ما هو نظام التشغيل الذى تريد تحميله ؟
السلام عليكم ورحمة الله وبركاتة
Agility3_main.jpg
اخوانى مشكلة رخمة جدا ً اشتريت هارد OCZ Agility 3 60GB SATA III SSD
شغلتة على نسخة اللى شغال عليها الهارد العادى اتعرف وكله تمام وظهر البارتشن بتاعه فى النسخة تمام مافيش مشاكل ..
قولت كدة تمام نعمل نسخة على الهارد ال SSD .. جاى بسطب النسخة مالقتش الهارد موجود فى تسطيب النسخة
يوم فى التانى بحاول مافيش فايدة .. رجعت عملت نسخة بالهارد القديم بتاعى العادى مش ال ssd
النسخة اتعملت تمام وبرضه الاقى بارتشن الهارد ال ssd موجود ومتعرف ع النسخة ...
يعنى مش عارف اعمل نسخة على الهارد ال ssd ... ياريت من الاخوة الأفاضل الحل واكون شاكر افضالكم
ما هو نظام التشغيل الذى تريد تحميله ؟
ويندوز 8 انتربرايز 64 بت
أدخل على أعدادات البيوس وغير وضع الساتا (Sata Mode) إلى AHCI وسيختلف المسمى بأختلاف اللوحة الرئيسية.
(Sata Mode) الوضع متغير فعلاً يااستاذى الى AHCI Mode
إذا كانت المازربورد بنظام UEFI فستستطيع قراءة الهارد إذا كان مهيئ بنظام MBR أو GPT الأحدث لكن إذا الهارد مهيئ بنظام GPT والمازربورد لا تدعمه فلن تستطيع التعامل معه
فإذا كنت تريد تهيئة الهارد بنظام MBR المدعم من معظم اللوحات الرئيسية بعد الدخول على أول شاشة فى خطوات تنصيب الويندوز أضغط على Shift + f10 لفتح نافذة ال Command Prompt
وبعد ذلك أتبع هذه الخطوات بالترتيب :
1- أكتب Diskpart ثم Enter لفتح أداة تهيئة الهارد
2- أكتب List Disk ثم Enter لأختيار الهارد المطلوب تهيئته
3- أكتب Select Disk ثم مسافة وأكتب الرقم الخاص بالهارد ال SSD فى القائمة لأختياره
4- أكتب Clean ثم Enter لمسح الهارد
5- أكتب Convert MBR ثم Enter لتهيئته لنظام MBR
6- أكتب Exit ثم Enter للخروج من نافذة ال CMD
وفى حالة الرغبة فى تهيئة الهارد بنظام GPT ليعمل بشكل أفضل على لوحات UEFI قم بكتابة Convert GPT فى الخطوة رقم 5 بدلاً من Convert MBR
ثم يمكنك تقسيم الهارد لاحقاً فى خطوات تنصيب الويندوز.
التعديل الأخير تم بواسطة Ahmed.Elsayed ; 02-09-2012 الساعة 19:48
انا مش عارف اقولك ايه والله ..
تسلم تسلم تسلم من هنا للسنة الجاية ..
الف شكر يااستاذ احمد على تعبك دا ...
كلو بقى تمام الحمدلله والفضل يرجعلك ....
الفضل يرجع إلى الله سبحانه وتعالى الذى هدانى إلى الحل
لكن قبل غلق الموضوع هل قمت بتهيئة الهارد بنظام MBR أم GPT ؟ وما هو موديل المازربورد التى تستخدمها ؟
ونعمة بالله .. قمت بتهيئة بنظامGPT ..موديل البوردة ASUSP8Z68-V PRO .. والف شكر مرة تانية أستاذى الفاضل ..
التعديل الأخير تم بواسطة amen elking ; 03-09-2012 الساعة 20:45
الهارد سيعمل بشكل أفضل بنظام GPT على هذه البوردة - مبروك عليك الهارد الجديد ومبروك عليك حل مشكلتك
المفضلات