نصيحه في شراء جهاز لاب توب

[ahmedafatah]

السلام عليكم

لو سمحتوا ياشباب انا ان شاء الله ناوي اشتري جهاز لاب توب ف جدود 10 الف جنيه وعايز اجيب حاجه عاليه وخصوصا ان انا داخل حاسبات ومعلومات ان شاء الله
فانا دلوقتي
قدامي الماك اير
بس انا بسال ايه احسن اجيب حاجه ماك ولا اجيب حاجه من اي نوع تاني زي توشيبا او كده وهتكون طبعا اعلى ف الامكانات واقل ف السعر ؟؟

واذا كان حاجه غير الماك ياريت اقتراحات باحسن الاجهزه واقواها ف االامكانات وياريت يكون الجهاز نحيف زي الماك اير وسعره طبعا
وياريت بردوا تقولولي ايه اسعار الماك اير و برو ف مصر والسعوديه

[Khaled Khattab]

بص يا نجم قصادك كذا حل أولهم الماك برو(مش آير) علشان البرو إمكانياته أعلى من الإير وفرق السعر بينهم مش كتير هنا في مصر
لإما Dell XPS بس تجيبه من بره لإما MSI GT70 وده حتلاقيه في جرير عامل 7000 ريال يعني 10 آلاف وخمسمية بالمصري
لإما عليك Lenovo Ideapad Y580 وده عامل حوالي 1000 يورو يعني حتلاقيه في السعودية عامله 6000 ريال
ده أفضل حاجة ممكن أقولك عليها
ممكن برضه فيه سوني بس مش عارف تمنه ممكن تامر يفيدك في الموضوع ده

[ahmedafatah]

يعني اعلى حاجه وخصوصا ف المواصصفات ويكون السعر كويس ؟ رتبهملي كده معلش

[Khaled Khattab]

بص أعلى حاجة في الأداء(مش الخامات ولا السخونة)
1 - Msi
2- Dell XPS
3- Apple Mac Pro
أعلى سخونة
1- Msi
2- Apple Mac Pro
3- Dell Xps
الأعلى سعراً
1- Apple Mac Pro
2- Msi
3- Dell Xps
الأفضل بطارية (وخامات)
1- Apple
2- Dell
3- Msi

[ahmedafatah]

سخونه ايه مش فاهم ؟

[ahmedafatah]

اظن ع كده احسن جهاز الواحد يشتريه هو ال xps

[speed_hunter]

انصحك تجيب حاجة من سلسلة ASUS ROG او dell Alienware لتحقيق معادلة السعر للأداء
خصوصاً الأسوس تحفة فنية ونظام التبريد بتاعه رهيب
شوف ده كدة https://www.bhphotovideo.com/c/produ...55VW_DS71.html

[ahmedafatah]

طيب وايه رايك ف xps ?

[a4_nn]

بص يا بشمهندس

أنت الأول محتاج تسال نفسك سؤال
هل أنا هقدر اشتغل علي انظمة ابل و هل كل الأبكش بتاعتي بعد كدة هتشتغل علي نظام ابل و لا لا

لو قلت أة هتقدر
يبقي هتروح تجيب الأبل من سكات لانوا أحسن

لو قلت لا يبقي مش هتجيب أبل للاسباب دي الأبل أهم حاجة فية الستمم بتاعوا و اغلي حاجة فية تقريبا الماركة فقط و الستمم

و انت هتلاقي برنامج مش بيستغل علية هتشيل الستمم و تحط وندوز يبقي فكك من أبل خااااااااااااااالص



ثاني سؤال بقي أنت محتاج لاب تعمل بية إية بالضبط

لو محتاج معالجة عالية رغم أني مش شايف أن الاب بيحتاج بروسيسور أي سفن بس دي اول مواصفة لازم تحطها في أعتبارك عاوز أي 7 و لا أي 5 أبعد عن الأي 3 أداؤا مش تمام

