مشكلة صوت التكتكه في هارد WD1002FAEX 1TB SATA 6Gb/s 7200

[A.S.M.O]

السلام عليكم .. انا اشترت الهارد ده WD1002FAEX 1TB SATA 6Gb/s 7200 N/A من شهر تقريبا و لسه مشغله من كام يوم .. المهم انه لما بفتح الجهاز بسمع صوت تكتكه صوت ذى صوت احتكاك (خرفشه) مع اني لسه بفتح الجهاز و سعات كتير تظهر اثناء الاستخدام العادي زي الفيس او التصفح ع النت و مش بتظهر في الألعاب .. هل ده طبيعي و لا كده يكون فيه مشكله ؟؟

[A.S.M.O]

هو مفيش مشرفين في القسم ده و لا ايه ؟؟

[Ahmed.Elsayed]

حضرتك الموضوع بتاريخ إمبارح ودى مش طريقة هتشجع أى أعضاء أو مشرفيين أنهم يساعدوك !

على العموم الهارد فيه مشكلة ميكانيكية وعمره الأفتراضى قارب على الأنتهاء لكن قم بالأطلاع على هذا الموضوع ممكن أن يساعدك >>> https://arabhardware.net/forum/showthread.php?t=280072

[A.S.M.O]

حضرتك الموضوع بتاريخ إمبارح ودى مش طريقة هتشجع أى أعضاء أو مشرفيين أنهم يساعدوك !

على العموم الهارد فيه مشكلة ميكانيكية وعمره الأفتراضى قارب على الأنتهاء لكن قم بالأطلاع على هذا الموضوع ممكن أن يساعدك >>> https://arabhardware.net/forum/showthread.php?t=280072

انا اسف جدا اخي الكريم و موضوعك مفيد جدا و شرحه مبسط و جميل .. بس انا استخدمته و ظهرلي انه الهارد سليم و مفيش اي مربعات حمرا و كله اخضر .. كده يكون في مشكله بردو ؟؟

[Ahmed.Elsayed]

ولا يهمك محصلش حاجة بس علشان أتأكد سجل الصوت الذى يصدر من الهارد بالموبايل وأرفعه علشان أسمعه.

[hamedstar]

الهارد البلاك بيكون صوته عالى بعض الشئ عن الهاردات الاخرى
ممكن يكون حضرتك فقط مش متعود على صوته فقط

[A.S.M.O]

ولا يهمك محصلش حاجة بس علشان أتأكد سجل الصوت الذى يصدر من الهارد بالموبايل وأرفعه علشان أسمعه.

انا مش عارف اسجله علشان موبيلي تعبان حبتين .. بس هو صوت عادي زي اي هارد بس اعلي شويتين و بيحصل عند فتح الجهاز او الكوبي مثلا و سعات لما بفتح كذا سيت علي النت .. في ناس كتير قالتلي انه التيرا البلاك ده الطبيعي بتاعه ان صوته عالي شويه .. و انت بردو رأيك يفدني و شكرا

[A.S.M.O]

الهارد البلاك بيكون صوته عالى بعض الشئ عن الهاردات الاخرى
ممكن يكون حضرتك فقط مش متعود على صوته فقط

هو فعلا مش متعود عليه انا كان عندي w.d 640 green كان ملهوش صوت تقريبا و مش بسمعه غير كل فين و فين

[Haythamovic]

هو فعلا البلاك اسرع علشان كده صوته علي والجرين موفر للطاقة فا ملوش صوت

[Ahmed.Elsayed]

انا مش عارف اسجله علشان موبيلي تعبان حبتين .. بس هو صوت عادي زي اي هارد بس اعلي شويتين و بيحصل عند فتح الجهاز او الكوبي مثلا و سعات لما بفتح كذا سيت علي النت .. في ناس كتير قالتلي انه التيرا البلاك ده الطبيعي بتاعه ان صوته عالي شويه .. و انت بردو رأيك يفدني و شكرا

مجربتش الهارد البلاك علشان أقدر أحكم عليه إذا كان صوته عالى ولا لأ لكن صوت التكتكة ده بيكون بسبب وجود قطاعات تالفة بالهارد وفى الهاردات الحديثة يتم أستبدال القطاعات التالفة بقطاعات بديلة ولهذا لا تظهر فى الفحص إلا فى حالة وجود قطاعات تالفة غير مستقرة.

[mohamed_sophe]

اخى الفاضل الهارد سليم مفيهوش اى مشكلة ان شاء الله انا عندى نفس الهارد وبيصدر من نفس الصوت هيا الهاردات البلاك فعلا الى صوتها عالى فى الشغل

بالتوفيق ان شاء الله