[أستفسار] مشكلة مع مركز الأمتحان بسبب الـ signature ؟

[abozidd]

السلام عليكم ورحمة الله

انا لسه راجع البيت دلوقتي من شركة يات - مكرم عبيد
كان معاد الامتحان الساعه 12 ونصف تماما وانا رحت قبلها بساعه كامله

المهم لما جت الساعه 12 وثلث دخلوني عشان اجهز للامتحان وطلبو مني signature يا اما على كريدت كارد او باسبور ساري المفعول

انا معنديش كريدت كارت و معنديش باسبور ساري !!!!

قلتلها يعني انا مش همتحن لو مش معايه ال signature قالتلي ايوه !!!!!

المهم انا حاولت معاها خصوصا ان اصحابي امتحنو في مراكز تانيه من غير signature
قالتلي احنا نظامنا هنا كده

المهم انا دلوقتي اعمل ايه ؟؟

هيه قالتلي انها هتبعت ريبورت لل vue في اخر اليوم و مش عارفين ايه اللي هيتم

حد حصل معاه حاجه زي كده يا شباب

وبعدين حاولت اخش على ال vue عشن اكنسل الميعاد واحجز مع شركه تانيه غير يات معرفتش عشان الامتحان شغال كده بالنسبالي

انا زعلان جدا على الامتحان اللي هيضيع مني ده ومش عارف اعمل ايه


قولولي اعمل ايه

[أيمن النعيمي]

لاتخف مافي شيء بضيع حدث نفس الشيء مع صديقي لكن هو تأجل امتحانه بسبب انقطاع الكهرباء وقام المركز بأرسال تقرير إلى VUE وبعد كم يوم اتصلا الـ VUE بصديقي من انكلترا وطلبوا منه تحديد موعد آخر للامتحان وانحلت المشكلة بس المهم ان مركز يات يبعث تقرير وياريت بلاش العنواين المرعبة لان فيها حذف ومخالفة مباشرة بس سوف اقدر وضعك هذه المرة وسوف اقوم بتعديل العنوان

[abozidd]

اسف على العنوان بس انا ده اللي اتقالي من يات انك كده غالبا الامتحان ضاع عليك بس هنبعت ريبورت بحاتلك ومش عارفين ايه اللي هيتم

انا شاكر لك جدا , اديتني امل ان شاء الله اني ممكن امتحن ربنا يستر

طيب لو ال vue متصلش بيا يبقى كده خلاص مفيش امل ؟؟

[أيمن النعيمي]

أخي العزيز تواصل مع المركز وهم الوحيدين القادرين على مساعدتك وحل مشكلتك

[JUBA]

لو ارسل المركز التقرير لي VUE يقول فيه ان الامتحان لم يعقد بسبب ان الطالب لايحمل توقيعه الشخصي على اثبات الشخصية فلن تحصل على شيء وعوضك على الله الحالة الوحيدة هي ان يرسل المركز تقريرا في خلال 48 ساعه يكتب فيه ان الخلل من المركز وبالتالي سيسمح لك باختيار ميعاد اخر للأختبار

موضوع التوقيع على اي اثبات شخصيا اصبح معتادا به في الايام الأخيرة سواء من VUE او Prometric وساضع هذه التعديلات في موضوع مفسر عما قريب

نصيحتي حاول مع السنتر لان التعنت في حالتك من السنتر وليس من VUE

[Gawad]

بسم الله والحمد لله والصلاة والسلام علي رسول الله وآله وصحبه وإخوانه أجمعين:

موضوع التوقيع على اي اثبات شخصيا اصبح معتادا به في الايام

ما معني هذا أخي الكريم

وصلي الله وسلم وبارك علي المصطفي وآله وصحبه وإخوانه أجمعين

[abozidd]

لو ارسل المركز التقرير لي VUE يقول فيه ان الامتحان لم يعقد بسبب ان الطالب لايحمل توقيعه الشخصي على اثبات الشخصية فلن تحصل على شيء وعوضك على الله الحالة الوحيدة هي ان يرسل المركز تقريرا في خلال 48 ساعه يكتب فيه ان الخلل من المركز وبالتالي سيسمح لك باختيار ميعاد اخر للأختبار

موضوع التوقيع على اي اثبات شخصيا اصبح معتادا به في الايام الأخيرة سواء من VUE او Prometric وساضع هذه التعديلات في موضوع مفسر عما قريب

نصيحتي حاول مع السنتر لان التعنت في حالتك من السنتر وليس من VUE

اشكرك اخي الكريم
والله لو اعرف ان المركز ده متعنت كده مكنتش اخترت امتحن فيه وكنت اخترت اي مركز تاني
بس انا مكنتش اعرف
وانا حاولت معاهم والله ومجابش نتيجه

فياريت الشباب اللي هيمتحنو في يات يحذرو يوقعو في المطب ده
لو رايح تمتحن في يات لازم يكون معاك توقيعك على باسبور ساري المفعول او كريدت كارد

وادعولي يا شباب الموضوع يخلص على خير وامتحن !

