يعمل ايه الامر no exec-timeout ؟؟

[westwind]

مساء الخير
انا حيرني الكومند no exec-timeout ... هو بيعمل ايه بالضبط ؟
الكتاب يقول انه بعطل طلبات الربط من الخارج حسب نوع line اللي انا واقف عليه
جربتها مع vty line ما حصلش حاجة.. يعني لسه الدخول من التلنيت شغال
جربتها على console بردو ما حصلش حاجة... الدخول من الهايبر تيرمنال لسه شغال

ممكن لو سمحتم التوضيح مع مثال

[عادل شبل]

الاول بيعمل ايه الامر exec-timeout؟
ساعات بتبقى شغال على الروتر وعلى ما بتعمل حاجة تانية وترجع بتلاقى الروتر خرجك برة وتحتاج تعمل login من تانى _ ايه اللى خرجك؟
لانه انتهى ال exec-timeout وهو الفترة الزمنية اللى ال IOS بيترك ال session مفتوحة وانت مش بتعمل اى activity يعنى مثلا سبت ال session مفتوحة مع الروتر سواء telnet أو console هيخرجك بعد الوقت ده ما ينتهى وانت ممكن تحدده على مستوى ال console او على مستوى ال vty lines
ويستحسن انك ما تستخدم الامر no exec-timeout
ارجو تكون الفكرة وصلت
ولو فهمت الموضوع ياريتك تبحث وتقولى الفرق بين ال exec-timeout و ال session-timeout

[westwind]

الاول بيعمل ايه الامر exec-timeout؟
ساعات بتبقى شغال على الروتر وعلى ما بتعمل حاجة تانية وترجع بتلاقى الروتر خرجك برة وتحتاج تعمل login من تانى _ ايه اللى خرجك؟
لانه انتهى ال exec-timeout وهو الفترة الزمنية اللى ال IOS بيترك ال session مفتوحة وانت مش بتعمل اى activity يعنى مثلا سبت ال session مفتوحة مع الروتر سواء telnet أو console هيخرجك بعد الوقت ده ما ينتهى وانت ممكن تحدده على مستوى ال console او على مستوى ال vty lines
ويستحسن انك ما تستخدم الامر no exec-timeout
ارجو تكون الفكرة وصلت
ولو فهمت الموضوع ياريتك تبحث وتقولى الفرق بين ال exec-timeout و ال session-timeout

شكرا يا باشا على الأهتمام
الامر exec-timeout 0 (مع الزيرو) هو اللي حه يخلي الsession دايما مفتوح ... مش no exec-timeout ...
انا جربتها مع الزيرو و ضل الsession مفتوح للصبح!... بس مع الno مش عارف بتعمل ايه ؟؟؟ مافيش حاجة تغيرت

[عادل شبل]

no exec-timeout هى نفسها exec-timeout 0 نفس الغرض بتفضل ال session مفتوحة للصبح
وواضح انك متلخبط بين no exec-timout و no exec
no exec فقط هو اللى يمنع ال interface من استقبال ربط من الخارج يعنى مش عاوز حد يعمل telnet على الروتر بادخل على line vty 0 4 واكتب no exec فقط من غير timeout
وبرضه خليك فاكر تقولى الفرق بين exec-timeout و session-timeout

[westwind]

اه بالضبط انا كنت متلخبط بين no exec و no exec-timeout و حظرتك نورتنا
لأن انا كنت شغال على pt مش على gns3 .. في pt هو بس no exec-timeout .. التاني مش موجود... عشان كده يفهم الاختصار على انو بتاع timeout !!
بالنسبة للفرق بين exec و session جاري البحث....

[westwind]

exec-timeout هو للsessions الخاصة بالدخول على الراوتر مثل telnet و ssh عن طريق line بحيث يتأثر بأدخال اليوزر
session-timeout هو لجميع انواع session اللي يمكن الراوتر انو يعملها مثل ppp و hdlc و غيرها بحيث يتأثر بالtraffic المارة

لو دخلت بالssh على راوتر بعيد عن طريق راوتر قريب و توقفت عن كتابة الاوامر فأن عداد exec-timeout على الراوتر البعيد حه يشتغل و عداد session-timeout على الراوتر الوسطاني القريب حه يشتغل كمان. من فيهم الاقل هو اللي حه يفصل الconnection و ينهي ssh session

اتمنى ان اكون جاوبت صح او على الاقل قريب من الصح

[عادل شبل]

تمام _ باختصار شديد ال exec-timeout هو عداد لل sessions الداخله على الروتر اما ال session-timeout هو عداد لل sessions الخارجه من الروتر