النتائج 1 إلى 3 من 3

الموضوع: هو انا كده صح ولا غلط؟؟

  1. #1
    عضوية جديدة
    تاريخ التسجيل
    Aug 2012
    المشاركات
    19
    معدل تقييم المستوى
    0

    Question هو انا كده صح ولا غلط؟؟



    بسم الله الرحمن الرحيم

    اخواتي الاعزاء في موقع عرب هاردوير الموقع الجميل ده .... انا حابب مجال الشبكات وحابب اشتغل فيه فاستفسرت شوية عن كيفية الدخول ليه والحمد لله عرفت شوية معلومات اني فيه مجالين سيسكو او ميكروسوفت واتعرفت ع شهادات دي وشهادات دي ... سالت ايه الفرق بينهم يعني مهندس سيسكو ومهندس ميكروسوفت ايه الفرق بينهم بس التوضيح مكنش اوي ومفهمتهوش اوي اللي كان بيجاوب بيجاوبني ع اساس اني محترف في الشبكات ...
    انا هقولاللي قدرت اطلع بيه ولو صح قولولي صح ولو غلط ياريت تصححولي

    سيسكو في مجال الهاردوير يعني الحاصل ع شهاداتها يبقى مهندس شبكات متخصص في
    تركيب واعداد وتشغيل وصيانة الراوتر والسويتشات يعني يركب الشبكه ويشغلها ... اما الحاصل ع شهادات ميكروسوفت فده بقى اللي بيجي دوره بعد كده انه يكون مسئول عن الشبكة والسيرفرات والتطبيقات المصاحبة ومشاكل النتورك الداخلية.
    يعني ده مجال وده مجال يعني اي شركة بتحتاج الاتنين ولا كل واحد ممكن يبقى بديل عن التاني ؟؟؟ ده استفسار يعني ياترى كلامي صح ولا غلط
    اللي حاصل ع شهادات سيسكو شغله بيبقى في شركة خاصة بعمل الشبكات للشركات اما الحاصل ع شهادات ميكروسوفت بيبقى شغله في شركة ملهاش علاقة بالشبكات يعني بتشتغل في مجال تجاري مثلا بس بيبقى مسئول عن الاشراف ع الشبكه بتاعتها ..ياترى ده صح ولا غلط ... اللي فهمته من احد المهندسين لما قريتله مقال كده ان اللي حابب يبقى مهندس شبكات وظيفته في شركة خاصة باعمال تركيب الشبكات يدرس سيسكو واللي حابب يبقى مدير شبكه لشركه ليها مجال تاني يدرس ميكروسوفت بس قال نصيحه للي حابب وظيفة مدير الشبكه انه يدرس Ccna مع mcse ويطور نفسه بعد كده بكذا شهادة تانيه ياترى الكلام ده صح ولا ايه ؟؟

    استفسار اخير
    طب اللي واخد شهادات ميكروسوفت وحصل عطل معين في الشبكه بس مش في النظام عطل في سويتش مثلا يقدر يصلحه ولا بيستعينو بمهندس شبكات سيسكو

    اسف لو كنت طولت عليكو ...بس ياريت الافادة والاضافه تكون للحاجات اللي بستفسر عليها لاني كتير كنت اسال عن حاجات معينه والرد يبقى ع حاجات تانيه خالص انا عارفها




  2. #2
    عضو ذهبي
    تاريخ التسجيل
    Mar 2009
    المشاركات
    1,756
    الدولة: Egypt
    معدل تقييم المستوى
    15

    رد: هو انا كده صح ولا غلط؟؟

    سيسكو في مجال الهاردوير يعني الحاصل ع شهاداتها يبقى مهندس شبكات متخصص في تركيب واعداد وتشغيل وصيانة الراوتر والسويتشات يعني يركب الشبكه ويشغلها ... اما الحاصل ع شهادات ميكروسوفت فده بقى اللي بيجي دوره بعد كده انه يكون مسئول عن الشبكة والسيرفرات والتطبيقات المصاحبة ومشاكل النتورك الداخلية.
    يعني ده مجال وده مجال يعني اي شركة بتحتاج الاتنين ولا كل واحد ممكن يبقى بديل عن التاني ؟؟؟
    ده استفسار يعني ياترى كلامي صح ولا غلط
    صح . بس ده فى الشركات الكبيرة بيبقى فى مهندسين متخصصين فى مايكرسوفت ومهندسين متخصصين فى الراوتر والستويشات ( مش شرط سيسكو لان ممكن يكون فى كذا ماركة تانيه فى نفس الشركة )
    الشركة الصعيرة والمتوسطة ممكن واحد يقوم باليلة كلها
    علشان يوفروا

