صفحة 1 من 3 1 2 3 الأخيرةالأخيرة
النتائج 1 إلى 15 من 38

الموضوع: كيف تختار لاب توب ومتخليش اى بياع يضحك عليك

  1. #1
    عضو
    تاريخ التسجيل
    Mar 2008
    المشاركات
    292
    الدولة: Egypt
    معدل تقييم المستوى
    0

    كيف تختار لاب توب ومتخليش اى بياع يضحك عليك

    سلام عليكم انا عايز اتكلم على كيفية شراء لاب توب من غير متندم بعد لما تشترية

    بسم الله الرحمن الرحيم
    انتا لما تيجى تشترى لاب توب فية سؤال شائع اوى يقولك انتا عايزة فى اية فى العاب ولا برامج جرافيكس ولا تصفح نت وافلام طب ممكن اكون عايزة فى كل دا يبقى او على الاقل فى يوم من الايام انا مش بتاع العاب بس هتعجبنى لعبة عايز العبها حطتنى ظروف شغلى ان فية برنامج نزل جديد ولازم اشتغل علية يبقى لازم اعرف المميزات والعيوب وانا اقرر مش البياع الى يقررلك :

    اولا : احنا عندنا فى مصر انواع كتير جدا وكل نوع يندرج تحتية موديلات وممكن الى تلاقية النهاردة تنزل الاسبوع الجاى متلقهوش علشان كدا احنا هنا مش هنتكلم على موديلات ولا اسعار احنا هنتكلم على مواصفات واداء كل ماركة

    ناخد كدا بقا تفصيل الاب من الاول : بيتكون طبعا داخليا من بروسيسور كارت شاشة (مدمج -منفصل ) وهيتم شرح كل واحد على حدا رامات هارد وطبعا كارت صوت وكارت لان وبلوتوث وكل الى بتسمع عنة فى المواصفات بس احنا هنركز على الاساسيات الاول بعد كدا هنركز على الكماليات

    اولا البروسيسور والمعلومات دية هتبقى للتبسيط انا مش هتكلم على معمارية البروسيسور ولا طريقة المعادلات انا هتكلم على البروسيسور بطريقة جديدة من حيث الاداء الحرارة وبيسحب باور اد اية وهيوفر معاك فى البطارية ولا لا


    طبعا كان موجود من عائلة انتل عاثلة core (dual core -core2due-core2quad-core2extreme
    وعائلة core i وهيا الى منتشرة دلوقتى core i3- core i5- core i7 ومتوقع بعد كدا ينزل core i9 وطبعا فية جيلين نزلوا من هذة العائلة والجيل التال خلاص على اخر شهر يوليو هيكون فى الاسواق

    الى هيبقى موجود فى السوق حاليا بس مستعمل core 2 due ودا جية بعد معالجات dual core و intel celeron علشان يقلل فى استهلاك الطاقة بنسبة 40% ويقلل نسبة المعادلات والعمليات الحسابية زى الاختصارات عن طريق تكنولوجيا smart memory acces وظل فى السوق فترة من الزمن ولكن سرعان ما ظهر العائلة الجديدة core i

    وتميزت عائلة core i عن زويها بانها اسرع موفرة فى الطاقة وبالتالى حرارتها اقل بس مش هنقول اكتر

    نيجى بقا نتكلم على الاب الى هنشترية اين كانت ماركتة لسا احنا متكلمناش على افضل الماركات هختار بروسيسور اية انا من خبرتى شايف ان البروسيسور core i3 بيساوى core 2due لية لانة بردة ثنائى النواه وركزوا فى الحتا دية مفهوش تقنية التربو بوست الى موجودة فى core i5& core i7 طب اية بقا التربو بوست جت فترة الى فاتت كنت تقعد تسمع عن كسر سرعة المعالج وبيعلى ادائة بس بيزيد حرارتة واستهلاكة للباور فجت انتل عملت تقنية التربو بوست وهو ان البروسيسور لما يبقى علية حمل يبتدى يعلى سرعتة يعنى مثلا core i5 بيشتغل على 4 نواه بس فى الاصل بيشتغل على اتنين واول ميبقى علية ضغط يشتغل على اربع نواه وبالتالى وفروا جدا فى سحب الطاقة وفى السخونية لان المعالج مبقاش شغال 100% طول الوقت لا معظم الوقت الى علية ضغط فابالتالى انتا هتشتغل العاب وجرافيكس وتصفح وكل حاجة على الاب يبقى خلينا نبتدى من core i5 طب امكانياتى المادية مسمحتش خلاص يبقى core i3

    ثانيا ودا الاهم والكارثة كارت الشاشة

    طبعا كل شويبة نسمع كارت شاشة منفصل كارت شاشة مدمج لحد مدماغى انفجرت واختار انهى واحد وانهى ماركة افضل وهيشغلى كل الالعاب ولا لا طيب تعالى نعرف اية كارت الشاشة المدمج واية المنفصل واية الفرق وايهم احسن

    بس يا سيدى اولا كارت الشاشة المدمج وهو انتل مفيش غيرة طب لية الناس بتحظر منة وفية ناس بتهرب منة لانة فعلا هو ادائة ضعيف جدا ودا لعدة اسباب منها انة بيسحب من رامات الجهاز وبيعتمد على قوة البروسيسور غير ان ادائ الكارت اصلا ضعيف فبالتالى انا مبنصحش بية حتى لو انتا مش هتلعب على الاب طول عمرك وهتفضل تفتح الاب تتفرج علية وتقفلة تانى

