الشعب يريد انترنت عادل فى مصر ( استرجل واطلب حقك )

[mohammed_kamal]

هذه المره متوسط السرعه لدى مزودين الخدمه او شركات الانترنت وتصنفيها من الاعلى لاسفل

سريع الى ابطا والصوره طبعا مش محتاجه كلام

[mohammed_kamal]

دا مثال لخط 2 ميجا فى مصر لشركه تى داتا الحراميه فى السرعه

هتقولى ليه

اقولكم

السرعه وصله 1740

المفروض تبقى 2048 وهى 1740 - 2048 = 308 /8=38 او 40 كيلو تقريبا ضايعين ولاد الحراميه دا اشتراك تانى لواحده

1740 /8 =217

للناس الى عندها خطوط 2 ميجا

لو معدل الدون لود معاك 217 يبقى انت مسروق

طبعا مش مقتنع

2048 /8 = 250 كيلو

250-217=حوالى 33 كيلو يعنى اشتراك خط 256

معاكم لاخر ... دلوقتى دا الوضع عند اغلب الناس محدش وصله السرعه

لكن لو كنا شوفنا حد وصله السرعه كامله يبقى المشكله عندنا

بس فى الحقيقه المشكله من الشركه فى جميع الاحوال لعدم وصول السرعه كامله

ولكن لماذا الدون لود ناقص عند جميع المشتركين والاغراب الاتى

المفترض ان سرعه الابلود فى ال 2 ميجا 512
لكن الحقيقه غير كدا برده فى الابلود

ايعقل هذا الكلام

بل ما يحير اكتر ان شركه تى داتا لو دخلت الى الصفحه الاسعار لن تجد شئيا عن سرعه الرفع

كل ما ستجد الدون لود والسعر

---------------------

راى من احد الاشخاص ان السرعات لدينا الناقصه تلك تسرق لتجميع من عده مشتركين عدد من الكيلو لاضافه مشترك جديد من سعتك انت اصلا





ايضا سرعه 4 ميجا
المفترض انها 4096
ولكن 3950

حوالى 150 ضائع بمتوسط 20 كيلو

والابلود 860 والمفترض انه 1024

يبقى بحسبه بسيطه ضايع منك 164
بمتوسط 20 كيلو ايضا

دا حسبه بس للناس انها مسروقه عشان يبقوا مدركين وميضحكش عليهم

[ayoub_bob]

شوف اخى العزيز
هذة السرعة من قبل كانت النصف رغم انى مشترك 4m
بس مع شوية هبل وخناقة معهم تم رفع السرعة
المهم
لايوجد فى مصر شركة نت محترمة كلهم حرامية ونصابين
بس ما بيد حيلة هو دة المتواجد لدينا
على فكرة كان فى قضية فى أنجلترا لما العملاء لشركة نت أكتشفو انهم بيدفعو اشتراك فى سرعة اقل من المتعاقد عليها
خربو بيت الشركة
والمحكمة اجبرتهم على التعويض للمشتركين
هههههههههههههههههه
انما فى مصر ممكن لو رفعت قضية الان ادخل انا فيها السجن لانك بتشوة سمعة الشركة
قولى هو فى اية فى مصر مش مسروق
تحياتى ياغالى

[SemsemBanhawy]

لو قعدنا نتناقش هنوصل الي الصفحة 100 من غير أي تغيير

[mohammed_kamal]

صح ياسم سم

بس قوللتك احنا المره دى بنتعامل بفكر جديد

بنفهم الناس الى عارف والى مش عارف ونبين الحقيقه واديك شايف مع الايام خبر ان مصر خدت المركز الاخير فى النت عامل قلق

احنا فى مرحله الحشد ياسم سم

[AhmedSeif]

إن شاء الله التغيير قادم
والله حاجة تحزن تصنيف مصر الأخير ديه سوريا (اللهم انصر شعبها ) الى بتمر بظروف حرب صعبة جدا تصنيفها أعلى من مصر
ده إن دل فإنما يدل على سوء الادارة والاهمال والناس المسؤوليين والله مابيحبوا البلد ديه ولا بيخافوا عليها
لأن الانترنت وخدماتة ده يعتبر فتح باب للاستثمارات كبيرة شوفوا مدى الخسائر الى حصلت للشركات أيام الثورة من يوم 28 لحد يوم 6 فبراير
طبعا مش قصدى شركات النت الى كانت متعاونة فى قطع النت ولكن اقصد كل الشركات الاخرى
ماهو لو معندكش انترنت او ضعيف فى بلدك يبقى مفيش استثمارات هتدخل
يارب البهايم الى قاعدين على ماكاتب وكروشهم 2 متر لقدام وخدودهم نازله ع كتافهم يفهموا
ربنا ينتقم منهم

