انا الحمد لله بعد الاستخاره قررت اني افتح محل هاردوير بس خبرتي لسه قليله ويا ريت اي حد يعرف ارقام افضل وكلاء في مصر للهاردوير وبالنسبه لما السلعه ترخص دي مين بيتحملها وموضوع الضمان مين الي مسؤول عنه
هيا الناس مش مهتمه ليه بس انا رحت لناس كتير والاغلب خوفني من الهارد وير وان الاكسسوار افضل والهاردوير بكميات قليله وان التوكيل بنظام شرايح ولازم تبيع كميه معينه ومشعارف اعمل ايه انا هفتح محل كبير جدا في مدينه دمياط ومفيش محلات من النوع ده هنا والناس هنا مبسوطه ماديا لحد كبير يا ريت الاهتمام ومناقشة الموضوع لاني خايف جدا يا ريت تساعدوني وشكرا للموقع الجميل ده
ولو عايز تبدأ فى سوق الكومبيوتر جرب حالك الأول فى الأكسسورات و حاجات بسيطة لغاية لما الناس تبدى تعرفك وتشوف الحال هيمشى الأول ولا لأ وبعدين أبتدى أشتغل فى الهاردوير
وبالنسبة لإنخفاض الأسعار فأنت اللى بتتحمله طبعاً و بالنسبة للضمان ففيه محلات فواتيرها بتطلع مختومة بختم تجارى ومكتوب فيها السيريال نمبر الخاص بكل سلعة ودى بينطبق عليها شروط الضمان وبينفع تروح التوكيل طوال فترة الضمان وفيه محلات تانية بتضرب ختم المحل على الفاتورة بدون كتابة السيريال نمبر وبتكتب كود السلعة ودى بيكون الضمان عليها لمدة 11 شهر من المحل بغض النظر عن مدة ضمان السلعة ودى ضمانها بيسقط من عند التوكيل!
فلازم فى كل فاتورة تطلع من عندك تكون مختومة بختم تجارى ومكتوب جنب كل سلعة السيريال نمبر الخاص بيها لمصلحتك ولمصلحة المشترى لكن أعتقد أن الختم التجارى بتكون ليه إجراءات معينة والله أعلم.
المفضلات