    نيجى بقا لكارت الشاشة المنفصل حيث انتا هتوة فيهم عندنا نوعين نيفيديا ودا الى انا بفضلة بصراحة والنوع التانى وهو ati
    ولتصحيح المعلومات عند كثير من الناس نيفيدا مش شركة مصنعة لكروت شاشة هيا شركة معدلة للكارت بمعنى ان مثلا شركة ام محمد تصنع كارت الشاشة وتدية لشركة نيفيديا تبتدى شركة نيفيدا تحسين المعالج وتطوير ادائة ورفع كفائتة وتظبط المعادلات الداخلية وتبيعة باسمها التجارى فبالتالى تلاقى كذا موديل من نيفيدا زى n force ودا الى بتبقى نيفيدا مصنعة البروسيسور بتاع الكارت g feroce ودا الى بتبقى هيا معدلاة وفى كلتا الاحوال الكارتين جامدين جدا بس نيفيدا ليها مشكلة الحراراة لان سرعة معالجة البيانات عندها اسرع فبتلاقى لية سخونية بس فى الابات هما بيبقوا عاملين حسابهم فى فتحات تهوية

    اما عن ati فهيا شركة كروت من زمان بس كانت ضعيفة مقارنتا بنيفيديا لحد مشترتها شركة تصنيع البروسيسور amd فابتدت كفائتها تعلى
    واصبحت منافس قوى لنيفيدا

    وقوة كارت الشاشة تعتمد على الذاكرة الداخلية للكارت يعنى مثلا تلاقى كارت 512 ميجا او 1 جيجا فكل ما الذاكرة تزيد كل ما الكارت يكون اقوى

    ولكن هتلاقى معظم العاب الجرافيكس او 3d لما تيجى تبتدى تلاقى كلمة نيفيدا فانا هتلاقى الابل والسونى فيهم نيفيدا فالبالتالى انا بفضلها


    نيجى نتلكم على الرامات
    لما نتكلم على الرامات بتسمع كلمة باص 1066 او باص 1333 مع العلم ان فية باص لحد 2500 طب اية الباص دا بقا دية سرعة دخول المعلومات جاية للرامة
    الرامات مبقتش مشكلة لان الرامة ال 4 جيجا تمنها 160 جنية والباص بتاعها 1333 بس اهم حاجة تعرف الاب بيدعم رامات لحد كام هو الى متشر فى السوق حاليا لحد 8 جيجا


    الهارد كبير صغير مش هتفرق لانة مممكن يزيد بس عندنا نوعين هارد حاليا فى السوق ata & ssd



    ال ata دا الى منتشر فى السوق وبيبقى بسرعتين 5200 لفة فى الدقيقة و 7200 لفة فى الدقيقة وطبعا كل ما زادت عدةو الفات كل ما كان اسرع فى الفتح والقفل فى استجابتة للبرامج
    اما ssd فهو اسرع هارد فى العالم وفكرتة عبارة عن حاجة تشبة الرامات بتخزن عليها المعلومات

    كرات الصوت وكارت الان والبلوتوث والوايرلس كل دا بيبقى متصنع فى البوردة الام فملكش فية اى يد انتا ملزم بيهم

    الشاشة طبعا عندنا انواع شاشات كتير منها

    - شاشة لماعة Glossy :
    1-
    شاشة لاب توب توشيبا : TruBrite / Clear SuperView
    2-شاشة لاب توب ديل : TrueLife
    3-شاشة لاب توب سوني : XBRITE
    4-شاشة لاب توب اسوس : Color Shine
    5-شاشة لاب توب فيجوستي : Crystal View / SuperFine
    6-

    شاشة لاب توب اي بي ام و لينفو :VibrantView

    والنوع التانى
    شاشة LED : أحدث و أفضل الأنواع وهو مستقبل شاشات اللاب توب

    وفية مقاسات للشاشة 10 ,11, ,13 ,15 ,17, 20
    ودقة العرض

    الرمز يمثل دقة العرض :

    WVGA: 800x480
    SVGA: 800x600
    WSVGA: 1024x600
    XGA: 1024x768
    WXGA: 1280x800
    SXGA: 1280x1024
    SXGA+: 1400x1050
    WXGA+: 1440x900
    WSXGA+: 1680x1050
    UXGA: 1600x1200
    WUXGA: 1920x1200



    - دقة أعلى تعني سعر أعلى, لذلك إن لم تحتاج لدقة أعلى فاتجه للدقة المنتشرة

    2- دقة أعلى تعني خط أصغر, لذلك الدقة الأعلى تكون أفضل للأفلام و الألعاب ولكنها قد تكون غير مريحة في قراءة النصوص و التصفح.


    3- عادة دقة أعلى خصوصاً HD تتطلب شاشة أكبر وهذه مشكلة إن كنت لا ترغب بشاشة كبيرة.


