مشكلة في لاب Dell N5110

[SmAsH_HaCkEr]

السلام عليكم,

عندي لاب Dell N5110 نفس الموصفات دي بس البروسيسور يختلف جايبة من فترة..
https://egyptlaptop.com/dell-inspiro...re-i3-ooo.html

امبارح جبت رام جديدة Kingston 4GB DDR3 1600 دي صورة المواصفات من CPUID



وركبتها مع القديمة نوعها Samsung 4GB DDR3 CH9.. ودي صورت مواصفاتها من CPUID




والاتنين شغاليين عادي جدا وال windows شغال علي انهم 8GB وتمام..

بس جيت اغير ال windows.. و دايما بعمل boot من flash..

المرة دي مش راضي ي boot وبيقف علي شاشة ال console او ال dos السودا وال cursor بيروح ويجي كده ومش بيعمل اي حاجة..

مش عارف بقي المشكلة دي من الرام الجديدة ولا ايه.. مع العلم ان المشكلة دي اول مرة تظهر بعد ما ركبت الرام..

هل الاتنين رام دوول مش compatible مع بعض فــ سببوا المشكلة دي ؟؟ عشان لاحظت ان القديمة مكتوب CH9 والجديدة مكتوب CL9..
(مع العلم اني مش عارف ايه الفرق بينهم او ايه معناهم اصلا.. بيعبروا عن ايه وكده.. بس مجرد ملاحظة.)

ولا دي مشكلة حاجة تانية ؟؟

اسف علي التطويل وشكرا مقدما

[Ahmed.Elsayed]

أولاً الرامتين ترددهم الأفتراضى 1333 وليس 1600

ثانياً الرامتين من شركتين مختلفتين فطبيعى أن يحدث تعارض بينهم إذا حاوت تشغيلها Dual Channel فقم بتركيب كل رامة فى منفذ مختلف فى اللون

أو قم بشراء رامة مطابقة للرامة الموجودة عندك فى التردد والمساحة والشركة المنتجة وعدد الشرائح ويجب أن تكون الشرائح متمركزة فى جانب واحد أو فى الجانبين فى كلتا الرامتين.

[SmAsH_HaCkEr]

اولا شكرا علي رد حضرتك..
ثانيا.. اللاب مفيهوش غير فتحتين (منفذين) بس.. يعني مفيش الوان ليهم..
ثالثا بالنسبة للرامة اللي جبتها دي.. هل المفروض اني ارجعها ؟ وهل اللي باعها لي هايرضي يرجعها اصلا ؟؟ :ah8:

[Ahmed.Elsayed]

قوله الرامة عاملة مشكلة فى جهازى وكان جهازى شغال كويس قبل ما أركبها وخد معاك اللابتوب علشان تدعم كلامك وهو طبعاً لازم يرجعها أهم حاجة يكون معاك الفاتورة بتاعتها.

[SmAsH_HaCkEr]

اه معايا الفاتورة.. خلاص تمام اوي هانزل بكرة ان شاء الله.. و الف شكر لحضرتك ومعلش تعبتك معايا

[Ahmed.Elsayed]

ولا يهمك وأنا هسيب الموضوع مفتوح لغاية لما تقولى أيه الأخبار لما ترجع بأذن الله.

[SmAsH_HaCkEr]

طب معلش اخر حتة بقي
بعد ماشيلت الرام حاولت اعمل boot من الفلاش بردو ومانفعش.. فــ معني كده ان العيب في حاجة تانية في الجهاز.. صح ؟
هل بردو اروح ارجع الرام ولا اخليها (علي اساس ان العيب مش منها) ؟

وسؤال تاني بقي.. العيب ده ممكن يكون من ايه ؟؟ مع العلم ان الفلاش شغالة تمام والنسخة اللي بنقلها عليها تمام عندي من بدري ISO وبنقلها كل مرة..
وبختار من ال boot menu اني اعمل boot من ال USB Disk زي كل مرة بردو..

