إعلان هام عن TrainSignal+ طريقة الدراسه

**killerbrain** · 04-03-2006, 06:59

السلام عليكم ورحمة الله وبركاته....
انا اخوكم في الله : كريم

كنت عاوز اشارككم في دراستي للـMcse2003 واللي بذاكرها لوحدي وكان عندي بعض الملاحظات والتنويهات اللي كنت عاوز اقولها ليكم وانا بذاكر وحصلت معايا ....

أولا: ملاحظات
1- شركة TrainSignal هي شركة من تقليد ونسخه مبهته من الشركة العملاقه CBT Nuggets
2- أثناء دراستي للكورس وتحضيري للامتحان كان يستوجب عليا اني اكون فاهم الكورس مش حافظ التيست كينج ولاقيت المصيبه الكبرى ( TrainSignal ) .....
في أثناء دراستي لإمتحان 350-70 ISA2004 شاهدت كلا من TrainSignal و CBT Nuggets ولكن مع شديد اسفي TrainSignal طلعوا على الفاضي ... اللي كان قاعد بيشرح الكورس كان بيقلد بالضبط اللي كان بيعمله المدرس التاني في الشركة المنافسه ولكن جه في أجزاء دقيقه جدا من الكورس وجراها (كروتها) وكأن اللي قاعد بيتفرج وبيسمع له طفل مش حيبقى مهندس ...
3- بعدها بـ يومين كنت بذاكر الـwindows server 2003 وطبعا الكل عارف انه مينفعش حد يقول انا مش عارف حاجة فيه لازم اللي بيدرسه يكون توب فيه ولكن المصيبه اثناء التسجيل ان Active Directory مكنش راضي يشتغل معاه وكل ده بسبب انه نسي يستب الـ DNS وطبعا ادرك المأساه اللي هوا فيها بعد ما اكتشف الخطأ فين والتسجل كل ده بيسجل ...
4- CBT Nuggets شركة اسمها كبير وكفاية انه في وسط ماهوا شغال عملي معاك بالفيديو يوقف الفيديو خالص ويقعد يشرحلك بالورقه والقلم لأنه عارف ان الجزء ده بالذات مش حينفع يتشرح عملي بس .. وتحس ان المدرس اللي بيشرح نفسه يطلع كل اللي عنده في الكورس للطالب مش يقلبه وسلام سلام ..

ثانياً :تنويهات لأدوات الدراسه
ادوات الدراسه تنقسم الى تصنيفين حسب الامتحان
الاول : عاوز تمتحن وتنجح من غير مذاكره = يبقى انت محتاج آخر نسخه فقط من التيست كينج
الثاني: عاوز تذاكر وتتعب وتبقى كويس وتنفع نفسك وغيرك لما تشتغل يبقى اسمع اللي حقولك عليه :
1- طبعا لازم يبقى عندك Microsoft Moc بتاع الكورس اللي انت بتاخده حتى لو نسخه PDF
2- لازم يبقى معاك التيست الكينج آخر اصداره وحقولك تعمل بيها ايه في طريقه الدراسه
3- لازم يكون معاك Exam Simulators علشان متدخلش الامتحان وقلبك يبقى في رجليك وتتوهم من منظر الامتحان من اول مرة (لازم وضروري تبقى واخد على شكل الامتحان والقاعدة والوقت)
4- لازم يبقى معاك Lab Simulators وطبعا ده موجود في الكورسات اللي في امتحاناتها Simulators بس

ثالثا: طريقه الدراسه
طريقه الدراسه في ناس كتير جدا بتقولك انا أخلص الكتاب كله مره واحده وبعد كده اشوف الـLabs وبعدين التيست كينج افظه زي اسمي وعلى بركة الله يدخل الامتحان ناسي اول كلمه اتقالت في كتاب مايكروسوفت اصلا بسبب التيست الكينج اللي ضيع وقته فيه ..