    البطارية انواعها
    يوجد انواع من البطاريات ليثيوم وهو المنتشر الان فى الاسواق ثم النيكل كاديوم والنيكال ميتالهايد دول التلت انواع القابلين للشحن على مستوى العالم
    اليثيوم فى الاب بقا بينقسم لنوعين نوع 6 cell والاخر 9 cell
    الفرق بينهم ان 9 اغلى بتقعد فترة اطول بتحتفظ بالشحن اطول عمرها الافتراضى اعلى بس الى هيبقى منتشر فى الابات ال 6 cell

    نيجى نتكلم على افضل انواع الاب مش من رأى الشخصى دا من من تجارب ناس كتير والسوق ومواصفات عالمية

    اولا فهو الابل طب لية هو الاول لان شركة ابل تهتم جدا بخامات التصنيع الخارجية والداخلية غير ان السوفت وير الى شركة ابل بتصنعة سوفت قوى بيخدم الجهاز من حيث قوة الاداء السرعة عدم التهنيج المحافظة على اطول فترة لتشغيل البطارية فتلاقى البطارية بتقعد من 7 ل 10ساعات شغل ودية حقيقة
    اعلى فئة منة mac book pro واقل فئة mac book white
    طبعا من عيوبة انة غالى جدا يعنى اقل لاب ابل هتلاقية فى حدود 9500 جنية ومثلا الماوس بتاعة ب 550 جنية


    يجى بعد الابل السونى جهاز قوى جدا مبيسخنش فعلا ادائة عالى جدا وادائة يرضيك وبيستحملاعلى فئة منة z series واقل فئة من e series
    بس بردة من عيوبة انة بردة غالى مش رخيص يمكن مش فى غلو الابل بس بردة مقارنتا بسعر اى لاب تانى فى نفس المواصفات بيبقى ازيد بحوالى الف جنية

    ثم بعد ذلك التوشيبا جهاز قوى شركة محترمة رائدة فى مجال التصنيع وبينزل باشكال جميلة جدا ومتميز على فئة منة كوزمو
    بس بردة من عيوبة انة لما بيسخن بيفصل خالص

    السامسونج والينوفو نفس الاداء سعرهم بيكون مناسب ادائهم قوى مبيسخنوش


    الديل والتش بى نفس المستوى مع ان فى الاونة الاخيرة الديل انسبريون اثبت فشل زريع من حيث السخونية وقلة الاداء فا انا بنصح كل من يطلع على الموضوع انة يبعد عنة
    طبعا فية الديل xps من اقوى الابات على مستوى العالم من كل شئ بس غالى جدا ودا اعلى فئة فى الديل
    وفية اتش بى envy لاب قوى جدا خفيف ورفيع ومتحمل صدمات بس بردة غالى وهو اعلى فئة فى الاتش بى

    الايسر طبعا نقدر نقول حمار شغل بس خاماتة مبتعجبنيش بس ادائة كويس

    الاسوس لاب العاب وادائة كويس والسخونية فية معقولة


    طيب اية وجة الافادة من الكلام الكتير الى فوق دا


    لما هاجى اختار لاب هختارة لية اولا احاول ان البروسيسور يكون من عائلة core i مع انى افضل انك تبتدى من core i5 لانة فية بعض التكنولوجيا الى مش موجودة فيما يسبقة بس لو الميزانية المالية مسمحتش خلاص ابتدى من core i3

    كارت الشاشة يكون منفصل نيفيدا او ati مش هنختلف بس علشان تستمتع فعلا بالاب ومش هقولك لو الميزانية مسمحتش هات كارت مدمج لا فى دية بالذات زود الفلوس علشان مترجعش تقول يا ريتنى ومش هتقدر تزودها وهتلاقى طبعا انواع كتيرة يندرجوا تحت المودلين دول انتا اختار الى يناسب الميزانية الى مع
    اك


    الرامات مش مشكلة لان تزويدها سها جدا
    وهكذا الهارد بردة تزويدة سهل
    الشاشة انا بفضل الشاشة 15.4 مناسبة فى الحجم وممتعة فى الالعاب ةالافلام فى الشغل التصفح وهتلاقى معظم الدقة هتكون 1378*786 وطبعا كل ما الشاشة صغرت كل ما استهلاك الطاقة يقل


    ملحوظة اخرى انا لم اذكر اى معلومات عن بروسيسور amd ودا لان كثير من الالعاب والبرامج لا تدعمة مع انة يمكن اقوى من الانتل

    ارجو انكوات تكونى استفتدوا انا بسطت الكلام جدا الى عايز اى رد علمى او استفسار انا موجود

  2. #2
    عضو فضي الصورة الرمزية wild cat
    تاريخ التسجيل
    Oct 2007
    المشاركات
    799
    الدولة: Egypt
    معدل تقييم المستوى
    20

    رد: كيف تختار لاب توب ومتخليش اى بياع يضحك عليك

    شكرا اخي الكريم على الموضوع المفيد

    وجزاك الله خيرا

  3. #3
    عضوية جديدة
    تاريخ التسجيل
    Jan 2011
    المشاركات
    12
    معدل تقييم المستوى
    0

    رد: كيف تختار لاب توب ومتخليش اى بياع يضحك عليك

    موضوع اكثر من رائع واسلوبك فى العرض سلس وبسيط

  4. #4
    عضو
    تاريخ التسجيل
    Mar 2008
    المشاركات
    292
    الدولة: Egypt
    معدل تقييم المستوى
    0

    رد: كيف تختار لاب توب ومتخليش اى بياع يضحك عليك

    اقتباس المشاركة الأصلية كتبت بواسطة wild cat مشاهدة المشاركة
    شكرا اخي الكريم على الموضوع المفيد

    وجزاك الله خيرا
    تحت امرك ولو عوزت اى حاجة انا موجود

  5. #5
    عضو
    تاريخ التسجيل
    Mar 2008
    المشاركات
    292
    الدولة: Egypt
    معدل تقييم المستوى
    0

    رد: كيف تختار لاب توب ومتخليش اى بياع يضحك عليك

    اقتباس المشاركة الأصلية كتبت بواسطة mohamad fawzy مشاهدة المشاركة
    موضوع اكثر من رائع واسلوبك فى العرض سلس وبسيط
    ربنا يخليك يا محمد ولو فية اى استفسار انا موجود علطول باذن الله

  6. #6
    عضو
    تاريخ التسجيل
    Feb 2008
    المشاركات
    134
    الدولة: Saudi Arabia
    معدل تقييم المستوى
    0

    رد: كيف تختار لاب توب ومتخليش اى بياع يضحك عليك

    السلام عليكم ورحمة الله وبركاته

    شكرا جزيلا أخي تامر وما يضيع ما كتبته ..


