استفسارات

**magico** · 17-08-2012, 06:34

بسم الله الرحمن الرحيم
اولا احب اشكر كل القائمين على هذا الموقع الرائع بجد ربنا يجعلو في ميزان حسناتكم جميعا

ثانيا انا عندي شوية استفسارات محتاج رأيكم واجابتكم عليها

انا حابب اخد دورات في هندسة الشبكات شهادة ccna ومحتار في كذا حاجه :
*ابدأ منين يعني انهي افضل اخد الدورة في احد المراكز المتخصصه ولا اذاكرها من ع النت وبعدين امتحن فيها واخد الشهادة .طب لو هذاكرها من ع النت اذاكر فيديوهات مين لاني قبل كده قريت رد لاحد الاعضاء بيقول لعضو بيستفسر عن الموضوع ده انه يذاكر لكل مهندس حاجه معينه بس مش فاكر في انهي موضوع وللاسف مش معايا لينك الموضوع ده.
*انهي التخصصات الافضل من ناحية درجة احتياج سوق العمل ليها تصميم الشبكات ولا امن الشبكات ولا الوايرلس
*هل الكورسات دي بتحتاج تفرغ كامل ليها لاني لسه بدرس ودي اخر سنة ليا في الجامعه ؟ هل هتتعارض مع الدراسه الجامعية ؟
*هل الشركات في مصر بتعمل بانظمة سيسكو ولا ميكروسوفت يعني انهي افضل ccna ام mcse وكنت سمعت عن شهادة اسمها mcitp هل دي بديلة عن mcse ؟
اسف لو كنت طولت في الاستفسارات بس اعذروني لاني محتاج قبل ما ادخل المجال اني اعرف بداية الطريق عشان امشي صح
ومره تانيه الف شكر للموقع المتميز عرب هاردوير

**eng-a7med-2011** · 17-08-2012, 13:37

اخى العزيز السلام عليكم و رحمة الله و بركاتة يجب ان تعلم
1- شركة CISCO مجالها غير مجال MICROSOFTE
2- الافضل فى سوق العمل يتراوح بين WIRLESEE OR SecuritY
3- يجب عليك البدء بدراسة CCNA
4- من الافضل ان تذاكرها من شرح المهندس ياسر رمزى و محمد سمير و ادخل الامتحان ووفر الفلوس
5 كورس ال MCITP هو التحديث بتاع MCSE
6- و عادى خالص ان انت تذاكر و انت بتدرس بس لو هتكمل CCNP نصيحة لازم تكون مخلص

**eng-a7med-2011** · 17-08-2012, 13:38

دة لينك لمجموعة كل فترة بتبدا فى كورس جديد لل CCNA+MCITP

https://www.facebook.com/groups/mcitpccna/404356222947402/?notif_t=group_activity

**magico** · 17-08-2012, 15:24

شكرا ليك بجد ع ردك ... انا عارف ان مجال سيسكو غير ميكروسوفت وعشان كده بسال لاني سمعت ان معظم شركات مصر بتعمل بانظمة ميكروسوفت .بس انا كنت قريت مشاركه لاحد المهندسين بيقول لو عايز تبقى مهندس شبكات بتدرس ccna وبعدين ccnp اما لو عايز تبقى مدير شبكه بتدرس ccna وبعدين mcse وهل تخصصات سيسكو هي هي نفس تخصصات ميكروسوفت يعني امن شبكات ووايرلس وكده ؟
اسف ع الاطالة

**eng-a7med-2011** · 17-08-2012, 20:41

بس هقولك على حاجة تسهل عليك القصة

لكن المجلات بتاعت CISCO غير مجالات MICROSOFTE تمام

**magico** · 18-08-2012, 05:07

هي مجالات سيسكو مختلفة عن ميكروسوفت في ايه ؟ هل كل واحدة بديله للتانية ولا بيكملو بعض؟؟

طب اقسام ccna وايرلس وفويس وسيكيوريتي بس ولا تصميم وراوتر وسويتش برده دول اقسام؟

**eng-a7med-2011** · 18-08-2012, 05:55

اقسام ccna
وايرلس وفويس وسيكيوريتي و تصميم وراوتر وسويتش برده دول اقسام موجودة فى المستوى الابتدائى و المحترف و الخبير

سيسكو هاردوير مايكروسوفت سوفت وير

**magico** · 18-08-2012, 16:44

ازاي سيسكو هاردوير وميكروسوفت سوفت وير انا عارف ان ميكروسوفت ليها تخصصات كتير مش بس انظمة التشغيل من ضمن مجالاتها هندسة الشبكات وشهاداتها بتبتدي ب mcse زي ما سيسكو بتبتدي ب ccna ممكن تكون ميكروسوفت مجالاتها اكبر شوية بس المقارنه بينهم مش ان دي سوفت وير ودي هاردوير لان لو هنقارن نقارن في المجال المشترك بينهم وليكن هندسة الشبكات ده اللي انا اقصده ايه الفرق في دراسة هندسة الشبكات في سيسكو ودراستها في ميكروسوفت ؟؟

**eng-a7med-2011** · 18-08-2012, 17:50

هسالك على حاجة هل مايكوسوفت بتنتج ROUTER OR SWITCH OR FIREWALL APPLINCE OR WIRLESEE APPLINCE OR ANY STOARGE طبع لا كل دى منتجات لى سيسكو و بتدى كورسات عشان تعرف تتعامل معاها و مايكروسوفت نفس الحكاية بس منتجتها سوفت وير فهمت قصدى

**magico** · 18-08-2012, 18:20

طبعا فاهم قصدك كويس ...طب هحاول افهمك انا بسال ع ايه .. شهادات mcse وخلافها من ميكروسوفت في مجال الشبكات الحاصلين عليها بيبقو مهندسين شبكات وشهادات سيسكو زي ccna وخلافها الحاصلين عليها بيبقو مهندسين شبكات ايه الفرق بين مهندسي الشبكات الحاصلين ع شهادات ميكروسوفت والحاصلين ع شهادات سيسكو يارب اكون قدرت اوصلك انا اقصد ايه ؟؟