[JUBA]

موضوع التوقيع على اي اثبات شخصيا اصبح معتادا به في الايام

هلا باخي جواد الفجر

كل شخص يحمل باسبو راو بطاقة هوية وطنية او حتى بطاقة بنكية ستجد مكان مكتوب عليه توقيع حامل ال....... على حسب الهوية التي تحملها

ان ذهبت لتختبر اي اختبار عالمي مثل التويفل او الايلتس او حتى سيسكو حاليا او مايكروسوفت سوف يطلب منك ان تكون حامل لإثبات شخصية يحمل توقيعك

[JUBA]

الاخ صاحب المشكلة خاطب Vue لعلهم يساعدوك لو اثبت لهم انك لاتحمل اي اثبات يوجد عليه توقيعك ولكن عليك بشرح المشكلة بطريقة لبقه وان تصبر عليهم في موضوع الرد

[abozidd]

انا أرسلت رساله لل vue ولكنها ليست على المستوى المطلوب من حيث اللغه او اسلوب الكلام
حيث اني لا اجيد الانجليزيه بشكل كبير

فلو تكرم احدهم وكتب لي نموذجا بحالتي اكون شاكرا له

هذا هو الخطاب الذي ارسلته هل يصلح ام لا ؟
Dear all

I went in Sat, 18 Sep 2010 to ( YAT Education Center - Makram Ebaid, Cairo, EGY ) for CCNA exam at 12:30 PM
put i suddenly a big problem this problem that i have no signature !! ( my passport is expire since 5 years and i have no credit card ) please help me and reschedule or reactivate the exam.
this my account on VUE ( XXXX )
thanx

[x514xx]

بس الى أعرفه أن ليك اعاده مجانا لو رسبرت فى المره الاولى حتى

وممكن الاخوان يواضحوا لينا come back

ولا العرض ده أنتهى

[sherif-magdy]

مش فاهم بصراحة ايه حكايه ال signature ديه ؟؟
ان اخر امتحان امتحنته كان من حوالى شهر و نص كده كان فى مركز new vision مطلبوش اى حاجة غير اثبات شخصيه فقط لاغير

وهل الكلام ده موجود فى كل المراكز ولا يات بس ؟؟؟

[EXp1r3d]

تأكيدا لكلام الأخ شريف انا آخر امتحان امتحنته كان ال tshoot يوم الخميس 16/9/2010 مخدش منى كمان اى اثبات شخصية :D فعلا مخدش لانى عارف صاحب السنتر بس لما كنت بمتحن طبيعى يعنى كان بيطلب اثبات شخصية وكنت بستهبل عليهم وبديهم كرنيه الشغل ولا بطاقة ولا باسبور ولا كريدت كارد وبمتحن عادى

عموما الموضوع كله دلوقتى فى التست سنتر لانى شفت واحد نسى يدخل الامتحان اصلا مش راح التست سنتر وحصلت مشكلة ، لا نسى لكن صاحب التست سنتر ظبطها وبعت لفيو قالهم حصلت ليه مشكلة وبتاع وهم بعتوا عدلوا ليه الميعاد وامتحن

يعنى من الآخر التست سنتر يقدر يعمل اى حاجة

[JUBA]

اذا تحدثنا عن القوانين الرسمية لهذه الشركات سنجد انه من ضمن الشروط للتقدم للاختبار ان يكون معك اثبات شخصية يحمل توقيعك الرسمي وليس اي جرت قلم وخلص الموضوع

لا اعلم كيف التعامل في مصر من اصحاب المراكز المعتمده للأختبار

[abozidd]

الى الان لم ياتيني رد من ال vue
ورحت عشان اعمل كريدت كارد عليها توقيع لقيت مفيش حاجه اسمها كده اصلا !!

الاستاذ sniper2000
ممكن توضحلي معنى التوقيع ده ايه ؟؟ هل هو توقيع شخبطه ؟؟ وله توقيع عباره عن اسم فقط مكتوب على الكريدت ؟؟؟