    ملحوظة اخرى انا لم اذكر اى معلومات عن بروسيسور amd ودا لان كثير من الالعاب والبرامج لا تدعمة مع انة يمكن اقوى من الانتل
    هذه أيام Turion و Turion X2 و Semron .. وهذه قد انقرضت بمثل centrino duo ....
    ممكن مصدر أو بعض من الألعاب التي لاتدعمه ؟
    الكثير والكثير من الألعاب التي لا تدعم الجهاز لعبة بسبب كروت شاشة انتل المدمجة GMA 945 و GMA 3100 GMA4500 .. ومازالت مستخدميها يشتكون من كثرة التحديثات التي تحتاجها هذا الكرت لتشغيل الألعاب .

    عن تجربة لم أشتكي عن أي لعبة لعبتها على أجهزتي التي تدعم معالجات AMD وكرتها المدمج التي أصلا معالج رسومي يقبله أي مطور ألعاب ... وأعطيك نصيحة طيبة كأخ ...
    أولا: لاتجري ورا كلام الغشاشين من مشجعي انتل أو كلام مهندسي المحلات , ماوراء أغلبهم إلا انه يحفز على اقتناء معالجات انتل بأي وسيلة كانت (سياسات واتفاقيات انتل) ..
    وثانيا: التطبيقات التي غالبا لاتدعمه AMD لصالح انتل قليلة جدا ولا يستخدمه كثير من الناس . بل قد تكون عديمة النفع للاستخدام الشخصي ..
    وأخيرا ... انتل معالجاتها أفضل بكثير من AMD في ناحتة المعالجة السريعة للمهمة الكبيرة .. لكن في ناحية تنفيذ طلبات المستخدم AMD تمحي انتل ..فالحل هو أن يكون لمعالجات انتل كرت خارجي حتى يغطي طلبات المستخدم مما يبدد للمال كجهاز مكتبي .. أ يستهلك طاقة البطارية كمحمول ..

  7. #7
    عضو
    تاريخ التسجيل
    Aug 2009
    المشاركات
    77
    الدولة: Egypt
    معدل تقييم المستوى
    0

    رد: كيف تختار لاب توب ومتخليش اى بياع يضحك عليك

    جزاكم الله خيرا
    موضوع جيد انا استفدت منه

  8. #8
    عضو
    تاريخ التسجيل
    Mar 2008
    المشاركات
    292
    الدولة: Egypt
    معدل تقييم المستوى
    0

    رد: كيف تختار لاب توب ومتخليش اى بياع يضحك عليك

    اقتباس المشاركة الأصلية كتبت بواسطة Temsu مشاهدة المشاركة
    السلام عليكم ورحمة الله وبركاته

    شكرا جزيلا أخي تامر وما يضيع ما كتبته ..





    هذه أيام Turion و Turion X2 و Semron .. وهذه قد انقرضت بمثل centrino duo ....
    ممكن مصدر أو بعض من الألعاب التي لاتدعمه ؟
    الكثير والكثير من الألعاب التي لا تدعم الجهاز لعبة بسبب كروت شاشة انتل المدمجة GMA 945 و GMA 3100 GMA4500 .. ومازالت مستخدميها يشتكون من كثرة التحديثات التي تحتاجها هذا الكرت لتشغيل الألعاب .

    عن تجربة لم أشتكي عن أي لعبة لعبتها على أجهزتي التي تدعم معالجات AMD وكرتها المدمج التي أصلا معالج رسومي يقبله أي مطور ألعاب ... وأعطيك نصيحة طيبة كأخ ...
    أولا: لاتجري ورا كلام الغشاشين من مشجعي انتل أو كلام مهندسي المحلات , ماوراء أغلبهم إلا انه يحفز على اقتناء معالجات انتل بأي وسيلة كانت (سياسات واتفاقيات انتل) ..
    وثانيا: التطبيقات التي غالبا لاتدعمه AMD لصالح انتل قليلة جدا ولا يستخدمه كثير من الناس . بل قد تكون عديمة النفع للاستخدام الشخصي ..
    وأخيرا ... انتل معالجاتها أفضل بكثير من AMD في ناحتة المعالجة السريعة للمهمة الكبيرة .. لكن في ناحية تنفيذ طلبات المستخدم AMD تمحي انتل ..فالحل هو أن يكون لمعالجات انتل كرت خارجي حتى يغطي طلبات المستخدم مما يبدد للمال كجهاز مكتبي .. أ يستهلك طاقة البطارية كمحمول ..
    اخى temsu انا هديلك ابسط مثال على برامج الجرافيكس الى مبيدعمهاش البروسيسور amd القديم والجديد زى برنامج اسمة ssd وبرنامج تانى i lite ,,i life وبرنامج سيرا ويمكن دا اشهر برنامج على مستوى العالم فى التصميمات دا غير البرامج مثلا الى تخص شغلى انا فى شغل المساحة والمدنى وهما حوالى 8 برامج والى مصنعهم شركة انجليزية ولا تدعم برامجها لamd بس هنقول ان البرامج الى تخص شغلى هتبقى فئة قليلة الى شغاله فيها الى هما كل مهندسين مدنى ومساحة بس خلينا فى البرامج الى انا زكرتها فى الاول يمكن انا زكرتهملك فى مشاركة قبل كدا وتحديت اى حد يقدر يشغلهم على البروسيسور دا دية برامج تصميم تخص مجال الهندسة المدنية والديكور والانشائات وحتى شغل الميكانيكا يشبهوا الاوتو كاد بس على اعلى واحسن هنفرض ان واحد من كل الف هيطلع مهندس و هيشترى الاب علشان البرامج دية يبقى انا لو مزكرتش الكلام دا يبقى انا بضلل الناس فهمتنى اما عن الالعاب فا انا هزكرلك لعبة مكنتش راضية تشتغل معايا على بروسيسور amd بس انا مش فاكرها كويس وحاجة تانى لو حد حب ينزل نسخمة ماكنتوش على لاب عادى ودا الى معظم الناس بتتجة لية دلوقتى حبا فى تجربة نظام ابل بس مفيش الفلوس علشان يشتروا لاب ابل لغلو سعرة هتبقى شبة مستحيل انها تنزل على بروسيسور amd ولو حسبتها هتسال نفسك لية مثلا معظم شركات الكمبيوتر المحمول اتجهت من بروسيسور amd للتعامل بانتل وتنهى علاقتها ب amd نهائيا لان شركة راديون amd تعاملها مع شركات السوفت وير مش واسع زى انتل حتى اكبر شركتين تصنيع لابات على مستوى العالم زى ابل وسونى تعالمهم اصبح تعامل كلى مع انتل

