أعرف الفرق بين FAT,FAT32,NTFS

**mohamedalaa6** · 23-08-2012, 12:46

السلام عليكم ورحمة الله وبركاته

أنهادره حبيت أكتب الموضوع ده للأسألة المتداولة حول الفورمات للهارد ديسك

أشمعن أعمله NTFS أو غيره

أنا هشرح الفرق بأذن الله وأنت ألى هتاخد قرارك

أولا علشان نتكلم على Format بتاع ال HDD لازم نعرف يعنى أيه فورمات

فورمات يعنى بالعربى تهيئة

أنت بتهيئ الهارد ديسك بتاعك علشان تقدر تستخدمة سواء تنزل نسخة أو تخزين

وأحنا هنتكلم على 3 أنواع من تهيئة الهارد ديسك المستخدمين فى الغالب

لأن فى أنواع تانية غير FAT و FAT32 و NTFS تستخدمة فى أنظمة تشغيل أخرى زى اليونكس واللينوكس

تهيئة الهارد ديسك تعنى تقسيمة إلى خانات

يعنى

FAT هى أحتصار ل (File Alocation Table) و تعنى جدول تخصيص الملفات

والخانات دى تسمى CLUSTER

وعند تخزين البيانات بتنزل فى الكلستارات دى ومساحة الكلستر تختلف من فورمات لفورمات (هنا بقى يظهر الفرق)

عندك

FAT حجم الكلستر فيها يساوى 64 Kbs

FAT32 حجم الكستر فيها يساوى 16 Kbs

NTFS حجم الكلستر فيها يساوى 4 Kbs

طب السؤال ألى بيطرح نفسه أيه أحسن

ال fat مثلا علشان كبير ؟

لأ الحكاية مش بتتقاس كدة

نفترض أنك مفرمت fat حبيت تكتب بيانات أو ملف مساحتة مثلا 66 كيلو

الملف ده هينزل فى كام كلستر ؟ 2كلستر

الكلستر رقم 2 فاضى فيه مساحة 62 كيلو هينفع لما تيجى تكتب تكمل عليه

لأ مينفعش الكلستر بيتكتب فيها مرة واحد بس بعد كدة تمسح أو تفرمت وتكتب من جديد

وده بيسمى هدر فى الكلسترات وبالتالى هدر فى المساحة

فهنا يبقى كل ما حجم الكلستر قل بقى الهدر فى المساحة أقل

1- يبقى الأفصل من النحية دى هو NTFS

وعلشان تتأكد خلى عندك برتيتشن FAT 32 وواحد NTFS

وحط هنا وهنا زات الملف فليكم مساهة واحد جيجا وشوف المساحة

هتلاقى size هنا وهنا واحد جيجا

وهتلاقى size on disk على NTFS أقل من ال FAT32

ومن الفروق أيضا

علشان تفرمت FAT مايكونش مساحة البارتتشن أكبر من 2 جيجا ده آخره

FAT32 آخره 32 جيجا

NTFS -2 يوصل ل 2 تيرا

ونوع الفرمات NTFS بيسمح أنك تعمل على البارتتشن سكيورتى عليه أو تفشير لبعض الملفات

زى الكوتا والشادوكوبى والأنكربشن

والحاجتى بتدرس فى مثل دورات الشبكات زى mcse و mcitp

3- فا زى مانتوا شايفين ال NTFS يكسب

بس كل حاجة ليها مميزات وليها عيوب :D

لو حضرتك منزل نسخة 98 أو أقل من windows 2000

الأنظمة دى متعرفش يعنى أيه NTFS

يعنى لو أنت مفرمت NTFS البارتششن مش هيتقرأ

يقرأ FAT و FAT32 بس

فطبعا زى مانتوا شايفين أنت بتختار نوع الفرمات علشان حسب شغلك وأحتياجك

يارب يكون الفكرة وصلت

وتكونوا أستفدتوا بحاجة رغم علمى بأن كتير يعرف الحاجت دى

بس علشان الفايدة تعم

وكل ما أتمناه منكم ألا تنسونا بصالح الدعاء

شكرا والسلام عليكم ورحمة الله وبركاته

**nasa100** · 23-08-2012, 13:42

موضوع جميل ومعلومات مفيدة وأكيد مش كل الناس تعرف الكلام ده ... مشكور ع المجهود ويسعدني أن أكون أو من يكتب كلمة شكر في هذا الموضوع .... تقبل مروري وخالص تحياتي

**mohamedalaa6** · 23-08-2012, 14:06

المشاركة الأصلية كتبت بواسطة nasa100

موضوع جميل ومعلومات مفيدة وأكيد مش كل الناس تعرف الكلام ده ... مشكور ع المجهود ويسعدني أن أكون أو من يكتب كلمة شكر في هذا الموضوع .... تقبل مروري وخالص تحياتي

ربنا يخليك يا حبيبى وكل سنة و أنت طيب

**mohamedalaa6** · 26-08-2012, 18:16

يا جمعاة أنا نسيت حاجة

بالنسبة لل Format

الكويك والعميقة

الكويك هى عبارة عن مسح البيانات ألى فى الكلسترات

أما العميقة هى هدم الكلسترات وإعادة بنائها من جديد

**mohamedalaa6** · 26-08-2012, 18:19

وميكروسوفت أعلنت عن نظام جديد
ReFS

أختصار ل المرنResilient File System

نظام الملفات المرن

أنا لسه معرفش عنه حاجة

لاكنه تقريبا هيبقى زى NTFS مع التفوق فى سرعة الوصول للملفات والحفاظ على خصائص السيكيورتى وغيره من المميزات ألى خلت ال NTFS i هو الرئد

https://arabhardware.net/articles/so...refs-next.html