[AhmedSeif]

عاااااااااااااااااااااااااااااااااااااااجل
عقيل بشير تقدم بإستقالته من رئاسة المصرية للإتصالات
خبر من المصرى اليوم فى شريط الاخبار السريعة
الخبر كامل
https://www.almasryalyoum.com/node/1135776
اقرأوا كما الخبر ده
https://www.almasryalyoum.com/node/1135496

[mohammed_kamal]

الله ينور يا احمد




الخبر اهو برده تاكيدا ... ودا تاكيدا للى قولنه من كام يوم عن الفساد ومرتب عقيل بشير

[mohammed_kamal]

عاااااااااااااااااااااااااااااااااااااااجل
عقيل بشير تقدم بإستقالته من رئاسة المصرية للإتصالات
خبر من المصرى اليوم فى شريط الاخبار السريعة
https://www.almasryalyoum.com/
اقرأوا كما الخبر ده
https://www.almasryalyoum.com/node/1135496

وأوضح التقرير الصادر عن المنظمة الأمريكية، الأحد، عن حرية الإنترنت في العالم، أن الهواتف المحمولة، والإنترنت، ووسائل الإعلام الاجتماعية في مصر، ظلت تحت المراقبة النشطة، وكانت سرعات النطاق الترددي للإنترنت بطيئة خلال تغطية أحداث معينة، كما أن أتباع المجلس العسكري يتلاعبون بالمناقشات المفتوحة على منتديات النقاش على الإنترنت، حسب التقرير.

طب دا كلام

[james_fuster]

فضايح المجلس العسكرى بتظهر واحدة واحدة
بس عقيل استقال لييه مش يستنى اما ياخد التكريم على الترتيب اللى وصلنا ليه
بس الناس دى والله المفروض يتقدموا للتحقيق بسبب
الخسائر اللى الشركة وصلت ليها وسوء الخدمة اللى بتوصل للمواطن

[golden boy 99]

أنا قلت اخش اتمم رقم 100 للمشاركة :ah8::ah8:+ 100% الموضوع فاشل مع احترامى للجميع فرضنا ونزلنا اتفرج على الناس هاتقول ايه: ناس مش لاقية تاكل ودول نازلين للنت انا اكتر واحد عانيت من النت والله السرعة عندى 4 ميجا وبيكلو حق السرعة والتصفح زفت الحل الوحيد يبقى مفيش احتكار لشركة بعينها

[AhmedSeif]

أنا قلت اخش اتمم رقم 100 للمشاركة :ah8::ah8:+ 100% الموضوع فاشل مع احترامى للجميع فرضنا ونزلنا اتفرج على الناس هاتقول ايه: ناس مش لاقية تاكل ودول نازلين للنت انا اكتر واحد عانيت من النت والله السرعة عندى 4 ميجا وبيكلو حق السرعة والتصفح زفت الحل الوحيد يبقى مفيش احتكار لشركة بعينها

ياباشا لو رجعت للمشاركة قبل الاخير فى الصفحة 5 هتعرف قصدى اية من الناحية ديه بالذات
الموضوع مش موضوع شباب عاوز يقضيها ع النت ويبقى مرفه
ده اساسا الى المفروض الحكومة تهتم بيه جدا لأن زى ماقولت ماعندكش انترنت ماحدش هايجبلك استثمارات
ده غير ان الانترنت بيساعد فى الانتاج المحلى بنسبة
انا تاجر على قدى وبتعامل مع شركة ومن فترة 3 سنين كلمونى وقالولى بالحرف
احنا هنلغى خدمة العملاء بالتليفون تدريجيا والطلبيات كلها هتبقى عن طريق النت وان الشغل بعد فترة هيبقى بنسبة 100% ع النت
وحصلى ضرر كبير بسبب وقتها كانت السرعات قليلة وغالية وكان ع وشك انفصل عن الشركة قيس على كده تعاملات الشركات الكبيرة
عاوز أقول ان الجاهل هوا الى يقول عن النت انه ملهوش لازمة او للترفيه بس طيب ماهو هاينفع ولادنا واخواتنا فى المدارس والكليات والدراسة عامة
والبحث العلمى وووو..........................
والمفروض يطبق عندنا من بدرى التعليم عن بعد ده يعتبر لوحده طفرة بس لو اتحققت
وبعدين واية يعنى لما الحكومة او الدولة تدلع المواطن وتقدمله رفاهيات هى بالاساس مهمه ولاغنى عنها لاهو حرام ولا عيب
انما الحرام والعيب انهم يضحكوا علينا ويقدمولنا اسوء خدمة فى العالم حسبى الله ونعم الوكيل
ونشوف ايران بتحاول تعمل اية عشان تحمى مؤسساتها وشعبها من الهجمات الالكترونية
وهتعمل شبكة انترنت خاصه بها