    اما عن بروسيسور amd اقوى من انتل فهو اقوى مش بكتير بس اقوى amd اول من نزلوا بروسيسور quad core معالج بثمان نواة واول بروسيسور يدعم تقنية ssse 5 ولحد دلوقتى انتل مدعمتش غير ssse 4.2 والى هيا عبارو عن معالجة البينات واختصارها بس مننكرش ان انتل عوضت دا بتقنيات تانية زى
    turbo boast intel synchronized الى بعد كدا amd عملتها فى عائلة bldozer بس لسا معملتش تقنية intel synchronized ومش هننكر بردة ان انتل عملت طفرة فى مجال البروسيسور باختصارها ل12 معادلة فى بداية العملية الحسابية الى بردة amd معملتهاش ودا بيخلى انتل اسرع فى بعض المعالجات
    وغير كدا ان كارت الشاشة المدمج ل amd بيكون كارت منفصل ati بذاكرة تبدا من 256 ميجا وتصل الى 1450 ميجا وانتا عارف ان انتل الكارت الى معاها مدمج بذاكرة 64 ميجا وتصل الى 768 لما بتسحب من الرامات وقوة المعالج
    ولو وصلت لدرجة انك تتخنق من انك مش عارف تشغل برامج بسبب بروسيسور مبيدعمهاش هتحس انك نفسك تكسر الاب
    انا مهندس اتصالات مش تاجر ولا ببيع بس الى انا بقلهولك دا عن خبرة مع البروسيسور من ساعة انتل بنتيوم 1 وحبيت افيد الناس علشان يتجهوا صح
    والله اعلى واعلم

  9. #9
    عضو
    تاريخ التسجيل
    Mar 2008
    المشاركات
    292
    الدولة: Egypt
    معدل تقييم المستوى
    0

    رد: كيف تختار لاب توب ومتخليش اى بياع يضحك عليك

    اقتباس المشاركة الأصلية كتبت بواسطة 2m3r مشاهدة المشاركة
    جزاكم الله خيرا
    موضوع جيد انا استفدت منه
    تحت امرك يا باشا ولو اى استفاسر تانى انا تحت امرك

  10. #10
    عضو
    تاريخ التسجيل
    Feb 2008
    المشاركات
    134
    الدولة: Saudi Arabia
    معدل تقييم المستوى
    0

    رد: كيف تختار لاب توب ومتخليش اى بياع يضحك عليك

    زى برنامج اسمة ssd وبرنامج تانى i lite ,,i life وبرنامج سيرا ويمكن دا اشهر برنامج على مستوى العالم فى التصميمات دا غير البرامج مثلا الى تخص شغلى انا فى شغل المساحة والمدنى وهما حوالى 8 برامج والى مصنعهم شركة انجليزية ولا تدعم برامجها لamd
    حضرتك تذكر لي برامج i Lite و i life للماكنتوش اللي مازالت متحجرة على انتل وموتورولا بل حتى كاره مايكروسوفت ويندوز اللي ما فكر فيها أصلا .. أما عن سيرا و ssd, حاولت أبحث عنه ,ولا أحد ذكر له شيئا وكأنه مدفون, وهناك 8 برامج مهمة ذكرتهم واللي صنعهم الانجليز ,لم لم تذكر لي أسماؤهم , أم هي أيضا برامج للماكنتوش لم تفكر مطوريها انها ستكون لنظام ويندوز .
    كما قلت لك .. برامج كالقطارة .. ومتحجرة لأنواع معينة من معالجات انتل ( حتى الكثير من الأجيال الجديدة من معالجات انتل نفسها لاتدعم تلك البرامج ذاته) .. مالي ومال الانجليز , انت فكر باللي حوليك .. ليه تفكر فيهم وهم أصلا ما يعطوا للعرب وجه .
    ماك اقتصرت على فئة معينة من معالجات انتل ووضعتها تحت لابتوب اسمها ماك .فمالكي ماك هم لهم هذه الهموم أما مالكي لابتوبات جاهزة لمايكروسوفت ويندوز ولينكس فخذ أي جهاز.

    والجملة الثانية .. انت تتكلم في تواريخ معالجات وتجارب قديمة ,ذكرتني أيام ما كان عندي بنتيوم 2 MMX ومازلت أفتخر به ومعالجين Celeron اللي خلاني أكسر الجهازين وأحرقه بزيادو الفولطية ورفع التردد !!, وينك والناس وصلت لآخر التقنيات اللي سابت مفاهيم انتل الخاطئة وصاروا واعيين وصحو من غفوة انتل.
    معالجات انتل قوية في العمليات الحسابية ما هي إلا لأن لها ترددها عالي لا أكثر .. AMD سوت نفس الحركة في معالجها الحديث Bulldozer وزودت ذاكرة الكاش زي ما كانت في أجيال Core2Extrime Edition ظنا منها أنها ستكون المنصة الأولى.. لكنها لم تستطع التغلب على Core I5-2600k.. وبالعكس خسرت مشجعيها وخسرت في تكلفة تصنيعها وخسر تجارتها ..
    ولا تنسى انتل تفكر في Synchronous (تنفيذ مهمة بأسرع ما يمكن) و AMD تفكر في Parallizm (تنفيذ مهمات عديدة قدر المستطاع في وقت واحد) ..وكلا الاثنين متضادة .. فهذا هو سبب انفصال الشركتين ..

    بالنسبة للتربو وست في معالجات انتل I ... فيه تقنية من AMD اسمها Turbo core في الـ APU Liano و قريبا Trinity ويقوم بنفس مفهوم Turbo boost ..
    وبالنسبة أن انتل لها كرت مدمج يمكن أن يشترك بذاكرة الرام مما يزيد أداؤها .. فكما قلت لك في ردودي السابقة ( أداء وقوة الكرت ليست في زيادة ذاكرتها وانما في قوة المعالج الرسومي نفسها) ..

    ان كان عندك كروت انتل المدمجة .. حاول تثبيت وتشغيل لعهبة Crysis و Crisis 2 و لعبة Speed Drive بأعلى اعاداتها وشوف واحكم بنفسك الأداء ولو في أفلام YouTube ...
    بسبب تحجر انتل وهذه الفرضية التي لم تجد أي نتيجة ايجابية ... اشترت AMD شركة ATI واشتركوا معا لصنع جهاز المستقبل التي نراها اليوم .. فلذا لن تسمع بكرت اسمها ATI ,, صارت اسمها AMD وان كرهت انتل زمشجعيها ذلك ..

  11. #11
    عضو
    تاريخ التسجيل
    Feb 2008
    المشاركات
    134
    الدولة: Saudi Arabia
    معدل تقييم المستوى
    0

    رد: كيف تختار لاب توب ومتخليش اى بياع يضحك عليك

    زى برنامج اسمة ssd وبرنامج تانى i lite ,,i life وبرنامج سيرا ويمكن دا اشهر برنامج على مستوى العالم فى التصميمات دا غير البرامج مثلا الى تخص شغلى انا فى شغل المساحة والمدنى وهما حوالى 8 برامج والى مصنعهم شركة انجليزية ولا تدعم برامجها لamd
    حضرتك تذكر لي برامج i Lite و i life للماكنتوش اللي مازالت متحجرة على انتل وموتورولا بل حتى كاره مايكروسوفت ويندوز اللي ما فكر فيها أصلا .. أما عن سيرا و ssd, حاولت أبحث عنه ,ولا أحد ذكر له شيئا وكأنه مدفون, وهناك 8 برامج مهمة ذكرتهم واللي صنعهم الانجليز ,لم لم تذكر لي أسماؤهم , أم هي أيضا برامج للماكنتوش لم تفكر مطوريها انها ستكون لنظام ويندوز .
    كما قلت لك .. برامج كالقطارة .. ومتحجرة لأنواع معينة من معالجات انتل ( حتى الكثير من الأجيال الجديدة من معالجات انتل نفسها لاتدعم تلك البرامج ذاته) .. مالي ومال الانجليز , انت فكر باللي حوليك .. ليه تفكر فيهم وهم أصلا ما يعطوا للعرب وجه .
    ماك اقتصرت على فئة معينة من معالجات انتل ووضعتها تحت لابتوب اسمها ماك .فمالكي ماك هم لهم هذه الهموم أما مالكي لابتوبات جاهزة لمايكروسوفت ويندوز ولينكس فخذ أي جهاز.

    والجملة الثانية .. انت تتكلم في تواريخ معالجات وتجارب قديمة ,ذكرتني أيام ما كان عندي بنتيوم 2 MMX ومازلت أفتخر به ومعالجين Celeron اللي خلاني أكسر الجهازين وأحرقه بزيادو الفولطية ورفع التردد !!, وينك والناس وصلت لآخر التقنيات اللي سابت مفاهيم انتل الخاطئة وصاروا واعيين وصحو من غفوة انتل.
    معالجات انتل قوية في العمليات الحسابية ما هي إلا لأن لها ترددها عالي لا أكثر .. AMD سوت نفس الحركة في معالجها الحديث Bulldozer وزودت ذاكرة الكاش زي ما كانت في أجيال Core2Extrime Edition ظنا منها أنها ستكون المنصة الأولى.. لكنها لم تستطع التغلب على Core I5-2600k.. وبالعكس خسرت مشجعيها وخسرت في تكلفة تصنيعها وخسر تجارتها ..
    ولا تنسى انتل تفكر في Synchronous (تنفيذ مهمة بأسرع ما يمكن) و AMD تفكر في Parallizm (تنفيذ مهمات عديدة قدر المستطاع في وقت واحد) ..وكلا الاثنين متضادة .. فهذا هو سبب انفصال الشركتين ..