الطريقه تبقى كالآتي : مثال على كورس Windows Server2003 - 70-290 (الكورس المدمر)
امسك شابتر شابتروبلاش تقول كلمه يااااه ده الكتاب لسه طويييييييييييييييل

1 - Chapter 1 تذاكره من كتاب مايكروسوفت وحيقابلك شغل عملي تعمل فيه ايه ؟؟ الخطوة 2
2- تفتح الـ Lab Simulators وتجيب اللاب بتاعك وتشتغله بأيديك خلصت ومش فاهمه كويس 3
3- لو مش فاهمه كويس تروح جري تفتح الـCBT Nuggets وتقول للراجل اللي بشرح اشرحللي Chapter1 ياعمو لو سمحت (حيشرحه وحتفهمه 100%) خلصت لأ لسه 4
4- تمسك التيست كينج بتاع سيادتك اللي هوا اخر اصداره وتفتح القسم اللي بيتكلم عن Chapter1 وتفهم الاسئله مش تحفظها لأن استحاله حتحفظ 720 سؤال بتوع 2003

يبقى انت كده خلصت Chapter1 مذاكره+فهم+لابات+تيست كينج
وتستمر على كده إلى ان تنتهي هنا بقى ييجي المعاد المرتقب+++++ الامتحان++++++
الكل خلص الكورس الكل خايف احسن يغلط في سؤال اكل مرعوب الكل حله عندي
في برنامج ذكرته في الادوات اسمه Exam Simulators البرنامج ده بيفتحلك امتحان مكون من 720 سؤال بتوع التيست كينج بأسأله العملي كمان وكأنك قاعد في امتحان حقيقي بوقت واخطاء والنجاح من 700 يعني حتتطحن في البيت وتجرب نفسك بدل ماتضيع وقتك على second shot

وبكده يبقى انت امتحنت قبل ماتدخل الامتحان وجربت نفسك وأرجو ان اكون قد افدت ناس مكنوش يعرفوا الطريقة والادوات بتاعة الدراسه

وختامه سلام الله ورحمته وبركاته

**midomcse2003** · 04-03-2006, 11:55

مشكوووووووووووووووووووووور اخينا الكريم

**bosnawe** · 04-03-2006, 12:14

مشكور أخي الكريم.. أنا على وشك الدخول في "الكورس المدمر" بعد اجتيازي للويندوز اكس بي وهذه ملاحظات مهمة سأعمل على الإفادة منها

**وليد** · 04-03-2006, 13:10

جزاك الله الف خير شرح وفي وشامل وحلو الله يعطيك العافيه ماقصرت كفيت ووفيت

**aldo** · 05-03-2006, 17:22

!Clap IT work great for me
I download all MCSE2003 labs from BT serach like
https://www.torrents.to/ and in serach I write cbt
using
BITLOARD AND BT ENGINE

I really understand it good

https://www.trainsignal.com/index.as...on=Custom&ID=8

I wounder why its not work for u.:frnd"

**killerbrain** · 06-03-2006, 01:39

شكراً جداً للناس اللي ردوا على الموضوع ومعلش انبهكم تاني مرة
ياناس محدش يستهون بامتحان 290-70 الويندوز 2003
ونصيحه اخوية جدا جدا جدا جدا محدش يذاكر علشان الشهادة
ذاكروا علشان نفسكم...علشان مستقبلكم...علشان مخدعش نفسك...علشان متخدعش غيرك

**elmadysm** · 03-04-2006, 08:53

بارك الله فيك

**outosend** · 04-04-2006, 00:58

الاخ الكريم شكرا لتوضيحك
بس انا ليا ملاحطه بسيطه شركه train signal ليست بهذا السوء كما ان ليها لابات مش موجوده فى شركه سى بى تى ومش هايضر تسمع الاتنين كده كده احنا ماندفعش فلوس فى ده ولاده
بس اكيد هاتستفيد منها
وبالنسبه للحركه بتاعه الdnsاللى بتقول عليها انت مش شايف انه كان ممكن يعيد تسجيل الحته دى تانى؟ بدل مايبان فى مظهر وحش ؟ انا اعتقد انه تعمد كده علشان معطمنا بيمر بالمرحله دى وهو بيستب فحب يوضحها ولا ايه؟

**ابن الولاية** · 04-04-2006, 05:51

كلامك يا رجل يدخل العقل والقلب

تشكر على هذا الجهد

أخوكم مقدرا نصائحكم
ابن الولاية

**mcse** · 15-04-2006, 17:18

أشكرك على اطروحتك

**haytham.f** · 21-06-2006, 12:05

انا شايف ان شركه Trinsignal اجمد شركه فى الشرح بصراحه

خصوصا بالنسبه لينا كعرب وكمان عشان اللغه لكن الشركه التانيه بتتعامل معانا كأننا أجانب

**علي2060** · 21-06-2006, 14:01

شكرا جزيلا
كلمات من ذهب
و لكن لو أشرت إلى كورس Testout و الذي يحتوي كل هذه الأقسام فهو نظري و عملي - سيميوليشن - و أسئلة مراجعة بعد كل فصل
وفقكم الله تعالى