    اللي حاصل ع شهادات سيسكو شغله بيبقى في شركة خاصة بعمل الشبكات للشركات

    مش شرط . لانك ممكن تشتغل فى فندق مثلا او مصنع وعندهم فروع كتير وفيها سويتشات وراوتر سيسكو
    لازم يبقى فى مهندس متخصص فى سيسكو متواجد على طول علشان يدير الشبكة ده
    اما الحاصل ع شهادات ميكروسوفت بيبقى شغله في شركة ملهاش علاقة بالشبكات يعني بتشتغل في مجال تجاري مثلا بس بيبقى مسئول عن الاشراف ع الشبكه بتاعتها ..ياترى ده صح ولا غلط

    صح
    بس قال نصيحه للي حابب وظيفة مدير الشبكه انه يدرس Ccna مع mcse ويطور نفسه بعد كده بكذا شهادة تانيه
    ياترى الكلام ده صح ولا ايه ؟
    ؟

    الصح انك تكون على اطلاع بالمجالين خصوصا ان CCNA & MCSE يعتبروا اساسيات فى التخصصييين

    استفسار اخير

    طب اللي واخد شهادات ميكروسوفت وحصل عطل معين في الشبكه بس مش في النظام عطل في سويتش مثلا يقدر يصلحه ولا بيستعينو بمهندس شبكات سيسكو

    علشان كده بنقول انه لازم يكون مطلع على المجاليين ويكون دارس CCNA على الاقل
    هو بيحدد نوع العطل فين اذا كانت فى اعدادات السويتش او الوراتر
    وده الى حدا ما سهله ممكن لو عنده الاساسيات يقدر يحلها وعن طريق البحث على النت هيوصل للحل
    لو مشكلة فى السويتش نفسه هيضطر يغيره بواحد تانى جديد
    طبعا الكلام ده لو مفيش مهندس سيسكو موجود فى الشركة

    وفى بعض الشركات بتبقى متعاقده مع شركة عندها مهندسين سيسكو بيجوا كل فترة يعملوا صيانة للشبكة
    ممكن يتصل بيهم يشوفوا المشكلة فين ويحلوها هما
    بس طبعا الوقت هنا مهم جدا
    فى الافضل انه يكون على دراية بالموضوع
    [CENTER]
    [B][URL="http://arabhardware.net/forum/showthread.php?t=374583&p=2701104#post2701104"] [/URL][/B][/CENTER]
    [CENTER][B][/B][/CENTER]
    [CENTER][B][URL="http://arabhardware.net/forum/showthread.php?t=374583&p=2701104#post2701104"]مراجعة للشاشة الرائعة

    [/URL][/B][/CENTER]
    [CENTER][B][URL="http://arabhardware.net/forum/showthread.php?t=374583&p=2701104#post2701104"]Samsung SyncMaster S24B750V Series 7 [/URL][/B]

    [/CENTER]

  3. #3
    عضو فضي الصورة الرمزية internetworld
    تاريخ التسجيل
    Jul 2008
    المشاركات
    1,735
    الدولة: Egypt
    معدل تقييم المستوى
    14

    رد: هو انا كده صح ولا غلط؟؟



    لا تشغل بالك بمكان العمل وطبيعته قدر ما تشغل بالك بكيفيه الحصول على المعلومه وتطويرها
    هذا هو الاهم .....والحمد لله متواجد بالمنتدى قسم لسيسكو وقسم لمايكروسوفت استمع لبعض الفيديوهات واختبر قدراتك فالفهم والمذاكره والتطبيق و بعد التعرف بشكل عملى تكون انت من يرسم خريطه مستقبله بغض النظر عما يقوله غيرك من المتخصصين او الدارسين موهبتك وامكانياتك الشخصيه والعقليه والبدنيه هى ما تحدد ماهو الاصلح لك ...
    تمنياتى لكم بالتوفيق

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •