مراجعة : تجربتي مع الهاتف الذكي sony xperia sola

[Dr.a7med]

السلام عليكم و رحمة الله و بركاته
*************************





هذه مراجعة سريعة للهاتف المحمول xperia sola أتمني أن تنتفعوا بها و أن يستفيد بها من يفكر في أقتناء الجهاز
في البداية اشتريت الهاتف من مدينتي الزقازيق من شركة الغزاوي بمبلغ 2000 جنيه بضمان الوكيل رزق الله

محتويات العلبة : الهاتف ذو لون أسود – كابل usb- الشاحن – 2 smart tags - الكتالوجات - adaptor for micro sim

https://www.fildonia.com/wp-content/...eria-sola5.jpg

نأتي ألي المواصفات التقنية
https://www.gsmarena.com/sony_xperia_sola-4408.php
الهاتف يأتي بنظام أندرويد خبز الزنجبيل و سوف يتم ترقيته الي ics قريبا

نبدأ بشكل و تصميم الهاتف : الحقيقة أن شكل الهاتف راقي و لكن كنت أتمني أن تكون الحواف دائرية و لكن لا باس فهو شكل جمالي يختلف من شخص لأخر
حجم الهاتف مناسب جدا للحمل في يد واحدة بدون تعب د ويذكر و تستطيع التعامل معه بياحدة بدون مشاكل كما أن سمكه رفيع ولا تشعر أنه يسبب أي مشكلة
مكان زرخفض و رفع الصوت غير مناسب في رأيي حيث أن مكانه بالقرب من أسفل الجهاز و ليس أعلي او حتي في المنتصف أما باقي الزرار فمكانها مناسب ( الباور - الكاميرا)



الغطاء الخلفي للهاتف من مادة لا تظهر البصمات مشابهة للمطاط أو الكاوتش ( لا أدري ما أسمها بالضبط) كما أنه سهل الأنفتاح ربما أسهل من اللازم !!



الأداء العام للجهاز : الجهاز يمتاز بالسرعة العالية و الفضل يرجع للبروسيسور القوي dual core و لم الاحظ تعليق او تهنيج في أي وقت
( ملحوظة : لم يتسني لي تجربة ألعاب قوية علي الجهاز حتي الأن )

البطارية : و هي من النقط السلبية في الجهاز لكن أيضا علي حسب أستخدامك لو استخدام خفيف الي متوسط ستصمد يوم و عدة ساعات بدون شحن اما لو الأستخدام كثير ( انترنت - فيدوهات - تصوير ) فلن تصمد
و اعتقد انه كان من الأفضل أن تكون سعة البطارية أكبر من هذا خصوصا أنها non removable

ننتقل ألي الشاشة : تقدم الشاشة نقاء ممتاز للغاية و الكلمات واضحة ولا تسبب مشاكل كما أن زوايا الرؤية جيدة للغاية و لكن الشاشة تبدو غير واضحة قليلا عند امالتها أكثر من اللازم
( الأستخدام الشخصي لن يظهر هذا )

حجم الشاشة مناسب للأستخدام العادي في التصفح و الألعاب و الفيديوهات و لكن أذا كنت ستستخدم الهاتف أساسا في التصفح و الألعاب و مشاهدة الأفلام فأبحث عن هاتف بشاشة اكبر
التاتش في الهاتف حساس جدا و سريع في الأستجابة و لم أعاني مشكلة معه
الرؤية في الظل ممتازة حتي مع تقليل brightness اما في الشمس فلا تستطيع الرؤية إلا مع full brightness

الصوت : متوسط الأرتفاع و لكنه واضح و نقي و مع خاصية ال xloud فهي تزيد من ارتفاع الصوت الخارجي مع الحفاظ علي النقاء
اما عن الصوت في الهيدفون فهو ممتاز و نقي للغاية
كما أن مشغل الموسيقي في الهاتف جيد جدا و به خاصية equilzer و خاصية headphone surround لتقديم تأثيرات في الهيدفون
الصوت في المكاالمات منخفض بعض الشيء لذلك ربما تعاني قليلا في الأماكن المزدحمة و لكن في الأماكن الهادئة مسموع بوضوع

ننتقل ألي الكاميرا و الحقيقة انها من النقاط المحبطة قليلا في الهاتف حيث أنها بدقة 5 ميجا بيكسل و ليست تلك المشكلة المشكلة في أن الصور عند التقاطها في الأماكن ذات الأضاءة الجيدة تظهر صورا مقبولة جدا و لكن في الليل او الضوء القليل تظهر صورا بها الكثير من noise كما أن زرار الكاميرا صعب التعامل معه و يحتاج الي الضغط بقوة مما يؤدي في كثير من الأحيان الي اهتزاز الصورة !:mad:
و لكن بالمقابل تستطيع التقليل من تلك السلبيات فيمكن تعديل ال iso بتقليل قيمته فيقلل من noise و زرار الكاميرا ليس له داعي مع وجود زرار التقاط الصور علي الشاشة و هو سهل الأستخدام عن زر الكاميرا الجانبي كما ان برنامج الكاميرا به عدد لا بأس به من الأختيارات و اوضاع التصوير scenes و smile detection و غيرها
تصوير الفيديو جيد جدا و ليس به مشاكل و هو يدعم التصوير بصيغة 720p
لا يوجد كاميرا امامية لكن بالنسبة لي ليست مشكلة لأني لا استخدمها
الخلاصة أن الكاميرا مناسبة للأستخدام العادي و ليست لمن يبحث عن كاميرا قوية أو من هواة التصوير

بالنسبة للأنترنت فالهاتف يحتوي علي browser جيد جدا و لم أعاني مشكلة ربما تعليق لحظي عند تحميل صفحات ثقيلة بالصور و الفلاش
والتقاط الوايرليس جيد جدا و سريع في البحث عن الشبكات و التقاطها