[mohammed_kamal]

أنا قلت اخش اتمم رقم 100 للمشاركة :ah8::ah8:+ 100% الموضوع فاشل مع احترامى للجميع فرضنا ونزلنا اتفرج على الناس هاتقول ايه: ناس مش لاقية تاكل ودول نازلين للنت انا اكتر واحد عانيت من النت والله السرعة عندى 4 ميجا وبيكلو حق السرعة والتصفح زفت الحل الوحيد يبقى مفيش احتكار لشركة بعينها

اول حاجه انت قولت الاتى .. انا قلت ادخل اتمم رقم 100 ومعنى دا انك مقرتش باقى الموضوع
تانى حاجه اقرا الى تحت دا


بص انا هقولك على حاجه ... مع ان شايف ان الموضوع جاب نتيجه والى على الفيس كمان جاب نتيجه اكبر
وحتى انا مينفعش اسكت عن سرقه ...حتى لو كانت فى النت .. وقريب على فكره لو معاك موبيل هتسرق برده وهتبقى بتدفع بس مش لاقى خدمه
اذا انت عايز تسكت .. اتفرج اول يوم دراسه سواقين المكروباص وسواقين المترو وموظفين الجامعه وهلم جره عملوا ايه
كل واحد يتظاهر لان دا حقه ودا مكفول بالقانون وبالدستور وكمان احنا عملين الموضوع عشان نحشد الكترونى ولو قرايت هتلاقينى حطينا ازاى نبعت للوزارت والهئيات المخصته لعل وعسى ان يجيب نتيجه والحمد لله بتاع المصريه لاتصالات اتشال بعد يوم واحد من ما مصر اخدت الترتيب الاخير عالميا .يبقى اعتقد المحاوله الكترونيا وبالسلم اولا ... واذا وجدنا لا توجد نتيجه سننزل طبعا ونتظاهر فالخطوات السهله اولا والغير مكلفه ومراعاه ايضا لشعور الى مش لاقى ياكل




الناس الى مش لاقيه اكل ... لما حضرتك تعرف الاتى

لاسم: عقيل بشير
المهنه :رئيس مجلس إدارة الشركة المصرية للاتصالات (حرامى)
المرتب:230 الف جنيه فقط لا غير فى 3 شهور


واتسائل لو الحاجات مش لو رخصت هتلاقى فلوس فائضه عشان تاكل

عزيزى
فاتوره الكهرباء لاتاتى ب 90 جنيه عندى
فاتوره الغاز لاتتعدى 9 جنيه عندى
التلفيون الارضى لايتعدى 60 جنيه فى 3 اشهر
فاتوره النت عندى كل شهر اقل حاجه 95 جنيه

اذا كان هكذا فانت لاتعلم مقدار الجهد فى العمل ...الان لانى عازب اتحمل تكلفه الانترنت وحدى اما فى المستقبل بهذا السعر بالطبع لا واذا فرض لن ادفع لان البيت سيحتاج ولن اكون فى هذه الرفاهيه التى انا الان فيها

فلابد ان يكون الانترنت فى اسعار مقبوله لمعدل الدخول فى مصر وهى كما قالتها الحكومه 800 جنيه
لايعقل ان يكون اقل اشتراك 10% من اجمالى مرتبى هذا جنوووووون

[james_fuster]

يا محمد هى مرتبات الناس دى فى الشهر ولا فى السنة ولا طول حياتهم علشان خاطرى وضح لان مفهوميتى على قدى لان الارقام كبيرة اوى وشكرا
ويعدين ازاى بتدفع اقل من 60 جنيه للتليفون دا احنا رابطين ايدينا علشان مندوسش على ارقام التليفون ونتصل وبتيجى 80 الى 90 جنيه وسعات اكتر من 100 هههههههه

[mohammed_kamal]

https://www.gn4me.com/gn4me/details.jsp?artId=4028492


https://www.arabchurch.com/forums/sh...d.php?t=193758


التلفيون عندنا يافوستر يدوب بندفع الاشتراك عشان النت لكن احنا الاساس الموبيل