاميرا 5 ميجا

[anistoona]

أنا شايف إن الـ ARC S أحسن من One V ، لأني شايف إن الـ One V "محكوم" ومربوط ، ده حتى شكله مش قوي مقارنة بالأرك !!

وده رابط مقارنة ما بين الجهازين :

Comparison: HTC One V T320e vs. Sony Ericsson Xperia Arc S

[ellassy]

الف شكرا يا اخى anistoona
كنت عايز اعرف ليه فى فرق كبير بين المحل العادى وبين الوكيل نفسه
يعنى فى موبيل شوب ب 3000 وفى المحل اللى شفته فيه ب 2675 اعتقد فرق كبير
ياترى ايه السبب ؟؟

[anistoona]

اعتقد ان العدة اللي من المحل من غير ضمان ممكن عشان بتكون مهربة من الجمارك، والبائع هيقولك ان العدة بضمان المحل لمدة محدودة، شهر عل اقصى تقدير..

لو الضمان مش فارقة معاك، وخصوصا ان نادرا ماحد يستخدمها، لانها تغطي فقط عيوب الصناعة ولا تغطي الاضرار الناتجة عن الحوادث : كالكسور والخدوش، لو مش فارقة معاك الضمان اشتري من المحل ..

بس اتاكد ان العدة بتقرا وتكتب عربي، يعني وانت واقف في المحل افتح اي موقع عربي على النت من العدة..لو بتقرا عربي يبقى اتوكل على الله واشتري، غير كدة ماتشتريش،..

Sent from my HTC Sensation XE using Tapatalk 2

[SweetLorko]

اكيد طبعا arc s افضل بكثير من htc توكل على الله وربنا يباركلك فيه لما تشتريه

[ellassy]

بس العدة محطوط عليها استيكر " توكيل رزق الله " مكان ما بتفتح العلبة
انا اللى اعرفه ان الارك كله بينزل معاه العربى حتى العدد اللى بره مصر

فى حاجة انا دخلت على منتدى وكان كاتبين ان الموبيل بيجى معاه
سماعة
كابل HDMI
Screen Protector وده بيبقى ملزوق مع الشاشة وفى واحد تانى احتياطى
وشاحن العربية
مش عارف الحاجات ده بتبقى بره مصر بس ولا ايه
علشان الراجل قالى هو جاى معاه سماعة وشاحن و Screen Protector اللى مرزوق عليه بس

وفى حاجة تانى انا اول مرة استعمل الاندرويد
ايه اول حاجة اعملها اول ما اشغل الجهاز
يعنى هل فى حاجة اعمل منها BACKUP علشان لو عكيت ابقى اعمل Restore وارجعه زى الاول

والف شكر ليكم يا جماعة اسف تعبكم معايا

[anistoona]

مادام بتوكيل رسمي يبقى إتوكل ..
وبالنسبة الملحقات اللي بتبقى موجودة في علبة الموبايل فهي بتختلف حسب المنطقة، بس مذكور في موقع GSMArena، إن الملحقات اللي موجود في العلبة هي :
الشاحن
الكابل بتاع الشاحن واللي يمكن يستخدم ككابل داتا برضه.
السماعات
جراب جلد

ممكن تبص في الصورة المرفقة ..

- أول حاجة تعملها لما تشتري الأندرويد : هو إنك تعمل حساب في الجي ميل في جوجل، وبعد كدة لما تنقل الأرقام من العدة القديمة ، خلي الأرقام كلها تتحفظ على حساب جوجل، عشان لو فرمت الجهاز ، النمر ترجعلك تاني أول ما تسجل الجي الميل في الموبايل وتعمل مزامنة .. وممكن تنقل الأرقام من العدة القديمة عن طريق البلوتوث ..
- تاني حاجة : تروح للإعدادات / برامج / وتعلم على "قبول برامج من مصادر مجهولة" ( أو حاجة في المعنى ده )
- لو إنت موبينيل أو اتصالات ، يفضل إنك تشترك في باقات الموبايل إنترنت وأحسن باقة من حيث التوفير هي باقة 20 جنيه في الشهر، وبتديك إنترنت موبايل مفتوح 24 ساعة، فقط بثمن الإشتراك ( 20 جنيه ) في الشهر .. وده عشان الأندرويد بلاعة نت .. وقدامك :
إما تخلي رصيدك يطير !! ، يا إما تقفل النت خالص ( وده هيضيع نص متعة الأندرويد ) وإما تشترك في باقات الإنترنت ..

