السلام عليكم و رحمه الله و بركاته انا عندى راوتر 3com و مشترك فى سرعة 2 ميجا مع شركة اسمها المصرية جروب موزع معتمد لشركة تى اى داتا و النت كل شوية يفصل يعنى حوالى كل دقيقتين يفصل لمدة دقيقة و فى الراوتر لمبتين واحدة اسمها sync و الثانية اسمها online لما النت بيفصل لمبة online بتفصل خالص و لمبة sync بتنور و تطفى و لما النت بيجى لمبة sync بتثبت و بتفضل منورة و لمبة online تنور و كذالك كل دقيقتين كدة انا عايز اعرف العيب من اية بالضبط ؟ و بالنسبة لتوصيلات انا مدخل السلك الرئيسى فى اسبلتر و واخد من الاسبلتر وصلة phone الى التليفون و وصلة dsl الى الراوتر و جربت انى اشغل الراوتر من السلك الرئيسى و النت بيفصل بردوا . ارجو الرد و جزاكم الله كل خير .
ممكن يكون المسافة بعيده عن السنترال او الخط الاضى فى تشويش جامد بيأثر على النت اتصل بخدمة عملاء تى اى داتا وملكش دعوة بالموزع المعتمد دا دوروا التحصيل بس
شكرا أخى Sniper3d على ردك و يعنى اتصل بخدمه العملاء بتاعت تى اى داتا و اقولهم ما هى نسبة التشويش على الخط الارضى ؟ و شكرا ايضا لردك أخى AhmedNagah و معلش انا لسه مبتدئ فى حوارات النت و يعنى اية عزل على خط التليفون ؟
الشكر لله يااخى العزل هوا نسبه فقد الخط للقوه بتاعتوا دا بالبلدى يعنى وبيتقاس بالافو ميتر لو الخط علية عزل كتير بيأثر على السرعة بس المهم ان طالما الحراره بتاعت التلفون مش فيها تشويش وواضحة ولو المسافة بينك وبين السنترال اكتر من 7 كليو بردوا دا بيأثر اوى على النت حتى لو الحراره كويسه يبقا اتصل بخدمة العملاء وهما يكشفوا على الخط من عندهم ويبعتوا فنى للسنترال يكشف على الخط بردوا ويغير بورت من السنترال يمكن البورت واقع
يا أخى Sniper3d على متابعتك و اللى مجننى ان عندى جيرانى فى نفس البوكس و النت عندهم مبيفصلش خالص و ممكن يكون العيب من الراوتر و لا اية ؟ انا هتصل بالشركة و هبقى اقول لحضرتك على اللى الشركة قالته . و جزاك الله كل خير.
يعنى يا اخى اروح السنترال اشوف المشكلة ولا اتصل بشركة النت TE-DATA ديه اول حاجة ثانى حاجة جيرانى طلعوا فى البوكس المقابل للبوكس اللى انا موصل منه و لكننا فى نفس الشارع و وخدين من نفس كبينه التليفونات الرئيسية لاننى سألت جيرانى و طلعوا فى بوكس تانى بس فى نفس الشارع . و شكرا على متابعتك و جعله الله فى ميزان حسناتك .
لا هتروح تعمل اية فى السنترال لا اتصل بخدمة العملاء ولو فيه حاجة فى السنترال هما هيبعتوا فنى من عندهم وبعدين مش شرط تكون من كابينه واحدة يكون الخط حلو ممكن البوكس بتاعك الكابل وحش او فيه تداخل او عزل المهم شوف خدمة العملاء وشوف هيقولولك اية
المفضلات