xperia sola وكل السمارت فوت بطاريتهم ضعيفه تقريبا عادى ده مش عيب فيه اوى وسعره كويس
السلام عليكم و رحمة الله و بركاته
دي أول مرة أشتري فيها smartphone و قررت أجيبه تاتش و بنظام أندرويد
و دورت علي الموجود في حدود الميزانية بتاعتي ( 2000 - 2400 ) استقريت علي النوعين دول
لكن للأسف مش عارف أقرر لأن الموبايلين لسة جداد و لسة مظهرتش كل عيوبهم و الريفيوهات الأجنبية توهتني أكتر
و قريت كذا موضوع هنا في المنتدي بس برضه مرسيتش علي قرار
الجالاكسي ميزته الشاشة الكبيرة 4 انش لكن بيقولوا الريزليوشن قليل بيخلي الكلام مش واضح و قريت ان في مشاكل في التقاط wifi و مفيش زووم في الكاميرا
الأكسبريا قريت أنه ضعيف و جسمه بيقشر بسرعة و الكاميرا بتاعته ضعيفة و الشاشة 3.7 انش لكن أصغر من نفس المقاس في موديلات تانية و البطارية بتخلص بسرعة
أنا اللي يهمني أن الموبايل يكون سريع و مريح في الأستخدام و القراءة من عليه
الألعاب مش مهم أوي يعني مجرد الألعاب البسيطة زي angry birds مش ألعاب تقيلة
فكرت اجيب s2 مستعمل لكن للأسف انا مليش فيه ومش ضامن المستعمل
مستني نصائحكم
xperia sola وكل السمارت فوت بطاريتهم ضعيفه تقريبا عادى ده مش عيب فيه اوى وسعره كويس
شكرا علي الرد بس أنت ليه اخترت السولا عن الأدفانس ؟
علشان دقه الشاشه فى السامسونج 480*800 وعلى شاشه 4 بوصه وده قليل شويه وبجد انا شايف اهم حاجه فى الشاشه الدقه بتفرق كتير اما السولا 480* 854 وعلى شاشه 3.7 بوصه وفى برافيا انجن وهيتحدث للايس كريم سندوتش وكمان الساسمسونج اغلى 350 جنيه تقريبا وفر هم احسن
تمام جدا شكرا ليك و منتظر باقي الأراء
نفس الوضع مش عارف أقرر زيك ، أكبر عيب أنا شيفه في السوني عدم وجود كاميرا أمامية و السامسنج دعمه سيئ على حسب كلام الناس ، فيه موبايلات جديدة هتنزل في نفس الرنج xperia neo l , samsung galaxy ace 2
لا مجال للمنافسة بين galaxy s advance و sony Xperia sola
سوني افضل سوني افضل سوني افضل
وقريبا ستكون موبايلات سوني هي الاولى في العالم بعائلة Xperia الرائعة
أنا شخصياً معايا سامسونج جالاكسي S2 .
لكني هرشحلك السوني Xperia Sola للأسباب التالية :
1 - صوته أنقي وأعلي وأفضل مع خاصية ال X-Loud من سوني .
2 - شكله أشيك كتير .
3 - هيتحدث قريباً جداً ممكن خلال شهر لتحديث الأندرويد 4 ( الأيس كريم ساندويتش ) .
4 - بنسبة 99% حتي الأن هيتم تحديثه لأندرويد 4.1 ( الجيلي بيين ) .
5 - وزنه أخف .
6 - وجود خاصيتي ال NFC وال Floating Touch وغيابهم عن السامسونج أدفانس .
7 - أرخص ب 300 جنية .
بالنسبة للشاشة أنا شايف ان في تعادل بينهم , الرزليوشن واحد , علي شاشة السوني ال 3.7 هيكون الوضع أفضل قليلاً بالنسبة للتيكست والألوان , لكن مننساش ان شاشة السامسونج سوبر أموليد ودي كفيلة تاعدل الكفّة بسهولة .
تفوق السامسونج في زيادة رامات الجهاز قليلاً ووجود الكاميرا الأمامية فقط , رأيي الشخصي مش السببين دول اللي هيخلوني أشتري الجهاز وأضحي بكل الأسباب اللي ذكرتها .
متنساش يا دكتور ان S2 هينزلة ال JELLY BEAN :D
وان ذاكرتة الداخلية كبيرة 32 او 16 جيجا و ان اغلب التطبيقات و الالعاب تحتاج الذاكرة الداخلية و ليس الخارجية حتي تعمل بكفاءة غير ان السولا ذاكرتة الداخلية 5 جيجا فقط.
و ان اسولا بة معالج ثنائي النواه و نواه واحدة للمعالج الرسومي اما الs2 بة معالج ثنائي و نواتان من نفس المعالج الرسومي للسولا.
التعديل الأخير تم بواسطة budiosx ; 02-09-2012 الساعة 21:42
المُقارنة اللي أنا قارنتها بمُشاركتي السابقة دي بتوضح الفرق بين السوني Sola والسامسونج جالاكسي Advance .
أنا مجبتش سيرة الجالاكسي S2 خالص :D . انا بس بقول لصاحب الموضوع أني شخصياً معايا سامسونج , عشان محدش يقول أني مُتحيز لسوني :D
لكن أكيد الجالاكسي S2 أفضل من الجهازين لو صاحب الموضوع يحب يجيبه يكون أفضل .
انتظر اسبوعين حتي يأتي DESIRE X الاسواق اظن انك ستغير رايك كما غيرت انا رأيي انه هاتف من نفس هذه الفئة المتوسطة
:D اعتذر عن عدم الفهم.
اختلف معك بخصوص السولا لاني بصراحة اري ان سامسونج هي اقوي مصنع هواتف للاندرويد و انا من المحيزين لها :ah4:.
فانا عندما امتلكت هاتف سوني اكسبريا ميني و اكس 10 كانا اسوء هاتفين من ناحية البطارية و لي صديق يمتلك الاكسبريا اس و يعاني من نفس المشكلة.
حتخليني أندم ليه بس :eek::D اعتذر عن عدم الفهم.
اختلف معك بخصوص السولا لاني بصراحة اري ان سامسونج هي اقوي مصنع هواتف للاندرويد و انا من المحيزين لها :ah4:.
فانا عندما امتلكت هاتف سوني اكسبريا ميني و اكس 10 كانا اسوء هاتفين من ناحية البطارية و لي صديق يمتلك الاكسبريا اس و يعاني من نفس المشكلة.
أنا اشتريت السولا انهاردة و كأنطباع اول كويس
كان نفسي استني شوية لما موديلات جديدة تنزل زي ما قال alexandro بس أنا مستني بقالي بقالي شهرين :D و جبت أخري
المهم انا جبته ب 2000 جنيه بالظبط من الغزاوي ( الزقازيق) بضمان رزق الله بس في حاجة غريبة الجهاز مكنش معاه الميموري كارد !! و الراجل قاللي عادي ممكن تحصل !! و تعالي بكرة خد واحد مكانه
متشكر جدا لكل اللي ساعدني و انتظروا ريفيو قريب ان شاء الله بس أفهمله الأول :D
التعديل الأخير تم بواسطة Dr.a7med ; 03-09-2012 الساعة 00:27
المفضلات