إيه يا جماعة كل المشاهدات دى ومفيش ولا رد هيا المراجعة وحشه للدرجة دى
السلام عليكم ورحمة الله وبركاتهإن شاء الله هعمل مراجعة لهاتف جالاكسى مينى 2 تشمل تجربتى الشخصيه معاه وبيان الممزيات والعيوب بعد الإستخدام المتواصل والمكثف لمده أكتر من أسبوع . للعلم دى أول مرجاعه ليا على المنتدى لو فى أى أخطاء أو ملاحظات ياريت تبينوها ليا
الهاتف بيأتى بكفرين [أصفر(الأساسى) - أسود]
سعر الشراء 1150 جنيه
سعر الموبايل فى مصر وفق أخر تحديث:
التوحيد 1119 - البحيرى جروب 1150 - الهندسية للإلكترونيات 1115 - سيليت موبايلز 1150 - موبايل شوب 1245 - التميمى 1245- الشناوى 1245
صور للموبايل
614612295.jpg
762854292.jpg
بطارية الموبايل 1300 أمبير
191187873.jpg
وتصفح الإنترنت عليه سريع جدا
984043154.jpg
أولا :الإمكانيات من الموقع الذى لاغنى عنه والمعروف جدا gsmarena https://www.gsmarena.com/samsung_gal...s6500-3883.php
المميزات عن تجرتى الشخصية:
1-بطارية قويه جدا ماشاء الله مع الإستخدام الشديد جدا تكمل يوم ونص والإستخدام المكثف جدا يوم ومع الإستخدام المتوسط يومين ليومين ونص وممكن توصل ل3أيام
2- الموبايل سريع جدا فى الألعاب والإنترنت والواى فاى والتحميل من الماركت سريع ماشاء الله
3-اليويتيوب بيحمل سريع جدا أنا عندى بيحمل الفيديو أسرع من الجهاز بتاعى
4- بيدعم أدوب فلاش وإمكانية تكبير وتصغير الشاشه رائع
5- الجهاز بيدعم مالتى تاتش إسكرين
6- الكاميرا ممتازة
العيوب:
1- الحرارة مع إستخدام الواى فاى والألعاب التقيلة زى pes2012
2-عدم وجود فلاش للكاميرا وده اللى بيخلينى لازم أكون فى مكان فيه إضاءة
3- جودة الفيديو قليلة شوية عن الللى كنت متوقعه
4- بعض التعليق فى التاتش مع الألعاب التقيلة زى pes و assassin's creed
غير كده لحد دلوأتى الجهاز بيعمل بكفاءه عالية ماشاء الله ومواجهتش أى عيوب تانية
الجهاز طبعا يعمل على نسخه أندرويد جينجر بريد (خبرز الزنجبيل) لكن بالنسبة للتحديث للأيس كريم ساندويتش معرفش إذا كان يقبل التحديث ولا لا لأن الشركة مأعلنتش عن التحديث للجهاز على حسب علمى
الجهاز عن تجربة شخصيه أكثر من رائع بجد وبطاريته قوية وكويسه جدا الجهاز ممتاز للى يحب النت والألعاب هيصمد معاه لفتره طويلة
أتمنى أكون أفتدكم ومنتظر تعليفاتكم وأى حد عنده اى إستفسار أنا فى الخدمة.
ياريت لو أعجبكم الموضوع التقيم وكلمة شكرا مش أكتر من كده ومشكور مقدما لكم كلكم
التعديل الأخير تم بواسطة PeruRegistan ; 26-08-2012 الساعة 13:08
إيه يا جماعة كل المشاهدات دى ومفيش ولا رد هيا المراجعة وحشه للدرجة دى
مبرووووووووووووووك يا برنس على الجهاز وعقبالى ان شاء الله
مراجعة خفيفة و ظريفة ... شكراً لك بالنسبة للبطارية فبالفعل يبدو لي هذا الأمر أصبح من الأولويات في شراء أي جهاز عكس ما كنت أتوقع أنه شيء ثانوي و هذا ما حصل معي في جهازي Live With Walkman بطارية ضعيفة جداً ... بالنسبة للحرارة فهذا شيء عادي في أي موبايل عند استخدام النت أو الألعاب ..
[CENTER][URL="https://arabhardware.net/forum/showthread.php?t=257938"][COLOR=#000000][SIZE=3][B]مراجعة شخصية لـ ASUS Netbook Eee PC 1005PXD[/B][/SIZE][/COLOR][/URL]
[URL="https://www.arabhardware.net/forum/showthread.php?t=222620"][COLOR=#000000][SIZE=3][B]
Unboxing + Review شخصي لشاشة Samsung SyncMaster BX1931
[/B][/SIZE][/COLOR][/URL][URL="https://arabhardware.net/forum/showthread.php?t=257938"]
[/URL][B][URL="https://www.arabhardware.net/forum/showthread.php?t=242335"][COLOR=#000000]
[/COLOR][/URL][/B][COLOR=#000000]
[/COLOR][/CENTER]
يا باشا مبروك وربنا يباركلك فيه
مراجعة وتقرير حلو
تسلم ايديك يا رب
بس سمعت ان البروسيسور بتاعه بتقنية قديمة شوية والمبرمجين والمطورين بطلوا يتعاملوا فيها وده هيخيلى الفترة الجاية البرامج اللى ليه اقل من المتوقع
ده سمع علشان كده بسأل
بس هو كجهاز الكل بيشكر فيه الصراحة
مشكور لكل الأعضاء على تعليقاتهم المشجعة والجميلة وأتمنى أكون أفدتكم وبالنسبة للأخ bebonas1983 فكلام حضرتك مظبوط بس البروسيسور مش ضعيف اوى هوا 800 يعنى فوق المتوسط وده ميعتبرش عيب كبير للموبايل انا برأىى أكبر مميزاته بطاريته القوية ماشاء الله عليها . وأى إستفسار تانى أنا تحت أمركم
مبروك علي الموبايل و لك التقييم :ah7:
ولكن الصور لم تظهر لي :ah39: ارجو منك رفعها علي سيرفر اخر
وفعلا البطارية بقت من العوامل الرئيسية و الاولويات عند شراء هاتف حتي ولو كان يحمل تكنولوجيا قديمة.
في رائي افضل موبايل متاح الان كحد اقصي 1100 جنية الموبايل دا و اخوة الصغير ال Y لانهم عمليين جدا.
ودا موقع فية كل الالعاب و البرامج اللي تحولت وبتشتغل علي ARMV6
الرابط
بجد تسلم ايديك وتسلم على تعبك
جزاك الله كل خير يا باشا
المفضلات