أريد شراء لاب توب ولا اعرف فى مواصفاته , لو سمحتوا المساعدة

[SR123]

السلام عليكم ورحمة الله وبركاتة

انا محتاج اشترى لاب توب ومفهمش فى مواصفاته وبسمع ناس بتشترى لابات وكانها جديده وهى مستعملة فى الاساس , لانى اللى بيشترى مش بيفهم فيهم
لو سمحتوا من اصحاب الخبرة تدبير أمرى وجزاكم الله خيرا فى الدنيا والأخرى

انا عايز لاب لأغراض الجرافيكس ولأغراض تنزيل اكثر من نظام تشغيل على البرامج الوهمية
ازاى اقدر اشترى لاب وازاى افهم مواصفاته عند الشراء وايه افضل الماركات من اللابات لأغراض الرجافكس والانظمة والوهمية

للأسف الميزانية ضعيفه شويا فى حدود 3 ألاف جنيه

شكرا

[Michael Youssef]

أخي الكريم أولا موضوع انك تشغل virtual machines هتحتاج رامات اكتر من 4 جيجا ، يعني نقول 6 او 8 جيجا علي حسب عدد الvirtual machines الهتشتغلها في نفس الوقت. لو مجرد واحدة او اتنين يبقي 4 جيجا كفاية اوي. لكن لو بتذاكر شبكات او ادارة ويندوز و عايز تدرب لازم تجيب 6 او 8 جيجا.
المعالج i5 علي الاقل
لكن للاسف مش هتلاقي غير ديل في حدود 3100 و هتدفع اكتر شوية علشان تزود الرامات الي 8 جيجا.
أنا بخاف من الديل بس غالبا لو جبته من مكان محترم و جربت الجهاز في نفس اليوم و طلع كويس، غالبا هتبقي في الامان

[MOHAMED ELIAS]

انا لقيت لاب سامسونج فى الرابط دة https://www.********.com/product.php?id=14725 مواصفاته حلوة و سعره 3200 عند كارفور انا ناوى عليه و ياريت حد يقولنا حلو ولا لأ

[Michael Youssef]

سعره مناسب جدا و سامسونج منتجاتها روعة بس لو صيني هخاف منه ، يعني روح شوف الكرتونة لو مكتوب انه كوري اشتريه علطول و قولي علشان انا عايز اشتري واحد كمان

انا برده معجب جدا ب Acer و موديلاتها انيقة و مش فيها اي مشاكل خالص ، وسعره روعة كمان.

[SR123]

شكرا ليكم كلكم على الاهتمام واللاب السامسونج شكله جامد برطو

وايه راى الناس فى اللاب ده برطو
https://egypt.souq.com/eg-en/hp-pavi...0ee-3981251/i/

[Michael Youssef]

التش بي نضيف طبعا بس انا مش بحبه شخصيا و الشاشة بتاعت الموديل دا 14 بوصة بس
انا عند رأيي ال Acer خالي من المشاكل و السامسونج روعة لو كوري

[tamer83]

سلام عليكم بس يا باشا العضو مايكل صح فى كل حاجة قالهالك بخصوص virtual machine وان الديل مشاكلة كتير فعلا وخليك بعيد عنة متقربلهوش باى شكل من الاشكال وعلى راى الشخصى ان السامسونج انضف من الاتش بى خليك فى الساسمونج وربنا يوفقك

[Michael Youssef]

لو هتجيب ديل هات XPS لانه خط انتاج مختلف تماما و سعره اكثر اختلافا

[SR123]

التش بي نضيف طبعا بس انا مش بحبه شخصيا و الشاشة بتاعت الموديل دا 14 بوصة بس
انا عند رأيي ال Acer خالي من المشاكل و السامسونج روعة لو كوري

أولا ميرسى جدا ليك ولكل الاعضاء اللى اهتمت وشاركت فى الموضوع
شكرا ليكم جميعا


سؤال السامسونج ولا Acer ؟

حاجة تانية ممكن تعطينى رابط الللابات الخاص بــ Acer ؟؟



ازاى ازود الرامات لما اشترى اللاب توب ان شاء الله ؟ وهل لازم ازود حاجة مع الرام زى كارت الشاشة او البروسيسور زى الجهاز البى سى العادى ؟


انا ممكن ازود على اللاب 2 او 4 جيجا من الراما يعنى اللاب هيبقى 6 او 8 جيجا ؟ والتكلفة اد ايه بتاعت الـ 2 جيجا او الــ4 جيجا ؟

سورى يا جماعة على اسئلتى الكتيرة وتقدر خيركم

[Michael Youssef]

لما تشتري الاب توب و انت في المحل افتحه و هات معاك اسطوانة ويندوز علشان تشوف بس الجهاز هيشتغل و يقوم معاك تمام و لا ايه ، وبعد كدا اطلب من الراجل انه يزود الرامات عادي يعني
دي موديلات جميلة
https://www.********.com/product.php?id=14134
https://www.********.com/product.php?id=12184
بالنسبة ال Acer و لا ال Samsung الاتنين كويسيين اوي هات الارخص و الانت شايفه احسن ، انا بالنسبة لي هستني شوية لاني مش مستعجل علي الاب توب ، الديسك توب بتاعي قوي جدا الحمدلله.

[SR123]

ربنا يكرمك يا رب يا مايكل , ميرسى جدا جدا على سرعة الرد

[SR123]

ان شاء الله هيكون سامسونج الإختيار ؟ هو متوافق يا جماعة لو سمحتوا مع شغل الجرافيكس ؟


وهل لازم ازود حاجة مع الرام زى كارت الشاشة او البروسيسور زى الجهاز البى سى العادى ؟


انا ممكن ازود على اللاب 2 او 4 جيجا من الراما يعنى اللاب هيبقى 6 او 8 جيجا ؟ والتكلفة اد ايه بتاعت الـ 2 جيجا او الــ4 جيجا ؟

سورى يا جماعة على اسئلتى الكتيرة وتقدر خيركم

[Michael Youssef]

مفيش مشكلة خالص ، انزل اتفرج وشوف الماركتين و تقفيل الاجهزة و شكلها و ياريت لو تشوف الاتنين شغالين في اي محل علشان تشوف جودة الشاشة بس طبعا الاتنين جودة الشاشات بتاعتهم عالية. هو الميزة ان الموديلات دي مش مشهورة اوي في مصر علشان كدا اسعارها حلوة.
لما تشتريه ابعتلي رسالة و طمني ، و طبعا نزل عليه Windows 7 64bits

[Michael Youssef]

لا هتزود الرامات بس و لكن طبعا هتلاقي في حد للرامات ، هتزود قطعة تانية 4 جيجا و هتلاقيها في حدود 175 جنيه مش فاكر بجد.
مبروك مقدما

[SR123]

هكرر تانى ربنا يكرمك والف شكر على الاجاابات , هحدد اسعار اللابات السامسونج + الرامات وهبدئ فى الشراء
شكرا لكل الناس على مساعدتها