5.5 بوصه ايه الافترى ده
تستعد شركة "سامسونج" الكورية للكشف عن الجيل القادم له "Galaxy Note II"، خلال مشاركتها فعاليات مؤتمر "IFA 2012" الذي سيتم انعقاده في العاصمة الألمانية "برلين" في الفترة من 31 أغسطس/ آب حتي 5 سبتمبر/ أيلول للعام الجاري،
ومن المتوقع طرحه بالأسواق في شهر أكتوبر
ووفقا لتقرير أصدرته صحيفة "MK Business News" الكورية، فإن الجيل الثاني لجالاكسي نوت سوف يأتي بمواصفات ومزايا متطورة، من ضمنها تزويده بشاشة عرض مزودة بتقنية جديدة يطلق عليها اسم "UBP Display" وهي إختصار لمصطلح "Unbreakable Plane" أي "لوحة غير قابلة للكسر"، حيث تم إستبدال مادة الزجاج كتلك الموجودة داخل شاشات "OLED" بمادة البوليمر داخل شاشات "UBP" التي تتسم بالمرونة والخفة، والتي ستطلق عليها سامسونج اسم شاشات "Youm" التي أعلنت عنها في شهر أبريل/ نيسان الماضي للعام الجاري، حيث تم دمج فيلم رقيق مرن داخل هيكل الشاشة بدلا من الزجاج. :ah46:وسوف تبلغ قياس شاشة "جالاكسي نوت 2" قرابة 5.5 بوصة أكبر قليلا من الجيل السابق ذو شاشة 5.3 بوصة. :ah26:
بجانب شاشته المرنة غير القابلة للكسر، سيأتي الجهاز مزودا بمعالج سامسونج الجديد المعروف باسم "Exynos 5" المعتمد على شريحة إيه آر إم "Cortex A15" رباعي النواة بسرعة 2 غيغاهيرتز، متضمنا وحدة معالجة رسومية من نوع "Mali-T604"، أكثر تطورا وأفضل من حيث الأداء والسرعة مقارنة بالإصدار السابق المزود بمعالج ثنائي النواة ذو سرعة 1.4 غيغاهيرتز.
ومن المتوقع أيضا أن يتمتع الجهاز بكاميرا ذو دقة عالية تبلغ 12 ميجابيكسل
--------
هاتف اقرب الي الجهاز اللوحي ولكنة ليس جهاز لوحي
شاشة غير قابلة للكسر ومعالج رباعي النواة بسرعة 2 جيجا ( شئ مذهل )
أكثر شئ لم يعجبني في الجهاز هو ان حجم الشاشة سيكون اكبر 5.5 انش ..
كنت اتمني ان تبقي ساموسنج علي 5.3 كما في الجلاكسي نوت او تقليل الحجم اللي 5 انش حتي اشعر انة هاتف استطيع حملة بسهولة
لكن في النهاية هو جهاز رائع! أليس كذلك ؟!
اعتقد ان سلسلة النوت ستصبح اكثر شهرة من سلسلة الاس عن قريب! خصوصاً بعد اس 3 الذي لم يقنعني في وجود العملاق وان اكس من HTC التايوانية
التعديل الأخير تم بواسطة KTaTaElAhlawy ; 20-06-2012 الساعة 04:54
https://t.me/pump_upp
5.5 بوصه ايه الافترى ده
5.5
ما روح امسك التاب بقى احسن :ah26:
في البداية شكرا علي الموضوع ، و علي الأخبار القيمة ( ده المدح) :D
خد بقي تعالي لما انتقدك شوية :D:D
one x افضل في رأيك من جالكسي اس 3 ؟!!
طيب انا هاقولك علي عيبين بس من وان اكس يخلي اي حد يصرف نظر عن شراءه نهائيا :
1- لا يوجد مدخل ميموري ميكرو اس دي يعني بالعامية مش بياخد ميموري اخرك 26 جيجا ميموري داخلي ولا عزاء لمحبي التصوير او الألعاب ( لعبة ماكس بين للأندرويد 1.5 جيجا ، توفا 3 1.1 جيجا ، لعبة مودرن كومبات 3 1.2 جيجا ...الخ)
2- البطارية قي جالاكسي اس 3 2100 mAh و ينفع تتغير و كمان ينفع تركب بطارية اكستيندد بروفايل توصل الي 3800 mAh بأسعار زهيدة ، اكس وان البطارية 1800 mAh ( اخرها 4 ساعات علي البرواسر ) داخلية يعني مينفعش تتغير لازم تروح التوكيل يغيرهولك او تخاطر و تفتحه انت و تضيع ضمانك.
