Samsung S23A700D رأيكم فى الشاشة دى؟؟؟

**khaled_rafea** · 29-07-2012, 17:59

دى شاشة جديدة 3d و ب 1750 بالنضارة؟ و 2 ms response time و فيها كل حاجة , ليه سعرها معقول وهل ليها عيوب ؟

**a4_nn** · 29-07-2012, 20:04

انا الصراحة أول مرة اسمع عن الشاشة دي

بس دي كل مواصفاتها و تقيم كامل ليها

https://wecravegamestoo.com/forums/e...or-review.html

لما كنت بشتري قبل رمضان كان قدامي شاشتين 950 750

فا دفعت الفرق و أختار الشكل الأحسن لاني اعتقد اداء الأتين واحد من خلال المواصفات باستثناء مدخل ال دسبلي بورت ألي انا مش بستخدمة أصلا

**عبدالله ضيف** · 29-07-2012, 20:24

اعتقد ان جودة الالوان ليست مثل 950 فال 950 تضاهى ips panel فى الالوان
ثانيا اعتقد ان شاشة ال جى هتبقى افضل فى الثرى دى انما شاشات سامسونج افضل لو انت شغلك كله تو دى بسبب 120 هرتز

**khaled_rafea** · 30-07-2012, 00:30

عبد الله, سلام عليكم, مش ملاحظ انك مزودها شوية ؟ استحملنى معلش انا سنى ضعف سنك تقريبا, انا كمان مطور نظم و بفهم شويه على قدى فى الكمبيوتر, شاشة الال جى المحترمة حتعلها 4000 و انا بسأل على حاجة ب 1750 يعنى مينفعش نقارن اساسا, و بعدين الثرى دى فى الاتنين واحد تقريبا, مفيش مفاضلة فى الجودة بين الأتنين, الفروق فى حاجات تانيه, و انا جربت كتير الثرى دى بتاع الال جى فى كارفور و معجبنيش بصراحة, ارجوك خليك موضوعى و حاول تبص للمتاح الأول بغض النظر عن سيطرة الفكرة عليك, و كل سنة و انت طيب, رمضان كريم

**عبدالله ضيف** · 30-07-2012, 00:41

انا قولت انك لو شغلك ثرى دى بس يبقى انصحك بشاشة ال جى 23 بوصة ب 1700 جنيه فقط

ثانيا تقنية ال جى احلى من اى تقنية تانية بكتر وشوف على المنتديات الاجنبية تقنية الباسيف هيه المستخدمة فى السينمات العاليمة ودى افضل تقنية متوفرة للثرى دى دلوقتى والا مكنوش استخدموها اساسا فى السينما وبحيث المفاضلة وان مفيش فرق بينهم بالعكس ال جى تتفوق فى كل شئ منهم السعر ماعدا ان الرزيلوشن بيقل حاجة بسيطة لو بعدت عن الشاشة شوية مش هتحس بيها وكمان ان التودى ال 120 هرتز فى الشاشات الثانية افضل ولاكن فى شاشات السينما ثرى دى التليفزيون ال جى بتتفوق فى كل شئ يكفى ان الثرى دى بيبقى 120 هرتز بدون اى جوستينج

**khaled_rafea** · 30-07-2012, 00:52

ايه هو موديل الشاشة الال جى 23 اللى ب 1700 ؟ و مواصفاته بمقارنة حقيقية مع السامسونج ؟ يعنى الريسبونس تايم و المداخل و الريفريشريت ؟ و هل هى جامينج مونيتور زى السامسونج ولا لأ ؟

