ممكن أعرف أخى أشتريتة منين و كم السعر و ما هى صناعتة؟
انا اشتريت UPS 650VA/400 من كم يوم محتاج منكم شوية معلومات
1-الحرارة الصادرة عن الجهاز هتكون طبيعية لو الجهاز اشتغل اكتر من 14 ساعة فى اليوم ولا الحرارة ملحوظة علشان الجو الحر فى مصر ؟؟
2- وقت تفريغ البطارية فى الاستهلاك اثناء انقطاع الكهرباء بيعتمد على قدرة الاجهزة اللى بتسحب منة ولا هو وقت ثابت --- بمعنى اخر لو انا مشغل جهاز معين ولنفرض لمبة نيون بقدرة 60 وات .. هل سيعمل الجهاز لمدة 15 دقيقة ام سيعمل على حسب قدرة اللمبة فقط
3-فى المحل اللى اشتريت منة فكرت اشترى فيما بعد بطارية نفس النوع نفس الفولت بامبير اكبير علشان ازود مدة التشغيل .. الراجل اللى فى المحل قالى مينفعش الجهاز يشحن البطاريتين او اكتر .. بس على حد علمى انا كدة زودت عدد الخلايا معملتش دائرة ولا حاجة جديدة .. فى اعتقادى ان مدة الشحن هتتضاعف فقط .. هل انا صح ولا غلط
4- النوع اللى معاية اسمة Proflex طبعا مقدرش اجيب حاجة محترمة لانى محكوم بفلوس صغيرة XD . بالنسبة للحاجات اللى انا مشغلها علية استخدم موقع APC وكتبت مواصفات الجهاز بالاضافة للشاشة وجابلى UPS 650 نفس مواصفات اللى عندى تقريبا مع اختلاف التقنيات طبعا وكان مكتوب تحت 52% استهلاك من قدرة ال UPS الكلية
النقطة 3 مهمة جدا بالنسبة لية
شكرا , , ,
التعديل الأخير تم بواسطة kahled15486 ; 02-08-2012 الساعة 21:59
ممكن أعرف أخى أشتريتة منين و كم السعر و ما هى صناعتة؟
من محل فى باب اللوق مش فاكر اسم المحل لان الكارت بتاعهم ضاع منى .. بالنسبة للصناعة صينى .. بالنسبة للسعر 340 ج .. سألت فى النخيلى قالى فية الالمانى 460 جنية 500VA .. وانا كنت محكوم بحد اقصى 350 ج XDالمشاركة الأصلية كتبت بواسطة xmanlolo
اضافة من عندى سبب استعجالى فى شراءة . مشكلة انقطاع الكهرباء الدائم فى مصر هذه الايام اصبحت مرتين يوميا او اكتر .. اغلب اللى بعملة على الجهاز مونتاج بسيط لفيديوهات صغيرة وبنسى احفظ المشروع وبفتكر وانا بقفل البرنامج من الرسالة اللى بتظهر ... وكل شوية اقعد ساعات اشتغل وفى الاخر اعيد اللى بعملة بسبب قطع الكهرباء .. نفس الموضع على كل حاجة بعملها على الكمبيوتر بتحتاج save
التعديل الأخير تم بواسطة kahled15486 ; 03-08-2012 الساعة 02:29
عندى سؤال كمان بس دة سؤال عام على ال UPS . البطاريات بتكون مختلفة من نوع لاخر يعنى مثلا Lead Acid او Li-ion او Gel .. هل ممكن استبدال بطارية مثلا Lead Acid باخرى Li-ion ويقوم الشاحن فى ال UPS بشحنها عادى ام هناك احتياطات اخرى ؟
ضوابط المشاركة
المفضلات