انا لسة مسجل طازة و عاجبنى جدا مجهودكم و ناوى استغلكم بقى :D
اية رايكم فى اللاب دة ؟
Toshiba Satellite L850-A846
و هل فى حاجة احسن منه بس توشيبا فى رينج السعر ده؟
و سؤال تانى كارت الشاشة دة احسن ولا gforceGTX 525
شكرا مقدما و مبسوط انى معاكم:ah4:
انا لسة مسجل طازة و عاجبنى جدا مجهودكم و ناوى استغلكم بقى :D
اية رايكم فى اللاب دة ؟
Toshiba Satellite L850-A846
و هل فى حاجة احسن منه بس توشيبا فى رينج السعر ده؟
و سؤال تانى كارت الشاشة دة احسن ولا gforceGTX 525
شكرا مقدما و مبسوط انى معاكم:ah4:
في الرينج ده بالنسبة لتوشيبا حيكون إلي معاك بس الأفضل منه الديل 5520 الكور آي سيفن
أعلى منه في البروسيسور والصوت أفضل وباص الرامات أعلى وعدد منافذ اليو إس بي 3 أكتر
الفرق إنه مش معاه ويندوز وكمان حراراته مناسبة جداً
أنا لما كنت بشتري لابي الجديد مسكت التوشيبا الجديد بس الكور آي سيفن ومش عجبني خالص في الخامات بس خامات الموديل ده ممكن تكون أفضل علشان صورة الموديل مش موضحا شكل الكيبورد من قدام
كرت الشاشة أفضل بكثير من كرت 525
واية رايك فى اللاب دة؟
Dell Inspiron 7520se
ال7520 هو أفضلهم في كل حاجة حرارة وخامات وإمكانيات وصوت وكل حاجة
الآي فايف منه هو إلي موجود تقريباً علشان الآي سيفن اتشفط وحيكون عامل 5400
مه هو ده اللاب إلي اشتريته وسخونية أفضل من ممتازة مقارنة باللابات الآخرى بعد اللعب تقريباً 4 ساعات على لعبة آلين ويك كانت الحرارة ماكس 79 وده طبعاً البيك مش الحرارة الأصلية والحراراة الحقيقية كانت 74 ودي تعتبر أكثر من ممتازة
الديل الجديد سخونيته معقولة مش حنقول مش بيسحن بس سخونيته معقولة جداً يعني درجة الحراراة ماكس فيه ممكن توصل ل85 ودي درجة حرارة كويسة علماً أن أقصى درجة حرارة للجهاز هي 105 يعني أقل منه بعشرين درجة
تسلم يا باشا أفضل مكان تجيبه منه هو شركة البركة بكومبيو سيتي مول انزل عندهم الأول ولو مش لقيته عندهم شوف عند كومبيو آرت أو هاي تك ولو مش لقيته هناك حتلاقيه في شرق آسيا وهو برضه هناك أو إيجبت لابتوب في مول البستان بالتحرير
سعادة الباشا باشمهندسنا الكبير بعد التحية خطفت رجلى للبستان روحت لاجى لاب توب لقيت 7520 الكور I5عامل 5400 اية رايك؟
هو حتلاقيه برة أرخص 50 جنيه بس علشان دلوقتي مش متوافر يبقى على البركة وحلال عليهم الفلوس
المفضلات