ولو المشكلة في اللاب.. هل اوديه لاي مركز صيانة ولا حاجة اقدر احلها انا ؟؟

[cobraxp]

مع اتفاقي مع كل الزملاء السابقين وبرضة خليك شايل الر امة ما تحطهاش
جرب الاول تسطب نسخة الوندوز من علي السيدروم عادي وشوف لو فيه نفس المشكلة نبتدي خطوة خطوة
شوف نسخة وندوز اللى فيها تعريفات الساتا ما نفعش برضة
خش على الماذر بورد بتاعت الجهاز وخلي اعدادات الهارد الساتا على ata

[Ahmed.Elsayed]

الشاشة السوداء بتظهر معاك أمتى بالظبط ؟

[SmAsH_HaCkEr]

اسف جدا ماكنتش في البيت طول اليوم..

اولا شكرا علي ردود حضراتكوا

ثانيا اللي حصل.. اني بعد ما شيلت الرام جبت فلاش تانية قولت ممكن تكون القديمة فيها مشكلة..
وفعلا لقيته اشتغل من الجديدة.. وركبت الرام الجديدة.. واشتغل بردو تمام اوي..

المشكلة بقي اني كل ما اجرب احط اي اسطوانة في السي دي روم.. بلاقي الدرايف بتاع سي دي روم اختفي من My Computer
ومش بيرجع غير لما اعمل Restart للجهاز..
ونفس الكلام لما بحاول اعمل Boot من السي دي روم.. مش بيرضي يعمل ويدخل علي ال windows علي طوول..

هل المشكلة في السي دي روم كده ؟؟ مع العلم اني استخدمه تقريبا مرتين او تلاتة.. وكنت بنسخ الاسطوانات عندي في Image Files عشان ماجيش جنبه.

[Ahmed.Elsayed]

بتركب الفلاشة على المازربورد على طول ولا بتركبها على الكيسة من قدام ؟ وأتأكد أن المازربورد متثبتة فى مكانها كويس وأتأكد أن كل التوصيلات سليمة.

[SmAsH_HaCkEr]

لا حضرتك فهمتني غلط
انا بتكلم علي لاب مش جهاز desktop عادي.. ومشكلة الفلاش اتحلت.. طلعت الفلاش نفسها اللي كان فيها مشكلة..
والمشكلة الجديدة في السي دي روم.. كل ما احط اي اسطوانة الدرايف بيختفي من My Computer ومش بيرجع غير لما اعمل restart للاب..
ونفس الكلام لو بعمل boot من اسطوانة.. مش بيعمل boot وبيدخل علي ال windows علي طوول

[Ahmed.Elsayed]

على فكرة خد بالك أن فيه زرار فى ال CD Rom بالنسبة لبعض الأجهزة الأوريجينال وأجهزة اللابتوب لما بتضغط عليه بيخرج لبره وبيعمل Remove drive Safely زى الفلاشة بالظبط فمتضغطش على الزرار ده خالص وأضغط على الزرار الخاص بفتح وغلق ال CD Rom فقط.

[SmAsH_HaCkEr]

لا هو انا لحسن حظي.. او للاسف.. -مش عارف بالظبط- مش عندي الزرار اللي حضرتك بتقول عليه ده.. مفيش غير هو واحد اللي بيفتح السي دي روم بس
عموما هو اشتغل دلوقتي عادي اول ما غيرت ال windows.. شكرا جدا لحضرتك.. ومعلش تعبتك معايا..

[Ahmed.Elsayed]

ملحوظة بسيطة إذا كانت الرامات بتردد 1600 وأردت الوصول لهذا التردد يمكنك الدخول على أعدادات البيوس وتغييرها يدوياً لكن لا أعرف إذا كان متاح هذا الخيار عندك أم لا بالنسبة للابتوب

ولم تخبرنى حتى الاَن بما فعلته بخصوص الرام!