دول أهم حاجة تعملهم أول ما تمسك العدة .. ولو احتجت لأي حاجة من برامج أو استفسارات أنا تحت أمرك .. ومبروك مقدما يا سيدي

[DoCToR.TaHeR]

أنا شايف ان ال Arc S ايضاً جيد ومش هختلف مع اي حد نصحك قبلي , بل اني مُتفق معهم تماماً في كل ما تم ذكره

بس أنا ليه وجهة نظر بسيطة كده , الجهاز سعره حالياً حوالي 2700 جنية , والمعالج بتاعه مهما كان احادي وراماته 512 ميجا فقط , ده غير ان ال GPU بتاعه مش علي قد المبلغ اللي هتدفعه .
لا والمشكله الأكبر , مساحة الذاكرة الداخلية اللي بتفرق جداً في الأندرويد , واللي تقريباً 420 ميجا فقط !

طيب مانت ممكن تجيب السامسونج جالاكسي اس 2 بسعر 2800 - 2850 جنية من غير ضمان وهتتفادي جميع العيوب اللي انا ذكرتها بالأعلي .

أنا لا أقصد العيب في ال ARC S او التقليل من شأنه ( انا ذات نفسي معايا سوني ) لكني بس حبيت افكر معاك بصوت عالي طالما طلبت النصيحة

[ellassy]

الف شكر ليكم جميعا الحمد لله اشتريته انهارده
الجهاز الحمد لله اكثر من رائع

انا لسه مبتدئ فى الاندرويد فهحتاج وقت شويه علشان اكتشفه
لسه معملتيش اى حاجة فيه . بأذن الله هستعمله كام يوم وهحاول اعمل مراجعة ليه علشان لو حد حابب يشتريه او يعرف معلومات عنه

والف شكر ليكم مرة تانيه

[anistoona]

طيب مانت ممكن تجيب السامسونج جالاكسي اس 2 بسعر 2800 - 2850 جنية من غير ضمان وهتتفادي جميع العيوب اللي انا ذكرتها بالأعلي .

حضرتك بتتكلم بجد !! الجالاكسي إس 2 بقى بالسعر ده !!:eek:
واللا قصد حضرتك على الجالاكسي إس .. من غير "2" يعني ..

[SweetLorko]

فعلا الجلاكسى اس 2 بقى بالسعر دا بس المشكلة انه من غير ضمان زى ماقال اخويا الدكتور طاهر :-)
https://www.mob4me.com/%D8%B3%D8%A7%...S_II_I9100.htm

[anistoona]

فعلا الجلاكسى اس 2 بقى بالسعر دا بس المشكلة انه من غير ضمان زى ماقال اخويا الدكتور طاهر :-)
https://www.mob4me.com/%D8%B3%D8%A7%...S_II_I9100.htm

بالغ إعتذاري للدكتور طاهر، أنا مش بشكك ولا حاجة ، أصل فرق السعر الضخم ( ألف جنيه )، خلاني أفقد صوابي .. ده كدة سعره ولا المستعمل ..:eek:

[SweetLorko]

هو فعلا سعره مريب واعتقد انه جديد بس ممكن يكون نسخة G

[DoCToR.TaHeR]

بالفعل يا جماعة هو سعره 2850 جنية بدون ضمان من عند سيليكت , يعني ممكن يكون من عند الشناوي او اي محل تاني اقل كمان من المبلغ ده .
وحتي لو كان النسخة ال G انا شايف ان مفيش مُشكلة , النسخة نزلها ICS والشركة بدأت تهتم بيها , وحتي المطورين اهتموا بيها ونزلوا ليها روم CM9 .

عشان كده انا نصحت الراجل نصيحتي بزياده ال 100 جنيه دي واقتناء الجالاكسي اس 2 والضمان محدش بيعمل بيه حاجه اليومين دول .
لكن برضه الأرك اس ممتاز جداً , ومبروك علي صاحب الموضوع وان شاء الله يعجبك

[tahagamal]

بالفعل يا جماعة هو سعره 2850 جنية بدون ضمان من عند سيليكت , يعني ممكن يكون من عند الشناوي او اي محل تاني اقل كمان من المبلغ ده .
وحتي لو كان النسخة ال G انا شايف ان مفيش مُشكلة , النسخة نزلها ICS والشركة بدأت تهتم بيها , وحتي المطورين اهتموا بيها ونزلوا ليها روم CM9 .

عشان كده انا نصحت الراجل نصيحتي بزياده ال 100 جنيه دي واقتناء الجالاكسي اس 2 والضمان محدش بيعمل بيه حاجه اليومين دول .
لكن برضه الأرك اس ممتاز جداً , ومبروك علي صاحب الموضوع وان شاء الله يعجبك

+1
بس نسخه ال G دعمها اقل بكتير من النسخه العالميه