كهرباء البيت سيئة..

**doctor_metwaly** · 24-07-2012, 07:17

السلام عليكم..
عندى جهاز phenom11 x2 560 , وساعات بخليه مفتوح اربع انوية ومازربورد 78lmt جيجا بايت وكارت ستالايت ومفيش كارت شاشة خارجى...المهم الكمبيوتر بيهنج كتير وساعات بيرستر بالليل ومرة فضل يرستر ومش رضى يشتغل نزلت البروسيسور من 3.3 جيجا ال 2 جيجا فقط راح شغال كويس...وكان عندى باور سبلاى تايجر وباظ وغيرته بتجارى اخر وبرضه نفس الكلام...وانا شاكك فى كهرباء البيت انها وحشة؟
ايه العمل وهل باور نضيف اصلى ممكن يعوض كهرباء البيت السيئة؟
انا اخر امكاناتى اجيب باور هيك 350 وات..

**doctor_metwaly** · 24-07-2012, 07:28

ياريت بس حد يرد بسرعة لو سمحتوا لانى قاعد على جهاز اخوية...اجيب باور سبلاى تجارى ولا لازم اصلى علما بان الحالة المادية تعبانة اليومين دول

**alayoubi** · 24-07-2012, 17:11

طبعا الأفضل تجيب باور هيك 350 وات وهيكون كافي ..

**doctor_metwaly** · 25-07-2012, 00:57

شكرا للاستاذ الايوبى...
انا دلوقتى طفيت الكمبيوتر الضهر وكان شغال وحبيت اشغله دلوقتى الساعه 12 ليلا مش راضى يشتغل عمال يعمل ريستارت بشكل هيستيرى اما من بره خالص او بعد لما يفتح الويندوز مباشرة...شيلت بروسيسورى الفينوم وحطيت بروسيسور اثلون ر240 اشتغل ويكلمكم منه دلوقتى!!
كدا البروسيسور بايظ رغم انه بيشتغل بالنهار حلو ام الباور سبلاى ضعيف ولا كهربا البيت هى اللى بايظة....
والسؤال الاهم لو كهرباء البييت بتضعف وقت الذروة جامد هل باور سبلاى اصلى هيحل المشكلة ولا لازم الكهربا اللى داخلة لاى باور تكون مظبوطة عشان يشتغل مظبوط؟

**BAZOOKA_N2O** · 25-07-2012, 01:22

اولا انت قولت انك فاتح الانوية وده لازم اختبار للتأكد من كفاءة المعالج بعد الفتح
في الغالب المشكلة من فتح الانوبة
جرب تقفل الانوية وشوف الجهاز هيعمل معاك

بالنسبة للباور
الباور الاصلي قد يتحمل التغيير البسيط في الكهرباء
ولكن اذا استمرت فترة طويلة هيبوظ

الافضل انك تتأكد ان الكهرباء عندك مظبوطة
ولو بتقل جامد هيبقى هتشتري استبليزر وده فيه منه انواع بتبدأ من 150 جنيه ويكفي للكمبيوتر

**doctor_metwaly** · 25-07-2012, 01:39

لا يا باشا بيرستت ومش بيرضى يشتغل وانا قافل الانوية برضه....غالبا الموضوع سببه الكهربا اللى داخلة البيت ضعيفة.هحاول اشوف كهربائى الاول...مش معقولة كل الباور سبلاى اللى جربتها بايظة

**doctor_metwaly** · 25-07-2012, 01:39

وممكن لو سمحت صورة ورابط للاستبيليزر ابو 150 ده والاقيه فين؟

**BAZOOKA_N2O** · 25-07-2012, 02:19

جرب الجهاز عند اي حد من منطقة تانية وشوف هيعمل معاك ايه

للأسف انا مش من القاهرة فمش هقدر افيدك في الاماكن اللي ممكن تلاقيه فيها
بس هو بيبقى موجود عند اي جد بيبع المعدات الكهربية او محلات الادوات الكهربائية الكبيرة

**doctor_metwaly** · 25-07-2012, 04:00

سألت واحد فى الشارع قالى الكمبيوتر عنده بيرستر بالليل برضه وكده يبقى اكيد عيب كهربا...هشوف بقى استبيليزر ..
شكرا ليكم يا جماعة...وعلى فكرة هو شغال دلوقتى بعد الفجر لان الكهربا تحسنت جامد