مشكلة في DVD سامسونج

**Haythamovic** · 08-09-2012, 23:02

السلام عليكم انا عندي مشكلة في ال DVD بتاعي الباب بتاعه مبيرداش يفتح الا بعد الضغط علي زرار الفتح اكتر من مرة فاعايز اعرف احل المشكلة ديه ازاي وساعات لما باجي انسخ اسطوانات ببرنامج powerISO بيديني Error بعد بداية النسخ انه مش راضي ينسخ علي الاسطوانة وبتضطر اني ادوس Retery اكتر من مرة فعايز اعرف المشكلة ديه من ال DVD ولا من ايه

**Haythamovic** · 10-09-2012, 02:10

معقولة مفيش رد :eek:

**Haythamovic** · 11-09-2012, 05:15

يا جماعة مش معقول كده :mad:

**Ahmed.Elsayed** · 11-09-2012, 20:06

السير الخاص بفتح الباب أصبح واسع قليلاً عن مكانه لهذا عندما تضغط على زر الباب لا يفتح بسهولة

وعند نسخ الأسطوانات قم بالنسخ بسرعة نسخ قليلة وسيأخذ معك النسخ وقت أطول قليلاً لكنه أضمن من النسخ بسرعات عالية وقم بغلق أى برامج مفتوحة على سطح المكتب أو بجانب الساعة حتى لا تأثر على عملية النسخ.

**Haythamovic** · 12-09-2012, 01:34

السير الخاص بفتح الباب أصبح واسع قليلاً عن مكانه لهذا عندما تضغط على زر الباب لا يفتح بسهولة
وعند نسخ الأسطوانات قم بالنسخ بسرعة نسخ قليلة وسيأخذ معك النسخ وقت أطول قليلاً لكنه أضمن من النسخ بسرعات عالية وقم بغلق أى برامج مفتوحة على سطح المكتب أو بجانب الساعة حتى لا تأثر على عملية النسخ.

الف شكر علي الرد طب فيه طريقة ممكن اخليه يبقي فتحه عادي اصلي فكيته النهاردة ونضفت العدسة ومكنتش عارف حل المشكلة ديه ايه للاسف انا بوظت حوالي 10 اسطوانات بسبب انه بيقف وهو بينسخ وانا كنت مستخدم برنامج Power ISO ومكنتش عارف اجيب سرعة النسخ اقل من 16X فنزلت برنامج Ashampoo Burning studio 6 free واخترت سرعة 4x وبنسخ في اسطوانة دلوقتي ربنا يستر وتتنسخ صح

**Haythamovic** · 12-09-2012, 01:52

دلوقتي انا هتجنن انا نسخت الاسطوانة ببرنامج AShampoo علي سرعة 4x وجيت اعمل verfication علشان اتأكد ان الاسطوانة اتنسخت صح ولا لا طلعتلي المشكلة ديه

**Haythamovic** · 12-09-2012, 01:54

مش عارف اعمل ايه هتجنن

**Ahmed.Elsayed** · 12-09-2012, 17:57

حضرتك جرب ماركة أسطوانات اللى أنت بتستخدمها لأنها ممكن ما تكونش متوافقة مع الرايتر أو جرب حدث ال firmware الخاص بالرايتر.

**Haythamovic** · 18-09-2012, 15:18

حضرتك جرب ماركة أسطوانات اللى أنت بتستخدمها لأنها ممكن ما تكونش متوافقة مع الرايتر أو جرب حدث ال firmware الخاص بالرايتر

هي الاسطوانات نوعها Princo تايواني slim انا جبت 60 اسطوانة منها شوية اسطوانات تتنسخ وشوية اسطوانات تبوظ بس انا اعتقد ان المشكلة من الاسطوانات ذات نفسها لاني جبت اسطوانة Giga Max هندي بس نسخت بسرعة زي الفل وحدثت ال Firmware هل في فرق بين DVD + و DVD - ؟؟؟

**Ahmed.Elsayed** · 18-09-2012, 16:27

مفيش فرق بينهم لكن لو لمستهم فى بعض ممكن يعملوا قفلة :D

**Haythamovic** · 22-09-2012, 07:28

ههههههههههههه ماشي يعني كده 100% الاسطوانات بايظة

**وحيد1** · 22-09-2012, 11:02

على حسب تجربتى ارداء انواع الريتر هو السامسونج باظ عندى 3 منهم
ابتداء بعدم فتح الباب ببطء فى النسخ لغايه مباقش يقراء اسطوانات الدى فى دى
الحل اشترى اى نوع تانى انا حاليا معاى سونى ماشاء الله كويس