ارجوكم يا جماعه حد يساعدنى بأقتراح عشان انا محتاج اشترى لاب قبل ما أسافر الاسبوع اللى جاى ، و انا رفعت الميزانيه ل3600 ، فأرجوكم أشيروا عليا
السلام عليكم و رحمة الله و بركاته
لو سمحتم يا أخوانى ، انا قررت اشترى أول لابتوب ليا فا للأسف ماليش اى خبرة فى المركات الموجودة فى السوق حالياً
انا متطلبى من اللاب فقط قوة معالجه يعنى بروسيسور core I5 رامات 4 جيجا و يفضل هارد 500 جيجا ، مش محتاااج خااااالص كارت شاشه و لا هلعب على الجهاز فى يوم من الايام
انا فقط جايبه عشان شغل ان شاء الله
انا بحثت كتير على اساس نصيحة احد اصدقائى ذو خبرة انى مأخرجش عن الديل و التوشيبا ، و فعلاً بحثت وجدت Dell Inspiron N5110 بكل المواصفات اللى انا محتجها و بكارت شاشه intel كان عامل 3100 لكن للأسف عرفت انه مش موجود حالياً فى السووق نهائى و مش هينزل تانى الموجود دلوقتى معاه كارت شاشه و اغلى حوالى 500 جنيه
و التوشيبا بيتدى فى الامكانيات اللى انا محتجها بنفس تمن الديل الغالى تقريباً ، سألت عن الlenovo قيل لى انه صينى و تقفيل صينى فأبعد عنه أحسن
فأانا الدنيا اتلخبطت خالص معايا فى الحقيقه
انا كل اللى محتاجه من اللاب بروسيسور و رامات زى ما ذكرت قبل كده و لو ينفع هارد و مش محتاج وندوز و طبعاً ماركة كويسه مايكنش فيها مشاكل كتييير
و اسف على الاطالة
و جزاكم الله كل خير مقدماً
ارجوكم يا جماعه حد يساعدنى بأقتراح عشان انا محتاج اشترى لاب قبل ما أسافر الاسبوع اللى جاى ، و انا رفعت الميزانيه ل3600 ، فأرجوكم أشيروا عليا
يعني هقولك ايه اللينوفو معايا كويس انا اشتريت G580 في كل اللي بتقول عليه و كارت شاشه بس 3480 لو مش عايز تزود هات G570 هو هو اختلاف الكرت فقط رائع في ادائه و مبيسخنش الصراحه جهاز مجترم . و ده رايي هتلاقي ناس مأيده و ناس رافضه
شكراً يا استاذ poula.riad على ردك
لكن انا الحمد لله استقريت على الToshiba Satellite C660-A49
هو للأسف بكارت شاشه مش زى ما انا كنت عاوز ، و انا لقيت ال Fujitsu AH531 عن محل دلتا كمبيوتر ب3050
لكن فى الحقيقه مش واثق اوى فى المحل ، انه ممكن يغلللبنى لو حصلت حاجه فى اللاب لقدر الله و عشان الواحد مايتصدمش فى أول لاب يجيبه
الحمد لله التوشيبا أفضل ماركة بشهادة الجميييع (طبعاً بعد الماك) و بضمان توشيييبا العربى و كمان ان شاء الله هجيبه من ايجيبت لابتوب و الشركة مشهورة جداً الحمدلله
واذا شاء المولى هشترية بكرة و هعمل موضوع مراجعه ليه بعون الله
و لازلت مرحب بأى اقتراح او نصحية من أخوانى فى منتدانا الكريم
التعديل الأخير تم بواسطة KiNgOfDaTa ; 29-08-2012 الساعة 03:19
تبريد توشيبا سئ وخاماته رديئة بالجيل ده " عن تجربة "
ومعايا لاب توب نفس الاصدار تقريبا وباظ منى بسبب المروحة معرفش ازاى وخاماته بلاستيكية بحتة!
ابعد عنه كنت فاكره حاجة وطلع حاجة تانية خالص
ومتزعلش منى
كلمة ان " توشيبا " افضل ماركة بعد ماك اتقالتلى وا نا بجيب اللاب بتاعى
وكلله كلام بياعين وكدب
مع انى لا اقتنع باللينوفو بس انا شايفه احسن منه مليون مرة!
توشيبا تتكلم عنها فى موديل زى كوسميو
وتوشيبا غالى ع الفاضى وده عن تجربة
الضمان " زفت "
دى وجهة نظرى واسال مجرب
ابعد عنه عشان متتصدمش
انت كده لبشتنى يا باشا
و يبقى الافضل انى اشوف الفوجيتسو؟
و معلش المضان زفت ازاى ؟؟؟
الضمان : مش مسئول عن اى عيب فى الجهاز انت السبب فيه
من الاخر عيوب صناعة بس واثبت بقى انه عيب صناعة
انا اتخدعت وندمان انى اشتريت توشيبا
وتصنيفها عندى تحت الصفر دلوقتى ...
لو ميزانيتك تسمح ترفعها ل3850
اشترى اتش بى برو بوك اى فايف
احسنلك بكتير
انا قلتلك اللى جربته وانت حر برضه
لا انا صعب اوصلها للحد دا فى الحقيقه
انا ممكن اشوف الفوجتسو الاول و ربنا يستر
و لو فى حاجه منعتنى من شراء الفوجتسو مش هيبقى قدامى غير اللينوفو z570
و لو ليك اقتراح تانى الحقنى بيه عشان انا شكلى مش هعرف انام الليله كويس
يا ريتى ما غلطت و فكرت اشترى لاب فى حياتى :ah8:
أفضل حاجة قصادك اللينوفو زد 570 أو الفوجيستو لو مش كنت عاوز اللاب بكرت شاشة والإثنين مش حيزيدوا عن 3200 جنيه وخاماتهم كويسة خامات اللينوفو أفضل من خامات الفوجيستو
يعنى حضرتك متفق مع الاخ Temo فى انى أبعد عن التوشيبا فى الجيل دا؟؟
و معلش ازاى اللينوفو افضل من الفوجتسو ، made in germany اللى ملزوقة على الجهاز دى مفتكسه ولا ايه ؟؟
و تسلم على الرد
بص ياباشا لو كان مصنوع في أمريكا حتى هو متقفل في ألمانيا واللاب من الفئة الإقتصادية وخامات الفو جيستو حلوة بس أفضل خامات في الفئة الإقتصادية هي خامات اللينوفو تتبعها خامات السوني يتبعها خامات الديل الجديد 5520 يتبعها خامات السامسونج يتبعها خامات الإيسر والإتش بي جي 6 والتوشيبا
شكراً اخى خالد على ردك
انا فى الحقيقة كان عاجبنى الاصدار دا من اللينوفو
https://egyptlaptop.com/lenovo-z580g.html
فا أيه الرأى ؟؟؟
اللاب ممتاز وخاصةً إنه من الجيل الثالث والمراجعات الأجنبية تشكر فيه بس اعمل حسابك إن الكرت إنتل داخلي هو قوي نوعاً ما بالنسبة لإنتل يعني يقدر يشغلك البيس والفيفا على الهاي بس برضه مش حيفيدك في ألعاب تانية كتير هو أقوى من الجيل السابق بأكثر من ستين بالمائة
بنفس السعر فيه لينوفو الجيل الثاني وبكرت شاشة 540 ولازم يكون 540 أو 630 وده حيكون أفضل ليك وبرضه الفوجيستو ده حلو بس اللينوفو أعلى
https://www.eg@prices.com/product.php?id=12729
المفضلات