دول سببين اتنين بس يخلو اي حد يفكر 1000 مرة قبل انه يغامر و يشتري اكس 1 من كذا سبب اكس 1 لم يتفوق في شيء عن جالاكسي س3 غير في شوية بيكسلات يتعدوا علي الصوابع :Dمش اكتر .
[URL="https://www.speedtest.net"][IMG]https://www.speedtest.net/result/628029798.png[/IMG][/URL] [SIZE=2][COLOR=#4b0082][FONT=comic sans ms][B]N[/B][/FONT][FONT=comic sans ms][B][B]o [/B][/B][/FONT][/COLOR][COLOR=#4B0082][FONT=comic sans ms][B]Comment[/B][/FONT][/COLOR] [/SIZE][IMG]https://www.speedtest.net/result/1513665010.png[/IMG]
اولاً منور :D
بخصوص الحديث عن العملاقين .. فأنا فضلت One x لعدة اسباب :
بالنسبة لي أول شئ ببص لة في الهاتف هو التصميم والمواد المصنعة لة وقد تفوق الوان اكس في جودة التصميم والخامة
لأن مع الاسف تصميم الاس 3 سئ جداً ( طبعاً كل واحد وذوقة ) لكن فعلاً انا شايف التصميم لا يرقي لمواصفات الموبايل .. لو كان نزل بنفس شكل S2 ( علي الاقل يعني ) كنت حقول عنة احسن موبايل
في المستوي التاني عندي بعد كدة بيجي النظام وطبعاً الاتنين اندرويد 4.0.3
ثم تالت حاجة الكاميرا
والوان اس افضل في خيارات الكاميرا والتصوير نفسة ودة بالنسبة لي مهم
ثم الصوت انا سمعت كلاً من صوت في الجهازين وحسيت الوان اكس افضل .. دة بجانب دعمة للـ بيتس اوديو :rolleyes:
افضل واجهة سينس 4 من HTC عن تاتش ويز الخاصة بساموسنج
اما بخصوص العيبين فمعاك حق في نقطة الحجم والذاكرة .. لكن دي استطيع حلها انا غير محتاج ان يكون جهازي كلة مليان بالالعاب ( فقط سأضع الذي اريدة والباقي علي جهازي PC وقت ما احب انزل )
نفس الامر للفيديو انا بصور وبضع علي الكمبيوتر وبمسح من الموبايل
لكن فعلاً اتش تي سي كان المفروض توفر مدخل ميكرو SD او علي الاقل تخلي الحجم 64 جيجا
موضوع البطارية انا لا انظر لة فاستخدماتي لن تتعدي وقتها ( لكن مش 4 ساعات يا باشا انا شوفت ناس شغلتة 14 ساعة متواصلة تصفح .. الخ وكل شئ )
مع تشغيل الافلام المتواصل يدوم 6 ساعات .. يعني ممكن تتفرج علي ثلاث افلام او اتنين وتروح تشحنة :D
مازال امامي وقت افضل للتمحيص .. لازلت لم اشتري أي منهم
https://t.me/pump_upp
اولا الله يخليك ، اعمل انت بس مواضيع جامدة و هتلاقيني راشق !!!
ثانيا تعقيبا علي حتة 14 ساعة متواصل علي البراوسر ..... دي مش داخلة دماغي بأي شكل انا باستخدم جالاكسي اس 2 مع بطارية اكستيندد 2000mAh ووقت التصفح لغاية ما البطارية علي 95% 9 ساعات و 27 دقيقة وممكن تجرب علي برنامج Go power master بس الكلام ده معناه ان الموبايل يبقي شغل علي براوسر فقط من غير اضاءة شاشة ولا 3جي ولا واي فاي ولا اي حاجة خالص ..... الدليل ان مكتوب الوقت الباقي علي انتهاء الشحن 280 ساعة و 46 دقيقة وهو اصلا اخره يوم من غير شحن و يبقي تاني يوم علي 15% او اقل !!!
[URL="https://www.speedtest.net"][IMG]https://www.speedtest.net/result/628029798.png[/IMG][/URL] [SIZE=2][COLOR=#4b0082][FONT=comic sans ms][B]N[/B][/FONT][FONT=comic sans ms][B][B]o [/B][/B][/FONT][/COLOR][COLOR=#4B0082][FONT=comic sans ms][B]Comment[/B][/FONT][/COLOR] [/SIZE][IMG]https://www.speedtest.net/result/1513665010.png[/IMG]
المفضلات