أما عن الخصاصص الجديدة و التي يتميز يها الجهاز
فاولها خاصية floating touch فهي بصراحة ليس لها قيمة حاليا ربما في المستقبل يستطيعوا الأستفادة منها
و ثانيها smart tags &nfc و هي تعتمد علي الشخص ربما تكون مفيدة للبعض و غير مهمة للبعض الأخر

************************************************** ************************************************
كلمة أخيرة : قدمت لنا سوني هاتف صغير الحجم ذو مميزات قوية و سعر جيد لأصحاب الميزانيات المتوسطة
أذا كنت تبحث عن هاتف صغير و عملي تستخدمه الأستخدام اليومي العادي فالهاتف مرشح لك و بقوة
اما أذا كنت ستستخدم الهاتف استخدام رئيسي في التصفح و مشاهدة الفيديوهات أو كنت من مدمني الألعاب أو من هواة التصوير فأبحث أولا عن هاتف أخر ذو شاشة أكبر - بطارية أقوي -كاميرا أعلي و الأختيار الأخير لك
أخيرا أتمني أني أكون غطيت معظم جوانب الجهاز و جاوبت علي بعض التساؤلات لمن يريد أقتناء هذا الهاتف
و أي استفسار انا في الخدمة

[karem_love]

مبرووووووووووووووووووووك مراجعه ممتازه ولكن كان ينقصها صور حقيقية وتتهنى بيه ان شاء الله وتم التقيم :ah7:

[Dr.a7med]

كنت عايز أحط صور حقيقية بس الكاميرا فيها مشكلة حاليا لما تتصلح حصور كام صورة كده و أضيفها للموضوع ان شاء الله

[H@rryPotter]

اولا طلعت بصرة انا من الزقازيق كمان
ثانيا مبروك الجهاز :ah7: فعلا الشكل بتاعة والتصميم عجبنى جدا كفاية شكلة شاددنى لوحدة بس مش ينفع معايا الاس 2 :rolleyes:

[budiosx]

مبروك ليك وتم التقييم :ah4:

[wanderer32]

مبروك عليك الجهاز ,,انا بفكر اشتريه
هو اخبار الGPS معاك ايه ؟؟؟؟؟

[Dr.a7med]

مبروك عليك الجهاز ,,انا بفكر اشتريه
هو اخبار الGPS معاك ايه ؟؟؟؟؟

تصدق أول مرة أجرب ال gps لما سألت السؤال ده :D
المهم أنا شغلته جوة البيت ( الدور الأول من عمارة 5 ادوار) ملقطش حاجة أتخضيت طلعت برة البلكونة لقط ضعيف
قولت مبدهاش بأة طلعت فوق السطح لقط في أقل من 10 ثواني :D

مش عارف كده كويس ولا في مشكلة ؟؟

[Dr.a7med]

دلوقتي انا حاسس ان في مشكلة و هو ان الجي بي اسس مش لاقط غي. ر من مكان عالي مفتوح زي السطح حتي في الشارع مش لاقط غير اقمار بدون ما يعمل fixعليها هفي حل للموضوع ده ولا دي مشكلة هازدوير

[Dr.Just]

ألف مبروك على الجهاز.

[wanderer32]

دلوقتي انا حاسس ان في مشكلة و هو ان الجي بي اسس مش لاقط غي. ر من مكان عالي مفتوح زي السطح حتي في الشارع مش لاقط غير اقمار بدون ما يعمل fixعليها هفي حل للموضوع ده ولا دي مشكلة هازدوير

ممكن تجربة فى مناطق مختلفة
اعتقد مدام الجهاز لقط معاك يبقى الهاردوير سليم

[wanderer32]

عملت ايه ياريس ,,المشكلة اتحلت ولا لسه

[Dr.a7med]

هو تقريبا مفيش مشكلة سألت أكتر من واحد صاحبي قالوا دا العادي

غير أنه دايما بيحتاج نت عشان يشتغل

هو لما بكون في مكان مفتوح زي السطح بيلقط بسرعة من غير مشاكل حتي من غير نت

[mnmisr10]

مراجعة كويسة وانا كنت ناوى اشترية بس انا يهمنى التصفح والتصوير ف اية رايك فى موبيل سونى اريكسون neo v ? ولا الكاميرة فى الاتنين نفس المستوى وتصفح النت دة الاهم عندى

[Dr.a7med]

بالنسبة للتصفح فهو تقدر تقول ممتاز سريع و مش بيهنج و الرؤية واضحة و مش قابلت مشكلة معاه حتي الأن
أما الكاميرا فبعد استخدامها لحد دلوقتي فهي لا ممتازة ولا وحشة . بتصور صور كويسة جدا بالنهار لكن في الأماكن قليلة الأضاءة مش قد كده
تصوير الفيديو فيه حاجة غريبة و هو ان ساعات autofocus بيتغير لوحدة فتلاقي زي نغمشة في الصورة كل شوية
لو مهتم بالتصوير و من هواته فأنا شايف أن الموبايل دا مش حيساعدك
و للأسف معرفش مستواها عامل ازاي بالنسبة لل neo v ممكن لو حد من الأعضاء عنده الموبايل يقدر يساعدك
لكن عموما فال neo v موبايل كويس كنت ناوي اشتريه بس فضلت أجيب موبايل dual core عشان عندي عقدة من السرعة في الموبايل اللي كان عندي قبل كده :D

[ey@d-i7]

مراجعة جميلة جداً ومستوفية كل النقاط ... مبروك عليك الجهاز و الحقيقة أني معجب به و ربما سأشتريه ومراجعتك أفادتني جداً