رايكم ف جهاز dell 5110

[ahmedafatah]

ألسلام عليكم

النهرده انا لقيت الجهاز ده معروض ف مول العرب وناوي اشتريه ان شاء الله بس كنت عايز رايكم ف الجهاز ومواصفاته وياريت تقولولي البطايه والسخونه والجو ده

dell n5110

ووالراجل بيقول انه بيدعم ال 3d
كمان

ياريت تقولولي ايه النظام بتاع الجهاز ده وسعره كام وشكرا

[ahmedafatah]

مواصفات الجهاز اللي مكتوبه ف العرض

core i7 cache 6
ram 8 ddr3
hd750g
vga 1- intel hd 1696 hd
2- nividia gt 1gp up to 4 g
cam 9m hq

وعليه نظاره + شنطه

[Khaled Khattab]

بص يا باشا نصيحة لوجه الله ابعد عن الموديل ده خالص مليان مشاكل حرارة وضربان سماعات وشاشة بتبوظ وغيرها
فيه ناس كان معاهم الجهاز شغال حلو بس الأغلبية في الموديل ده معيوب
الجهاز شاشته لا تُدعم الثري دي والبايع بيضحك عليك علشان يلبسك في اللاب علشان الموديلات الجديدة نزلت وهو عاوز يخلص من إلي عنده
بالنسبة لسعر اللاب على حسب إمكانياته والأفضل تذكر ميزانيتك وإحنا نرشحلك واحد أفضل

[ahmedafatah]

هو مش نفس الموديلات اللي ع النت لان ده i7 وبالنسبه للثري دي انا فعلا اتفرجت عليها ف المحل يعني الراجل مشتغلنيش ولا حاجه

[ahmedafatah]

بس هو ايه عيوب الجهاز ده بالضبط عشان لو ع قد الحراره او كده دي بسيطه ممكن تتحل

[Khaled Khattab]

لو على قد الحرارة تقدر تتحل ؟
دي أكبر مشكلة فيه ومش حينفع ولا ميت كولر عليه
ومستحيل تكون شفت ثري دي عليه علشان لازم تكون الشاشة ثري دي والموديل ده مانزلش منه ثري دي
وهو نفس المواصفات إلي على النت وحيكون عامل حوالي 4500 أو 4400

[Khaled Khattab]

هو وراك على اللاب نفسه ولا وراك وصله على شاشة خارجيه ودي إلي شفت عليها الثري دي

[ahmedafatah]

ع الجهاز نفسه النسخه ال i5
انا هشتري ال i7 بس مكنش موجود وقالي انا هجبهولك هو انا هجيبه من شركه موجوده ف مول العرب اسمها one click

[Khaled Khattab]

براحتك
أنا نصحتك وده إلي عليا
شوف إلي يريحك لكن متجيش تكتب إن الجهاز فيه مشكلة بعد ما تشتريه
قلب كام صفحة في المنتدى وشوف مشاكل الأعضاء معاه

[ahmedafatah]

طيب هما الاعضاء قالوا ايه المشاكل اللي فيه لان لما دروت ع النت كل اللي لقيته كان يما i3 او i5 وده مش ده ولا ايه

[Khaled Khattab]

الجهاز ككل مليان مشاكل والآي سيفن هو أكتر بروسيسور بيطلع حرارة والجهاز بيسخن جامد وسماعاته بتضرب وشاشته بتبوظ وخاماته رديئة وده إلي مقلل سعره

[ahmedafatah]

طيب وايه الجهاز االلي تمام ويكون ف حدود ال 6000 مش اكثر من كده

[Khaled Khattab]

خلاص يبقى عليك الديل 5520 الكور آي سيفن رامات 8 وهارد تيرا وده عامل 5500 من غير ويندوز و5900 بويندوز

[ahmedafatah]

وده بيدعم 3d ولا لا ؟
طيب ايه رايك لو اانا سالت الضمان اذا اقدر ارجعه ولا لا واذا قالي اقدر ارجعه ف شهر مثلا انا اخد الجهاز واجربه واشوف ايه النظام

[Khaled Khattab]

الأجهزة التي تدعم الثري دي بيبقى سعرها عالي
ثانياً الجهاز مش حينفع ترجعه إلا في أول 14 يوم ده لو كان فيه عيب صناعة غير كده إنت بتكون لبست الجهاز