*مقدمة:-
لابات لينوفو منتشرة جدا فى السوق وبتحقق معادلة السعر مقابل الاداء وده اللى جذبنى ليها كما ان الشركة عريقة جدا ومالكة الماركة IBM ,كما ان خامات اللاب جيدة جدا بالمقارنة مع المنافسين فى نفس السعر ,وانا طبعا محبتش اعمل المراجعة اول ما جبته واستنيت شوية علشان اعرف عيوبة ومميزاتة مع الاستخدام لفترات طويلة ,ولا حظت بردو عدم تافر مراجعات عربية كتير للماركة دى واللى شجعنى اجيبة العضو TheLeader وهو عاملة مراجعة بسيطة هنا فى المنتدى,وبصراحة انا فضلته عن الديل انسبيرون اللى هو المنافس لية فى نفس السعر.

*مواصفات اللاب :-
I5 2450m 2.5 => 3.1 turboboast
gfx :gt 630m
hd :segate 500 Gb
1333 Ram :4GB
15.6" TFT Color display with LED backlight
Web Camera
WiFi - Bluetooth - USB - Ethernet 10/100
Full size keyboard with integrated numeric keypad
Touchpad
6 Cell Lithium-Ion battery
No operating system
*صور بسيطة من تصويرى:-
صورة للجانب توضح فتحات اللان واليو اس بى

صورةمن الامام

صورة لوحة المفاتيح

صورة من الخلف توضح فتحات التبريد

وصورة وانا كنت مشغل علية witcher 2

صورة كنت مشغله والنور قاطع فى البلكونة وكنت حاطتة على مسندين علشان التبريد<عكروت صح!>


*صور توضح المواصفات واختبار على السريع:-
ده البروسيسر وحبة بيانات عامة

وده كارت الشاشةGpu-Z

ودى نتيجة الأختبار


*التجربة والاداء العام :-
اللاب الحمد لله شغال كويس وخاماته جيدة ومعداش 85 درجة للبروسيسر فى اسوء الحالات وجربت علية كام لعبة تقيلة باعدادات متوسطو وشغلهم بفريمات معقولة وده بفضل كارت الشاشة gt630 m وده اقوى بقليل من gt540m والخامات بتاعته ممتازة مقارنة بالديل وتصميمة شيك وارفع وفيه سويتش لفصل كارت الشاشة الخارجى لتوفير الطاقة واطول فترة بالبطارية تصفح نت وفيديو على وضع توفير الطاقة 4ساعات ونص ووصل البطارية ل12% فقومت شاحنه, وتجربتى ككل مع اللاب جيدة. ودى ابرز مميزاته وعيوبه اللى اكتشفتها:-
>المميزات:-
1-خاماته جيدة جدا بالنسبة لسعره.
2-سعره مناسب 3550 ومعاه ماوس لاسلكى هديه واللى معاه نسخة سفن منه 3800.
3-زراير الاختصارات (Fn) ممتازة وبتغطى كافة الاحتياجات.
4-سويتش كارت الشاشة اللى بيوفر البطارية فى حالة عدم الحاجة للكارت الخارجى.
5-عمر البطارية فيه كويس.
6-تصميمه انيق ونحيف والارجل بتاعته كلها مطاطية.

>العيوب:-
1- اختصارة غلق touchpad لما بتقفلها مش بتشتغل تانى الا بعد الريستارت.
2- تحس انه مش عملى زى الكمبيوتر المكتبى وده عيب كل اللابتوبات .

فى الاخر اتمنى ان المراجعة تكون فادتكم واعتذر عن جودة الصور سوء التصوير وانا تحت امركم فى استفسار او اسئلة وانتظروا اضافة اختبارت تانية بكرة