مشكلة في تحديث بايوس msi ms 7302

[king dt]

السلام عليكم

اولا احب اشكر ادارة المنتدي علي الجهد الكبير المبذول واتمني التقدم المستمر للمنتدي

عندي مشكلة مع بايوس المزر بورد وهي msi ms7302 v3

هي لا تتعرف علي البريسيسور بتاعي وايضا برنامج msi live update لا يتعرف عليها 

لذلك حملت اخر اصدار من البيوس من موقع msi وهو v25  والاصدار هالحلي هو v1 وحاولت تحديتة بنفسي لكن في مشكلة وهي بعد مشاهدتي الفيديو دا




مش عارف ازاي اعمل bootable usb لذا ارجو من الاخوة شرح النقطة دى وازاى اضيف ملفات البيوس الجديد علي الفلاشة وملفات البوت 
نظام تشغيلي هو ويندوز 7 32 بت
ارجو الافدة وشكرا مقدما

[Ahmed Hosam]

) قم بتنزيل برنامج HPUSB DISK و ملفات الدوس لويندوز 98 و البيوس الاصلي .
2) بعد تسطيب برنامج HP قم بتوصيل الفلاشة و افتح البرنامج و ستجد الصورة الاتية



3) قم بتحديد الخيارات المحددة في الصورة السابقة و اختر المجلد الذي يحتوي علي ملفات الدوس و ابدأ .
4) بعد ذلك ينبغي وجود 3 ملفات في الفلاشة و هي ملفات مخفية ........ و بعدها قم بطباعة ملفات فلاش الدوس للبيوس و هما ملفان كما كان ظاهر في الفيديو .
و من بعد هذه الخطوة يمكنك تعديل البووت ليصبح من ال usb و القيام بباقي الخطوات الموجودة في الفيديو .

و من الينك ده تحتاج فقط لبرنامج ال hp usb و ملفات الدوس DOS98 فقط و باقي الملفات غير مخصصة لبيوس جهازك .

https://www.mediafire.com/?pa8d48df1nw4dna

[king dt]

السلام عليكم

شكرا لتعاونك اخي 
انا قمت بتنفيز كل حاجة تمام والجهاز خلص تفليش ولكن ما عمل ريستارت زي الفيديو فضطريت لفصل التيار ولما شغلت الجهاز تاني مفيش حاجة زهرت علي الشاشة اية العمل !!!!!!

[Ahmed Hosam]

و عليكم السلام و رحمة الله و بركاته , اخي الكريم من المفترض ان لا تقوم بمقاطعة البيوس بأي طريقة اثناء عملية الفلاش و حتي اعادة التشغيل لان اي ايقاف له او مقاطعة يعني عدم اكتمال عملية كتابة البيوس علي شريحة الروم و بالتالي لن يقلع الجهاز فهو لا يجد البرنامج الكامل ليعمل به .
و بشكل عام الامر بسيط ان شاء الله و يمكن تصليحه بسهولة , فاول شيء هو ان تخبرني نوع البيوس و ساقوم بكتابة طريقة اا recovery باستخدام الفلاشة او الفلوبي ديسك لاسترجاع البيوس مرة اخري ............. و اذا كنت لا تريد طريقة الريكفري فيمكنك شحن البيوس عند اي فني ( لاحظ ان شحن البيوس سعره من 30 الي 50 جنيه و انه يوجد الكثير من الفنيين يغلي السعر الي 180 جنيه من غير مبرر و اقول ذلك حتي لا تنخدع بالسعر ) .
في انتظار ردك اخي الكريم .

[king dt]

الموضوع مش فلوس بس انا بحب اعمل كل حاجة في جهازي  بنفسي علشان اتعلم 
بالنسبة لنوع البيوس انا مش عارفه بس دا لينك بوردتي  في msi website

https://www.msi.com/product/mb/K9A2GM-V3.html#/?div=BIOS

[king dt]

ارجو طريقه عمل ريكفري مع العلم ان نوع البيوس AMI

وشكرا مقدما

[Ahmed Hosam]

1) بعد تنزيل البيوس الاصلي من الموقع قم باعادة تسمية الملف A7302AMS.250 الي AMIBOOT.ROM .

2) اطبع ملف AMIBOOT.ROM الي فلوبي ديسك و ضعه في الجهاز .

3) قم بتوصيل كابل الباور بالجهاز ثم اضغط علي مفاتيح CTRL و HOME معا و استمر بالضغط .

4) اضغط علي مفتاح الباور لفتح الجهاز مع استمرار الضغط علي CTRL و HOME .

5) سيبدأ الجهاز بقراءة الفلوبي ديسك و عندما تسمع 4 صافرات يمكنك ازالة الفلوبي ديسك و اعادة تشغيل الجهاز لان الجهاز سيكون انتهي من عملية ال RECOVERY .

[king dt]

شكرا ليك يا اخي ولكن انا معنديش فلوبي هل ينفع من الفلاشة وسؤال كمان معلش هل هحط ملف الدوس بردو علي الفلوبي ولا A7302AMS.250 بس مع العلم ان ملفات البيوس بيبقو ملفين A7302AMS.250 و AFUD4310.exe وشكرا ليك علي تعبك معايا

[Ahmed Hosam]

جرب الفلاشة لكن المضمون هو الفلوبي و ممكن تستعير اي فلوبي من صديق ليك مثلا .......... و بالنسبة للملفات فهو الملف A7302AMS.250 فقط و لكن لا تنسي ان تعيد تسميته كما شرحت لك في ردي السابق .
و اعذرني لتأخر الرد لاني مشغول جدااا و لم ادخل المنتدي من فترة لانشغالي .

[EMAD HAMDY Y]

السلام عليكم
اولا من البيوس تلغي خاصية عدم الكتابة على البيوس(حماية البيوس)
ثانيا تقوم بتثبيت التحديث من النظام كاي تثبيت لبرنامج اخر
ستتم اعادة التشغيل وتظهر لك رسالة في البيوس اختار التحديث
تحياتي