مشكلة في الفايرفوكس مهنج دائما ولا أستطيع حفظ الـــ bookmarks

[sarhan010]

المشكلة عندي ف الفايرفوكس انه كان بيهنج كل شوية ويقفل ويرجع يشتغل من تاني
لكن دلوقتي بقى دائما مهنج وكل لما افتحه بيفتح وهو مهنج ع طول يعني اساسا مابيدينيش فرصة اجري ع الـــ bookmarks عشان الحق اعملها backup
وكل شوية يعمل crash اعمله crash reporter ولا في فايدة

وحتى بعض الاحيان يجيبلي موضوع اني افتحه ف safe mode وبرضه اول ما اقول اوك بيفتح مهنج لوحده لدرجة انه ف احيان بيتسبب انه يقفل الجهاز نفسه ويجيبلي الشاشة الزرقاء !!!!!!!!!

انا اهم حاجة عندي الـــ bookmarks اللي انا حافظها لانها مهمة جدا ومعنديش نسخة منها وكل اللي كان يهمني اشغل الفايرفوكس باي طريقة تخليني الحق اعمل backup ليها وخلاص مش مشكلة انزله تاني او اي حاجة انا اصلا هنزل ويندوز تاني

دي صور توضح المشكلة




فياريت تساعدوني بسرعة الاقي حل احفظ بيه ال bookmarks
ملحوظة: انا win 7 32bit

[Haythamovic]

بص نزل جوجل كروم وخليه يعمل import لل bookmarks وشيل الفايرفوكس وريح نفسك

[Haythamovic]

وانتا بتستخدم كارت شاشة ايه؟؟

[sarhan010]

بص نزل جوجل كروم وخليه يعمل import لل bookmarks وشيل الفايرفوكس وريح نفسك

شكرا لردودكوا يا جماعة

ده لاب Toshiba satellite L505 13W كارت الشاشة 1G ATI منفصل
وعلى فكرة انا عملت زي ما قلت ياباشا امبارح ونزلت جوجل كروم وكل لما اعمل Import يهنج ويقولي في مشكلة بالفايرفوكس ومفيش فايدة
وكمان عملت نفس الطريقة النهاردة مع برنامج قائم على نفس نظام الفايرفوكس ونفس الشكل والاسلوب تقريبا اسمه Comodo IceDragon واخترت في التصطيب انه يجيب الbookmarks من الفايرفوكس ووافق ودخلت لقيته مجابهاش وبعدين اخترت من جوه Import فوجئت انه اصلا مجابش الفايرفوكس ف الاختيارت !!!!!!!!!!!!

برضه مفيش فايدة

[Haythamovic]

بص انا هحاول ادورلك علي حل وهرد عليك

[Haythamovic]

ايه رقم الاصدار بتاع البرنامج ولا انتا منزل اخر واحد؟

[sarhan010]

ايه رقم الاصدار بتاع البرنامج ولا انتا منزل اخر واحد؟

اخر واحد ياباشا 14 وكنت كل شوية احدثه لو فيه نسخ جديدة
وشكرا ليك مرة تانية

[Haythamovic]

حاول تقفل كل extensions اللي في الفايرفوكس وجرب كده

[Haythamovic]

بص اختار disable add-ons في safemode وجرب تشغله

[sarhan010]

بص اختار disable add-ons في safemode وجرب تشغله

والله جربت ومفيش فايدة !!!!!!!!!!
مرة شغلته ف ال safe mode ومرة من غيره وعملت

disable add-ons بلا نتيجة

المشكلة ان البرنامج بيبدأ مهنج. يعني اساساً مفيش فرصة تختار حاجة ههههههههههههههههه:ah42:

[sarhan010]

لما بافتحه بيهنج ع طول ده غير كمان اني لما بافتح جوجل كروم جنبه المواقع فيه بتفضل تحمل بس لكن ما بتفتحش ولو جربت بس افتح بارتيشين ولا اعمل كليك يمين ع صورة ع الديسكتوب يفضل كله واقف وهوب تلاقي الشاشة الزرقا ظهرت والجهاز يقفل ويعمل ريستارت هههههههههههه

[sarhan010]

مفيش فايدة يعني؟!!!!!
مفيش مراقب ولا مشرف هيتكرم ويتعطف ويرد على مشكلتي؟!!!!!!!!

[Mubarak]

أخي الكريم أحيانا بعض المشاكل لا نجد لها تفسيرا، نحن لا نعفي أنفسنا من التقصير، ولكن فعلا بعض المشكلات لا نجد لها حلا، سأحاول متابعة الموضوع معك بقدر استطاعتي.

[sarhan010]

أخي الكريم أحيانا بعض المشاكل لا نجد لها تفسيرا، نحن لا نعفي أنفسنا من التقصير، ولكن فعلا بعض المشكلات لا نجد لها حلا، سأحاول متابعة الموضوع معك بقدر استطاعتي.

أخيييييييييييييييييراً

شكرا على ردكم الكريم انا عارف ان مش كل المشاكل سهل الاقيلها حل بس كل اللي بطلبه رد زي كده من المشرف او المراقب احس انه متفاعل معايا
مش موضوع يتحط لمدة كذا يوم ومحدش يجاوبني بس
وشكرا مرة ثانية:ah7:

[TaHeR.NaBiL]

صراحه نفس هذه المشكله تواجهنى ولم اجد لها حل حتى الان انا ملاحظها فى الاصدارات الجديده فقط لم تكن تظهر نهائيا فى الاصدارات القديمه من البرنامج باذن الله سابذل قصارى جهدى لحل هذه المشكله .