الرامات بقي عاوز 4 جيجا 6 جيجا 8 جيجا


أهم حاجة و أهم قطعة في الاب

كارت الشاشة محتاجوا إية ati نفيديا أنتل

ال نفيديا و ati
كروت شاشة علشان لو ناوي تلعب أو تستخدم برامج جرافيك او تصميم
انتل كارت شاشة عادي لتصفح النت

الهارد عاوزوا كام عارف هتقول كل اما كبر كان أحسن في لابت دلوقتي فيها هاردات تيرا و الغالب فية 750

ألي بيفرق في ثمن الجهاز غالبا كارت الفيجا حسب قوتة

لان فية كروت بتشغل الألعاب 3 دي و فية اجهزة نازلة بالنظارة
ثاني حاجة البروسيسور

حدد انت محتاج مواصفات إية قبل ما تبص علي الماركة

[ahmedafatah]

انا ان شاء الله داخل حاسبات ف مش معقوله كل سنه هغير لاب فانا حاليا عايز حاجه عاليه وتعيش معايا بردوا
يبقى خلينا i7
ألرمات 6 او 8 اي حاجه
طبعا انا هدوس جامد ف الالعاب والجارفيكس وعايزه شغال معايا لحد بيس 2020 ^^
الهارد 750 ماشي
الفيجا انا عايز حاجه عاليه وتكون بتدعم ال 3d

[a4_nn]

تمام جدا يعني انت عاوز حاجة بتعمل كل حاجة


يبقي هنفق علي المواصفات
1- بروسيسور أي 7 كاش 6 ميجا كاش
2- 8 جيجا رام ديدي رام 3
3 -كارت الفيجا هتحاول تجيبوا 560 "اعتقد دة اعلي كارت فيجا شفتوا في لاب

هنحول نخلي الاب 3 دي


أخد خد بالك من نقطة صغيرة الاب هتشترية النهاردة بمبلغ هتيجي تبيعة كمان سنيتن بالضبط مش هيعمل فلوس
و كمان أداوا مش هيقدر علي التطبيقات الجديدة
يعني لو هنقول جيبت أعلي حاجة هتقد معاك 3 او 4 سنوات مش اكتر من كدة

دلوقتي بقي ندور علي نوع الاب طلما أستقرينا علي المواصفات

بس باقي نقطة صغيرة أنت عاوز الاب يكون بيدعم بس الثري دي ولا بيدعم و بيشغل يعني جاي معاة النظارة و جاهز
لان لو كدة اعتقد هيبقي فوق 12 ألف و فية موديل توشيبا تقريبا بحاوالي 15 ألف

[ahmedafatah]

اولا احب اشكرك ع متابعتك معايا حضرتك وضحتلي حاجات كثير ^^
انا ان شاء الله مش ناوي ابيعه ومش فارقه معايا الحته دي اوي

نشوف النوع ماشي

انا عايز مثلا لو عندي فيلم 3 دي اقدر اتفرج عليه زي بتاع السينما كده وياريت لو تفهمني حتت يدعم بس ولا يدعم ويشغل معلش ^^

وماشي اديني كذا اقتراح وقولي ع الحاجات الكويسه لان انا ممكن ابعت اجيبه من السعوديه xD

[ahmedafatah]

يعني قولي ع اللي فيه 3d واللي من غير بس ممكن نعمله وكده ^^

[a4_nn]

1- Toshiba Qosmio X770-M13M 3D Gaming Laptop

دة تقريبافي حدود 15 الف

2-Toshiba Qosmio X775-3DV80
دة هيبقي تقريبا في حدود 14 الف

3-Alienware M14x

دة في حدود 11 الف دة كارت الفيجا ألي فية أقل بيدعم التري دي لكن مش جاي معاة النظارة بتاعة التشغيل

يعني ممكن تشتري نظارة نفيديا بعد كدة براحتك النظارة الوايرلس تقريبا في حدود 1000 جنية

[ahmedafatah]

يعني النظاره لوحدها واقفه عليا ب 1000 جنيه هههههههههههههههه ^^