النتائج 1 إلى 6 من 6

الموضوع: بارتيشنات الهارد اتمسحت ورجع الهارد بارتيشن واحد فاضى

  1. #1
    عضو
    تاريخ التسجيل
    Jun 2012
    المشاركات
    155
    الدولة: Egypt
    معدل تقييم المستوى
    0

    بارتيشنات الهارد اتمسحت ورجع الهارد بارتيشن واحد فاضى



    بلأمس ياجماعه كنت عامل نسخه جوست للوندوز بتاعى وندوز7 وبعدين لما رجعته ببرنامج نورتون جوست بواسطه اسطوانه الهيرن بوت رجعت النسخه زى ماكانت ببرامجها وسطح المكتب زى ماكان بالظبط لكن للأسف البرتيشنات اللى كانت عندى اتجمعت كلها فى برتيشن السى والحاجات اللى كان على الهارد كله مشيت مع البارتيشنات فياريت لو فى حد يعرف طريقه اقدر ارجع بيها البارتيشنات اللى مشيت دى والحاجات اللى كانت عليها اكون شاكر ليه اوى
    منتظر مساعدتكم بفارغ الصبر

  2. #2
    عضو
    تاريخ التسجيل
    Aug 2007
    المشاركات
    345
    الدولة: Egypt
    معدل تقييم المستوى
    11

    رد: بارتيشنات الهارد اتمسحت ورجع الهارد بارتيشن واحد فاضى

    شوف هو بامكانك ارجاع كل البرتشين وبنسبه كبيره جدا تصل 98% بس ده كان ينفع لو مكنتش كتبت على الهارد يعنى اقصد حطيت حاجه جديده على الهارد وزى محضرتك قولت انك حطيت ويندوز فتعتبر كتابه على الهارد

    عموما ححاول معاك بطريقه ويارب تنفع اول شئ اياك تحط حاجه جديده خالص لان لما انت بتحذف حاجه من الهارد هى مبتكنش اتحذفت فعلا هى مجرد اتعلم عليها فمبتظهرش قدامك لكن بتتحذف لما بتحط اى بيانات جديده على الهارد سواء فولدر او file حتى ولو ملف تكست صغير فاعمل كده سيب الهارد خالص متحطش او تشيل من عليه حاجه

    ثانيا نزل البرنامج ده


    http://www.partitionwizard.com/download/pwhe7.iso

    وديه ايزو بتننسخ عشان بتشتغل فى الدوس فانت انسخ الايزو على سيدى وبعدين اعمل ريسترت وادخل من السيدى

    حتجد الاتى فى الصوره ديه اختار اول اختيار زى مموجود فى الصوره



    وبعدين حتظهر بعديها الصوره ديه اللى بتسالك عاوز درجه رزيلوشن الشاشه اد ايه لو انت شاشتك كبيره اعملها على اكبر قيمه او اى قيمه تعبجك انما لو صغيره يبقى اختار القيمه الاصغر



    وبعدين حيتفتح قصادك البرنامج معلش الجزء ده مفيهوش صور حتختار من فوق كلمه Wizard

    حتفتح قائمه فرعيه تختار فيه اخر اختيار اللى اسمه Partition Recovery wizard

    وبعدين تدوس Next علطول فيه بعد كده سؤال حيقولك فيه اختار الهارد اللى عاوز تعمله استرجاع فلو انت عندك هارد واحد فدوس نكست علطلول لو عندك اكتر من واحد فاختر الهارد الصحيح

    بعد كده فيه اختيار حيسالك فيه يقولك Full scan or quick scan طبعا تختار Full scan هو حياخد وقت بس حيبقى احسن وخلى باللك الاختيار ده حيسالهولك مرتين فانت اختار فى الاتنين Full

    بس بعد كده Next ولما يخترلك البريتشنات وترجع علم صح عليهم ودوس Finish

    خلى باللك صحيح عشان ديه حاجه نسيتها لو البرتيشن الجديد اللى انت اتفاجات بيه ده كان واخد كل مساحه الهارد يبقى حتضطر تمسحه قبل متعمل كل الكلام ده وبالتوفيق ان شاء الله واسف لو مفيش صور
    التعديل الأخير تم بواسطة mahmoud20070 ; 12-09-2012 الساعة 14:25

  3. #3
    عضو
    تاريخ التسجيل
    Jun 2012
    المشاركات
    155
    الدولة: Egypt
    معدل تقييم المستوى
    0

    رد: بارتيشنات الهارد اتمسحت ورجع الهارد بارتيشن واحد فاضى

    لو سمحت ياغالى انا دلوقتى بقى عندى بارتيشن كامل فى مساحه الهارد كله ومساحه البارتيشنات كلها بس حضرتك قولت اخر جمله دى محتاجهه توضوح شويه
    خلى باللك صحيح عشان ديه حاجه نسيتها لو البرتيشن الجديد اللى انت اتفاجات بيه ده كان واخد كل مساحه الهارد يبقى حتضطر تمسحه قبل متعمل كل الكلام ده وبالتوفيق ان شاء الله واسف لو مفيش صور
    فعلا البارتيشن واخد كل مساحه الهارد ارجوك عرفنى امسحه ازاى الاول وانا هتابع معاك على طول ان شاء الله وعلى فكره انا منزلتش نسخه جديده ولا حاجه انا رجعت النسخه القديمه بواسطه الجوست وقبلها كان عندى نسخه سفن 64بت شغاله عادى بكل البارتيشنات كامله ومكنش فى مشاكل لكن النسخه هى اللى معجبتنيش فحبيت ارجع القديمه انا دلوقتى نزلت الايزو اللى حضرتك حطيتو ده اعمل ايه بعد كده
    التعديل الأخير تم بواسطة احمدالعطار ; 12-09-2012 الساعة 15:16

  4. #4
    عضو
    تاريخ التسجيل
    Aug 2007
    المشاركات
    345
    الدولة: Egypt
    معدل تقييم المستوى
    11

    رد: بارتيشنات الهارد اتمسحت ورجع الهارد بارتيشن واحد فاضى

    بنفس البرنامج ياريس بس

    شايف الصوره ديه انت حيبقى عندك زيها
    شايف كلمه Disk 1 اللى فوق البرتيشنات حتدوس عليها كليك يمين وبعدين تختار الاختيار التانى Delete All partitions وحيسالك على التاكيد تدوس OK

    وبعدين فوق خالص فى البرنامج حتلاقى كلمه Apply اتنشطت او ظهرت يعنى حتدوس عليه عشان يوافق على التغيرات

    وبعدين اعمل الخطوات اللى فولتلك عليها فى المشاركه السابقه

  5. #5
    عضو
    تاريخ التسجيل
    Jun 2012
    المشاركات
    155
    الدولة: Egypt
    معدل تقييم المستوى
    0

    رد: بارتيشنات الهارد اتمسحت ورجع الهارد بارتيشن واحد فاضى

    حد عندو حلول تانى ياجماعه

  6. #6
    عضو
    تاريخ التسجيل
    Jun 2012
    المشاركات
    155
    الدولة: Egypt
    معدل تقييم المستوى
    0

    رد: بارتيشنات الهارد اتمسحت ورجع الهارد بارتيشن واحد فاضى



    الحمد لله تم حل المشكله بفضل الله بعد ان ساعدنى الاستذا محمود فى حلها له منى فائق الاحترام والتقدير تم اعاده البرتيشنات المفقوده وتم اعاده تقسم الهارد من جديد

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •