مشكلة ثلاث رامات لا يقرؤون سوياً ، وكل واحده تعمل بكفاءة ؟!

[master_sn]

السلام عليكم

نظام التشغيل 7 64 بت
نوع البورده As Rock H6 1i cafe وتدعم حتى 16 جيجا رامات
انواع الرامات
1: G.skill 4G -1333
2: King stone 4 G -1333
3: King stone 4 G -1333

المشكلة
لمن لا يعرف من حضراتكم البروده بها 4 ديمات
2 ابيض و2 ازرق
- انا الأول كنت شغال تمام بالرامه G.skill مع رامة King stone
كنت واضع الرامه G,skill في الديما الزرقاء الأولة والرامة king stone في الديما البيضاء الأخيره

- الأن اشتريت رامة king stone جديده
ولكن للأسف الثلاث رامات لا يقرأون سوياً
يعني الجهاز مش بيفتح خاااااااالص
وجربت كل رامين مع بعض وكانت النتيجة انهم شغالين كويس
يعني مره اجرب الG,skill مع king stone ويعمل الجهاز جيداً
ومره اجرب الرامتان ال king stone سوياً ويعمل الجهاز بدون مشكلة

لكن المشكلة اني لو حطيت الثلاث رامات مع بعض لا يفتح الجهاز ؟!

قرأت الكتالوج الخاص بالبورده تقريباً في تعليمات ان في اوبش معين بعمله في البوس او حاجه زي كده بس انا مش فاهم
رجاء سادعوني هذا الجهاز خاص بالعمل ولا اريد تعطيله

جزاكم الله خيراً

[master_sn]

أخوتي بالله عليكم انا مستجعل الرد حتى اجد حل سريع

[ajeeb13]

السلام عليكم

اخي العزيز شيك على الرام الجديد السرعة اكيد 100% تختلف عن الباقي
1: G.skill 4G -1333
2: King stone 4 G -1333
3: King stone 4 G -1333

اكيد السرعة 1666 اقرأ السرعة تلقيها مكتوبة على الرام

[master_sn]

شكراً على الرد

طيب برجاء اخباري هل يوجد فرق بين هذين الراماتين ؟
اللي على اليمين هي اخر رامة اشتريتها ومن أمس والجهاز كل ساعة او ساعتين يظهر الشاشه الزرقاء ، وان شاء الله سأذهب للمحل لأرجاعها
بس عايز اعرف هي هي نفس الرامة ولا مش هي ؟
رجاء انتظار تحميل الصورة

[master_sn]

وهذه هي صورة الرامة الثالثة

[master_sn]

سألت احد البائعين فقال انا البورده ديول تشانل
يعني الرامات لا تشتغل 3 قطع
لازم اما واحده بمفردها
او 2 سوياً
او 4 سوياً
لكن لا يمكن 3 رامات

فهل هذا الكلام صحيح ؟

[Ahmed Abdelwahab]

عزيزي الرمات من شركات مختلفة تسبب عدم توافقية ويحدث بسببها مشاكل لذلك فالرامة الG.Skill عندك هي سبب المشكلة في الأغلب جرب الرامتين الكسنج ستون واضغط عليم بأي برنامج ضغط واذا لم تجد مشاكل ظهرت أعد المحاولة مع رامة G.Skil وأخري Kingston واضغط وانظر هل يحدث مشاكل واذا لم يحدث أعد الكرة مع الرام الKS الأخري
عند ظهور مشاكل مع برنامج الضغط مثل الشاشة الزرقاء يكون السبب في الرام المختلف حيث أنك قمت بتجربة كل رامتين علي حدة
قم أيضا بتجربة وضع الرامات بشكل مختلف أقصد ضعهم بشكل مختلف في السلوتات

[master_sn]

انا اتصلت بالمحل اللي اشتريت منه الجهاز وسألته قالي الأتي
ان عشان تحط ازيد من 2 رامة لازم يكون كل الرامات سنجل سايد single side
يعني لو 2 رامه عادي ممكن يكونوا duel side
لكن لو 3 رامات او 4 رامات لازم يكونوا كلهم single side
وقالي مفيش في مصر رامات single side خالص

قلت ه يعني كده الجهاز اخره 8 جيجا ؟
قال اه

طيب محدش يعرف حل يا جماعة ضروري بالله عليكم ؟

[unexpected]

عزيزي الرمات من شركات مختلفة تسبب عدم توافقية ويحدث بسببها مشاكل لذلك فالرامة الG.Skill عندك هي سبب المشكلة في الأغلب جرب الرامتين الكسنج ستون واضغط عليم بأي

للتوضيح اخي احمد نظريا مفيش اي مشكلة لو اختلف نوع الرامات لكن اهم شيئ ان تكون الرامات بنفس التواقيت والتردد والفولت وان كانت كل هذة الاشياء متطابقين مفيش اي مشكلة

[SemsemBanhawy]

ياغالي البوردة عندك افضل حاجة تشغلها
2x2
او
4x4

وحضرتك أصلا البوردة I Cafe الي هيا بتدي الآداء مقابل السعر المتوسط
فا انت مش هتحتاج أكتر من 8 جيجا رام وممكن تجيب رام كمان جي سكيل
وتحط الكينج ستون في الآزرق والجي سكيل في الآبيض
ولو أنت عاوز رأي انا في البوردة دي أخرك 8 جيجا وفي الآستعامل أصلا مع أي برنامج موجود حاليا أقصي حاجة 8

[master_sn]

ياغالي البوردة عندك افضل حاجة تشغلها
2x2
او
4x4

وحضرتك أصلا البوردة I Cafe الي هيا بتدي الآداء مقابل السعر المتوسط
فا انت مش هتحتاج أكتر من 8 جيجا رام وممكن تجيب رام كمان جي سكيل
وتحط الكينج ستون في الآزرق والجي سكيل في الآبيض
ولو أنت عاوز رأي انا في البوردة دي أخرك 8 جيجا وفي الآستعامل أصلا مع أي برنامج موجود حاليا أقصي حاجة 8

اشكرك على ردك ورجاء متابعتي عشان افهم اكتر

يعيني افهم من كلام حضرتك اني لو جبت رامة رابعة جي اسكل مثلاً او كيكنج استون الأربعة هيتشغلوا عادي ؟
وهل لازم الأربعة يكونوا single side زي ما البائع قالي ولا ممكن يكونوا duel side ؟
لأن ال3 رامات اللي عندي حالياً duel side

في انتظار ردك ان شاء الله

[Ahmed Abdelwahab]

اشكرك على ردك ورجاء متابعتي عشان افهم اكتر

يعيني افهم من كلام حضرتك اني لو جبت رامة رابعة جي اسكل مثلاً او كيكنج استون الأربعة هيتشغلوا عادي ؟
وهل لازم الأربعة يكونوا single side زي ما البائع قالي ولا ممكن يكونوا duel side ؟
لأن ال3 رامات اللي عندي حالياً duel side

في انتظار ردك ان شاء الله

أولا متأسف علي الخطأ في ردي السابق فبعد المراجعة لا مشكلة من تركيب نوعين مختلفين
وكلام البائع صحيح
**This motherboard supports two double-sided or four single-sided DIMMs. Therefore, if you install four DDR3 DIMMs, you can only adopt four single-sided DIMMs.

[mostafaeng_2011]

والله الموضوع محير شويه بس أنا ليه رأيين الأول انا معرفش البورده بتدعم لحد كام من الرامات علشان تشيل 12 جيجا رامات مع بعض والثاني يا أخي الفاضل ممكن تكون تشيبه منهم فيها مشكله في التردد لأن الرامات بالذات فيها فرز أول وتاني وتالت وده حسب المستورد انا هديلك مثال انا ساعات بتقابلني مشكله مع الأزروك g41 أنها مبتقبلش بعض الرامات الي في السوق من الكينجستون لأن لأنها مش جايبه 1333 فبجيب رامه بتردد أعلى بفتح البورده وانزل التردد من البيوز وبعدين اشغل الرامه فتقرأ وده ليه علاقه بجودة الرامه نفسها على العموم كما قال أخويا المشرف 3 رامات البورده تشتغل عادي

[unexpected]

الى الاخ صاحب الموضوع من باب التجربة حاول تحديث البيوس الى اخر اصدار ممكن تنحل مشكلتك

[master_sn]

الى الاخ صاحب الموضوع من باب التجربة حاول تحديث البيوس الى اخر اصدار ممكن تنحل مشكلتك

نعم قمت بتحديث البويس بلأمس الى اخر اصدار وتم التحديث تمام الحمد لله
وقمت بتجربة الثلاث رامات سوياً مره ثانيه بعد تحديث البويس
كل اللي اختلف ان قبل التحديث بعد ان كنت اضغط زر الباور يعمل الجهاز ولا يظهر شيء على الشاشه ويستمر الوضع هكذا
بعد ان قمت بتحديث البويس واضغط على زر الباور يعمل الجهاز ولا يظهر شيء على الشاشه ولكن بعض 5 ثوان او 10 يقوم الجهاز بلأطفاء ثم يعيد تشغيل نفسه مره ثانيه وهكذا
هذا هو الأختلاف قبل وبعد تحديث البويس الى اخر اصدار