يا جماعه انا جبت اللاب ده يوم الوقفه وانهارده قولت انضف الشاشه من التراب روحت ماسحها بمنديل ورق عادى خالص اما جيت افتحو بعد كده لاحظت ان فى نقط بيضه مبتبنش غير لما الشاشه تبقى سوده وشغاله وتبقى موطى لتحت وباصص ل فوق يعنى لو الجهاز مطفى متبنش المهم اما جيت امسح النقط دى بايدى لقيتها راحت فهل ده عيب صناعه ولا ده ايه بس وهل طريقه التنضيف دى سليمه ولا غلط والمفروض انضفو والجهاز شغال ولا وهوا مقفول معلش تاعبتكو معايا
إياك وتنظيف الشاشة بالمناديل تنظف الشاشة بمنشفة قطنية فقط وإن كان فيه حاجة لازقة على الشاشة يبقى تشيلها بمنشفة قطنية مبللة بالماء ومعصورة على الآخر يعني ما تنزلش نقطة مية تشيل بيها الغبار اللازق وبعدين تمسحها بمنشفة ناشفة
لو كان في حاجة بالشاشة مكنتش راحت يا باشا
يُفضل أنك تكون قافل الجهاز لما تنضف أي حاجة فيه
بقولك اية يا باشا صحيح انا معايا 5520 i7
هو ال 3 زراير اللى اعلى الجنب اليمين دول بتوع اية
ياريت لو تقولى لان حتى لما بدوس عليهم مفيش حاجة بتحصل :D
وبنسبة للسخونة اية رايك فيها وهل فية برنامج بيقدر يحدد السخونة وكدا ولا اية
والله معرف بس واحد صاحبى قالى واحد فيهم بيفك الشاشه احسنلك ابعد عنهم
وبالنسبه للسخونه انا شايفو بيسخن اما بلعب الpes2012 واعملها على الهاى لكن غير كده بيبقى دافى
طبعاً مش حيطلعوا بالمنديل لأن سببهم هو المنديل نفسه دي سببها شوائب رفيع للغاية من المنديل
وبالنسبة للثلاث زراير إلي على اليمين فوق إلي مرسوم عليه نجمة ده زرار إنت بتخصصة للحاجة إلي إنت عاوزها
إلي على حرف W ده بيغير في إعدادات كرت الصوت
إلي عليه ترسين واحد صغير وواحد كبير بيفتح Windows Mobility Center وده بيمكنك من التحكم بكل شيء في الجهاز يعني تتحكم في الإضاءة والصوت وتفتح البلوتوث أو الوايرلس أو تقفلهم وغيرهم وغالباً لن يعملوا إلا مع الأجهزة إلي نازل عليها ويندوز الشركة
الكور آي فايف في درجة الحراراة العالية إلي عندنا الطبيعي بتاعه يكون من 50 إلى 55 درجة وممكن يوصل ل60 حسب المكان
وعند الضغط درجة الحرارة ممكن توصل لثمانين درجة ودي درجة حرارة أكثر من ممتازة مقارنةً باللابات الآخرى
أنا معايا 7520 هو في السخونة أقل شوية بيوصل عند الضغط ل67 أو 70 درجة بالكتير قوي
طيب اعرف ازاى درجة حرارة الجهاز
لو فية برنامج ياريت حضرتك تنزلة
وكنت عايز اعرف حاجة كمان لو عايز انقل اى حاجة من لاب لكومبيوتر او العكس هل فية طريقة تانية غير الفلاشة وخصوصا انا فلاشتى 16 جيجا بس
يعنى هل فية كابل ينفع يتوصل بهارد الكوم لusb فى الاب؟
نزل برنامج إسمه إيفرست وهو حيقيسلك كل درجات حرارة الجهاز أو الأفضل تنزل ويديجت all cpu Meter ودي مساحتها صغيرة جداً وتنزل برنامج إسمه PCmeter وده حيخلي درجة الحرارة تظهر في الويدجيت بس لازم تظبط إعدادتها الأول
بنسبة لموضوع السخونة
انا نزلت all و pc meter
بس درجة الحراة بتظهر لكل كور انا عندى core i 7 بس
وتانى حاجة درجة الحرارة مثلا فى 7 بتبقى 46 ومش بتتحرك ولا دا طبيعى انها تثبت علية؟
بص يا باشا إنت كتير مش حتستخدم كامل طاقة البروسيسور إلا في الألعاب والبرامج إلي تدعم تعدد الأنوية فممكن النواة متكونش شغالة ساعتها ومش تقلق من الحكاية دي خالص أهم حاجة إن درجة الحرارة ظهرت
المفضلات