    بالنسبة للتربو وست في معالجات انتل I ... فيه تقنية من AMD اسمها Turbo core في الـ APU Liano و قريبا Trinity ويقوم بنفس مفهوم Turbo boost ..
    وبالنسبة أن انتل لها كرت مدمج يمكن أن يشترك بذاكرة الرام مما يزيد أداؤها .. فكما قلت لك في ردودي السابقة ( أداء وقوة الكرت ليست في زيادة ذاكرتها وانما في قوة المعالج الرسومي نفسها) ..

    ان كان عندك كروت انتل المدمجة .. حاول تثبيت وتشغيل لعهبة Crysis و Crisis 2 و لعبة Speed Drive بأعلى اعاداتها وشوف واحكم بنفسك الأداء ولو في أفلام YouTube ...
    بسبب تحجر انتل وهذه الفرضية التي لم تجد أي نتيجة ايجابية ... اشترت AMD شركة ATI واشتركوا معا لصنع جهاز المستقبل التي نراها اليوم .. فلذا لن تسمع بكرت اسمها ATI ,, صارت اسمها AMD وان كرهت انتل ومشجعيها ذلك .. ويروح انتل لكروت Nvidia اللي تشرب طاقة وتسخن مثل المكواة بأداء أفضل من AMD..

  12. #12
    عضو
    تاريخ التسجيل
    Mar 2008
    المشاركات
    292
    الدولة: Egypt
    معدل تقييم المستوى
    0

    رد: كيف تختار لاب توب ومتخليش اى بياع يضحك عليك

    اقتباس المشاركة الأصلية كتبت بواسطة Temsu مشاهدة المشاركة
    حضرتك تذكر لي برامج i Lite و i life للماكنتوش اللي مازالت متحجرة على انتل وموتورولا بل حتى كاره مايكروسوفت ويندوز اللي ما فكر فيها أصلا .. أما عن سيرا و ssd, حاولت أبحث عنه ,ولا أحد ذكر له شيئا وكأنه مدفون, وهناك 8 برامج مهمة ذكرتهم واللي صنعهم الانجليز ,لم لم تذكر لي أسماؤهم , أم هي أيضا برامج للماكنتوش لم تفكر مطوريها انها ستكون لنظام ويندوز .
    كما قلت لك .. برامج كالقطارة .. ومتحجرة لأنواع معينة من معالجات انتل ( حتى الكثير من الأجيال الجديدة من معالجات انتل نفسها لاتدعم تلك البرامج ذاته) .. مالي ومال الانجليز , انت فكر باللي حوليك .. ليه تفكر فيهم وهم أصلا ما يعطوا للعرب وجه .
    ماك اقتصرت على فئة معينة من معالجات انتل ووضعتها تحت لابتوب اسمها ماك .فمالكي ماك هم لهم هذه الهموم أما مالكي لابتوبات جاهزة لمايكروسوفت ويندوز ولينكس فخذ أي جهاز.

    والجملة الثانية .. انت تتكلم في تواريخ معالجات وتجارب قديمة ,ذكرتني أيام ما كان عندي بنتيوم 2 MMX ومازلت أفتخر به ومعالجين Celeron اللي خلاني أكسر الجهازين وأحرقه بزيادو الفولطية ورفع التردد !!, وينك والناس وصلت لآخر التقنيات اللي سابت مفاهيم انتل الخاطئة وصاروا واعيين وصحو من غفوة انتل.
    معالجات انتل قوية في العمليات الحسابية ما هي إلا لأن لها ترددها عالي لا أكثر .. AMD سوت نفس الحركة في معالجها الحديث Bulldozer وزودت ذاكرة الكاش زي ما كانت في أجيال Core2Extrime Edition ظنا منها أنها ستكون المنصة الأولى.. لكنها لم تستطع التغلب على Core I5-2600k.. وبالعكس خسرت مشجعيها وخسرت في تكلفة تصنيعها وخسر تجارتها ..
    ولا تنسى انتل تفكر في Synchronous (تنفيذ مهمة بأسرع ما يمكن) و AMD تفكر في Parallizm (تنفيذ مهمات عديدة قدر المستطاع في وقت واحد) ..وكلا الاثنين متضادة .. فهذا هو سبب انفصال الشركتين ..

    بالنسبة للتربو وست في معالجات انتل I ... فيه تقنية من AMD اسمها Turbo core في الـ APU Liano و قريبا Trinity ويقوم بنفس مفهوم Turbo boost ..
    وبالنسبة أن انتل لها كرت مدمج يمكن أن يشترك بذاكرة الرام مما يزيد أداؤها .. فكما قلت لك في ردودي السابقة ( أداء وقوة الكرت ليست في زيادة ذاكرتها وانما في قوة المعالج الرسومي نفسها) ..