**a4_nn** · 30-07-2012, 03:43

أل جي ب 1700

طيب لية محدش قالي عليها دي قبل ما اجيب بتاعتي

حاجات غريبة بتطلع ياريت تبعتلنا اللنك و شكرا ليك مقدما

**عبدالله ضيف** · 30-07-2012, 09:52

والله مش عارف احط اللنك ولا لا انا عاوز اشترى واحدة قريبة وخايف الاقيها خلصت !!!!!
على العموم هسيبها على ربنا
https://www.egyptcomputercenter.com/...00000000000961
ادى مراجعة للشاشة من احد الاعضاء فى المنتدى
https://arabhardware.net/forum/showthread.php?t=299462
طبعا الشاشة يعتبر مفيهاش جوستينج نهائى لان الاثنين فريم بتوع العين اليمنى واليسرى بيتعرضو فى نفس الهرتز ثانيا مفيهاش كروس تواك والسطوع عالى وكمان رخيصة والنظارات الواحدة مش بتعدى 20 جنية هههههههه نظارة شمس هيه غير كده بقى الشاشة معاها السوفتوير بتاعها من برنامج 3d tridef وكده عشان ميبقاش فى حاجة اسمها احتقار لا من نيفيديا ولا من ati والتقنية مريحة جدا انا لو معفتش اشترى تليفزيون ال جى ips 32 بوصة 120hz هشترى دى بس فى النهاية التليفزيون كان هيبقى احسن بكتير
وطبعا تقنية الباسيف هى التقنية الوحيدة الى الحاجات بتطلع بره الشاشة فيها والعمق بيبقى شديد وبارز لبره لاكن فى افلام ثرى دى بيبقى العمق عالى اوى والحاجات بتخرج بره الشاشة فعلا

**khaled_rafea** · 30-07-2012, 12:48

االريسبونس تايم 5 ms و ده مش مناسب للجيمز, و ليه بتقول انها التقنية الوحيده اللى الحاجة بتخرج بره الشاشة و الثرى دى افضل ؟ ايه دليلك على الكلام ده ؟

**a4_nn** · 31-07-2012, 01:31

بص يا بشمهندس

مواصفات الشاشات زي بعض بالضبط

Samsung S23A700D 23 inch 3D LED

Samsung S23A750 23 inch 3D LED

Samsung S23A950 23 inch 3D LED

أنا جيبت الأخيرة سبب واحد بس لان المثل دايما بيقول الغالي تمنوا فية

مع أني اعتقد ان مفيش أي أي فرق خالص بين الثلاثة غير وجود كابل dvi

في شاتي الشاشة الأخيرة

فا توكل علي الله و أشتريها

**ashraf1212** · 31-07-2012, 05:51

ل ج أفضل مليون مرة من سامسونج فى ال 3دى وأنا جربت أحدث شاشة سامسونج من شهر وكان ال 3دى بشع بالمقارنة ب أل جى اللى كانت خرافة فعلا وكمان نضاراتها مابتحتجش بطاريات زى السامسونج

**عبدالله ضيف** · 31-07-2012, 09:47

اخى خالد الريسبونس تايم بتاع السامسونج مع شاشات سامسونج فى الثرى دى بيتخطى 7 ms بسبب تقنية الشاتر لذلك بتشوفو الجوستينج
ال جى بتوفر ثرى دى برسبونس تايم اقل من سامسونج ال ىعاوز اقوله شاشة ال جى فى التو دى عادية زى اى شاشة لاكن فى الثرى دى بتفرق كتير عن اى شاشة ثرى دى وبالطبع بتبقى افضل
وطبعا لو واحد عنده شاشة ثرى دى فهيسمع الافلام ثرى دى وكمان الالعاب هيلعبها ثرى دى ولو لعبها تو دى ممكن يحولها لثرى دى عن طريق الشاشة يعنى من الاخر التودى بقى قليل الاستخدام

**khaled_rafea** · 31-07-2012, 10:53

سلام عليكم, يعنى كده مشتريش بقى شاشة 3دى دلوقتى, انا عاوز حاجة مغيرهاش قريب, السامسونج كانت مناسبة كسعر و كمواصفات, و ال جى لسه معملتش شاشة بنفس المواصفات, إلا الشاشات الكبيرة و الغالية بالنسبالى

**khaled_rafea** · 31-07-2012, 11:14

الشاشتين مفيهومش ديسبلاى بورت, كده الhd3d الخاص بِ AMD مش حيشتغل full HD على الشاشتين, يبقى الموديل ده Samsung S23A950 23 inch 3D LED أفضل لكروت ايه ام دى

**Prince_hady** · 10-08-2012, 18:03

مع احترامي لحضراتكم .. انتم طيبين جدا ... لان عشان تشوف الفرق بين الريسبونس تايم بين 5 و 2 فمحتاج تكون سوبرمان .. دة فرق ماتكلموش عنه اصلا لانك مش هتشوفه ابدا