    ان كان عندك كروت انتل المدمجة .. حاول تثبيت وتشغيل لعهبة Crysis و Crisis 2 و لعبة Speed Drive بأعلى اعاداتها وشوف واحكم بنفسك الأداء ولو في أفلام YouTube ...
    بسبب تحجر انتل وهذه الفرضية التي لم تجد أي نتيجة ايجابية ... اشترت AMD شركة ATI واشتركوا معا لصنع جهاز المستقبل التي نراها اليوم .. فلذا لن تسمع بكرت اسمها ATI ,, صارت اسمها AMD وان كرهت انتل زمشجعيها ذلك ..
    انا مش زنبى انك متسمعش عن برامج اما عن الشركة الانجليزية فهيا شركة كارلسون وهيا شركة رائدة فى مجال البرمجيات وبردة لو انتا مسمعتش عنها فدية بردة مش زنبى دا قلة خبرة اما عن برانامج سيرا اكيد مش هتسمع عنة لان ميعرفهوش غير مهندسين مساحة ومدنى وممكن مهندسين ميكانيكا فسدانى انك لو بعيد عن الهندسة فلو حضرتك كنت فى المجال اكيد كنت هتعرفة اما عن 8 برامج منهم ووt-com ,, topcon link ووsokkia link ووscan master وبردة مش هتلاقيهم على النت بردة لازم تكون مهندس مساحة او مهندس مدنى علشان تكون بتسمع عنهم
    اما عن ان بروسيسور amd اقوى من انتل ارجو من حضرتك انك تدور على النت كويس وتقرى شويى من غير تعصب هتشوف مقارنات هتعرف ان amd اقوى
    وانا مقولتش ان amd مفهاش تقنية turbo boast انا قلت طلعت بعد انتل فارجو ان حضرتك تقرى الى انا بكتية كويس قبل مترد ويا ريت لما ترد ترد عن معلومات تقنية مش على كلام الناس الى فى السوق يعنى اية amd اقوى من انتل فى الترددات هيا اية الترددات واية وظيفتها واستخدامها فى اية ولما حضرتك متلاقيش رد ومش هتلاقى ابقى اسالنى وانا اقولك اية لزمت الترددات وهل هيا فهلا مهمة زة ما انتا متخيل ولا لا ولو انا حبيت ازود الترددات تاثر على اية معايا وهل التردد اهم ام عدد الترنسزتور الى بيتصنع منها المعالج والترنستور دا بيعتمد فى بنيانة على اية ونسبة فشل فى التشغيل ونسبة استقبال المعلومات والترانستور دا اصلا هو اية وبردة لما متعرفش قولى وانا هجاوبك
    اما بردة لو حضرتك فهمت الكلام الى انا بكتبة هتلاقينة انى رفضت كروت انتل المدمجة لضعف ادائها وفضلت كروت ati عليها
    ونسيت اقولك ان برامج i lite i life موجودين على الويندوز وان جهاز زى الماك متحاولش تغلط فى الشركة المصنعة خالص لانك متجيش تقارنهم باى لاب دا اولا ثانيا اختيارهم فى اى جزء داخلى صح لانهم بيجربوا الاول سنة الجهاز بعد تصنيعة ثم يطرحوه فى السوق فلما كانوا بيستخدموا البروسيسور القديم من موتورولا باور بى سى ويمكن دا الى انا قلتلك علية قبل كدا كان بروسيسور قوى جدا بس بردة مشكلتهم فى دعم شركات البرامج والالعاب لية فلما يغيروا على انتل دا مش احتكار دا فهم للسوق وللمستقبل وابقى اتفرج على مجتمعات ابل وشوف اخر اخبار ابل فى لمؤتمرات الى بيعملوها وانتا تعرف منهم كويس هما بيختاروا على اساس اية
    اما بقا اهم نقطة ان ati اقوى من نيفيديا فدا لا انا شغلت لعبة & battle field 3 crysis 2 على نيفيديا gt 330m بذاكرة داخلية 256 واعتقد انها متحصلش مع ati
    اما قصة السخونية فدا لتانى مرة هقولهالك ان نيفيدا سرعة معالجة البيانات فيها اسرع من ati
    ارجو انى اكون افادتك ومستنى نقدك لتانى مرة علشان ارد على استفساراتك

  13. #13
    عضو
    تاريخ التسجيل
    Mar 2008
    المشاركات
    292
    الدولة: Egypt
    معدل تقييم المستوى
    0

    رد: كيف تختار لاب توب ومتخليش اى بياع يضحك عليك

    نسيت اقولك على حاجة بردة ان مش كل اصدارات ال 8 برامج مبيشتغلوش على amd لا فية اصدارات لل gps هيا الى مبترداش تتعامل معاه اما اصدارت حاجة اسمها المحطات احنا قدرنا نعدلها فى الشركة وشكرا

  14. #14
    عضو ذهبي
    تاريخ التسجيل
    Mar 2009
    المشاركات
    1,759
    الدولة: Egypt
    معدل تقييم المستوى
    22

    رد: كيف تختار لاب توب ومتخليش اى بياع يضحك عليك

    موضوع رائع تسلم يا باشا
    [CENTER]
    [B][URL="https://arabhardware.net/forum/showthread.php?t=374583&p=2701104#post2701104"] [/URL][/B][/CENTER]
    [CENTER][B][/B][/CENTER]
    [CENTER][B][URL="https://arabhardware.net/forum/showthread.php?t=374583&p=2701104#post2701104"]مراجعة للشاشة الرائعة

    [/URL][/B][/CENTER]
    [CENTER][B][URL="https://arabhardware.net/forum/showthread.php?t=374583&p=2701104#post2701104"]Samsung SyncMaster S24B750V Series 7 [/URL][/B]

    [/CENTER]

  15. #15
    عضو
    تاريخ التسجيل
    Jul 2008
    المشاركات
    72
    الدولة: Egypt
    معدل تقييم المستوى
    0

    رد: كيف تختار لاب توب ومتخليش اى بياع يضحك عليك

    موضوع جميل يا تامر

صفحة 1 من 3 1 2 3 الأخيرةالأخيرة

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •