الى الاستاذ خالد خطاب والاخوه الكرام

[lalafarouk]

Dell inspiron 15r 5520 core i5 OR Lenovo ideapad z580 core i5
من حيث كل شيء ايهما افضل من الاخر ولماذا مع ذكر السبب لو تكرمتم لانى مقبل على شراء احدهما بإذن الله قريباً
واين اجد لينوفو z580 المذكور حين اعتماده من حضراتكم .
سعر الديل 4200 ولم اعلم سعر اللينوفو

افيدونى بارك الله فيكم مع العلم اننى اريد الجهاز للالعاب والبرمجه وكل شيىء

[Khaled Khattab]

بالنسبة لللابين
الأشياء المشتركة
1 - نفس البروسيسور من الجيل الثالث
2 - تقريباً نفس الخامات وإن كانت الكفة لصالح اللينوفو في التقفيل

الإختلافات لصالح الديل
1 - باص الرامات 1600 وهو أفضل بكثير من باص 1333 الموجود باللينوفو
2 - كرت الشاشة الخارجي AMD 7670 أقوى بكثير من كرت الإنتل 4000 الموجود باللينوفو
3 - 4 يو إس بي 3 واللينوفو 2 بس
4 - جودة الصوت أفضل (إذا كان سماعات اللينوفو 580 زي 570 )
5 - بلوتووث 4

المقارنة كانت لتكون عادلة إذا كان نسخة اللينوفو مزودة بكرت 630 لكن للأسف لسه ما نزلش مصر
الكفة حالياً لصالح الديل وثمن الديل يتراوح ما بين 4050 إلى 4100 في شرق آسيا وإيجبت لاب توب
ملحوظة لم آتي على ذكر الحرارة لأن كرت الإنتل لا يستهلك طاقة تذكر فبذلك لا يمكن مقارنته مع الديل ذي كرت الشاشة الخارجي الذي يسحب طاقة أكبر بكثير لكن حرارة الديل في المتوسط يعني الماكس بتاعها لن يزيد عن 85

[lalafarouk]

اشكرك جزيل الشكر اخى خالد على اهتمامك وتعاونك
اذاً حضرتك ترشح لى الديل ؟
تبقى استفسار وهو انى لو هجيب الديل ان شاء الله اجيب اللى هارده 500 ولا 1000 عشان سمعت ان التيرا فى مشاكل . ومن وجهة نظرى ان ال 500 مع عدد لفات 5400 افضل من التيرا مع نفس عدد اللفات . هل هذا صحيح ام لا
وهل الديل هذا به تتش باد ولوحة مفاتيح مضيئه ام لا
اشكرك مقدماً مهندس خالد

[Khaled Khattab]

أولاً مفيش حاجة إسمها هاردات تيرا فيها مشكلة وهاردات 500 مفيهاش لأن الشركة لا تصنع الهاردات لكن تستوردها وتضعها بأجهزتها
لو عاوز مساحة تخزينية كبيرة يبقى عليك والتيرا ولو مش عاوز يبقى عليك وال500 وفرق الفلوس بينهم 200 جنيه فالأفضل لو معاك ميزانية التيرا تشتريه
أي لاب به تاتش باد لكن اللاب مفيهوش لوحة مفاتيح مضيئة
بالنسبة لعدد اللفات الهارد حيكون أبطأ في الفتح والقفل سواء كان جيجا أو ميت جيجا بس حيصدر حرارة أقل
الديل دلوقتي وبسبب غياب المنافسين في السوق يعتبر هو أفضل لاب معادلة سعر مع أداء في السوق حالياً

[lalafarouk]

شكراً مهندس خالد على الافاده
جزاك الله خيرا وارجو ان لو نزل نوع افضل او موديل اخر افضل خلال هذا الشهر ان تخطرنا به

[Khaled Khattab]

والله أنا نفسي ينزل أي حاجة جديدة علشان نقدر نقارن بدل ما الواحد إختياراته كلها تنحصر في موديل واحد

[baherbadr]

الاستاذ خالد خطاب ...... انت كتبت جملة بليغة جدا ... فى غياب المنافسين ...... ليه السوق فى مصر بقى كده ؟؟؟؟؟

[Khaled Khattab]

بسبب المستهلك المصري يا عزيزي والبائعين الذين لا يعرفون شيئاً ومقولة إلي تعرفه أحسن من إلي ما تعرفوش والتخوف ومن المنتج الجديد
ده لغاية دلوقتي فيه ناس بتقولك بوردة جيجا بايت جي 41 هي أفضل حاجة وبتستحمل وخلافه
من تجربة شخصية ليا
كنت من سنتين في شهر 8 عام 2010 نازل أشتري لاب المهم كنت مستقر على N5010 وكان ساعتها فيه منه مودلين واحد بكرت شاشة 5650 وده إلي أنا عاوزه وكرت شاشة 5470 وده إلي مش كنت عاوزه
المهم رحت أشتريه وكان من شركة كواليتي في التكنولوجي مول
كان مكتوب عليه كارت آي تي آي واحد جيجا سألت البايع هل هو 5650 قالي أكيد يا باشا قالي أنزلك ويندوز قلتله لأ حنزله أنا أنا عاوز اللاب بكرتونته على أساس إنه قالي إنه حينزل 64 بيت وأنا ساعتها كان برامج الهندسية مش بتشتغل إلا على أتظمة 32 بيت
المهم خدت منه إسطوانة ديفيدي بالتعريفات من عنده ورحت البيت نزلت نسخة وبعد ما نزلت إتفاجئت إنه 5470 اتصلت بيهم قالولي يا فندم الشركة مش موضحة نوع الكارت وإحنا كنا فاكرينه زيك 5650 لكن حضرتك كده أكدلتنا إنه 5470
طبعاً ساعتها ماكنتش أسمع عن جهاز حماية المستهلك واستعوضت ربي في اللاب

هو ده جهل البائعين وأيضاً لما تروح للبائع وإنت معاك مثلاً 5000 جنيه وتقوله عاوز أشتري لاب للألعاب يقوم البائع يدور على اللابات إلي ما بتمشيش عنده أو يكون فيها عيوب كتير زي N5110 والبرو بوك وإتش بي جي 6 ويقولك ده بروسيسور فاجر وكرت شاشة فاجر 1 جيجا وبيعلى لغاية 4 جيجا وجهاز جبار وأصلاً الجهاز بيبقى منيل بستين نيلة

جهل المشترين وإقتناعهم بمقولة إلي تعرفه أحسن من إلي ما تعرفوش أو أنا كان معايا جهاز كذا يبقى أروح أجيب كذا وبرضه مقولة أنا الجهاز إلي كان معايا كان بيسحن ومش حلو يبقى بقية الموديلات من نفس الشركة منيلة بستين نيلة

عندك شركة زي اللينوفو في مصر أجهزتها المنافسة نازلة من 4 شهور تقريباً ولسه ما شفنهاش في مصر وأيضاً شركات زي الآسوس والإم إس آي لاباتها عالية الجودة لكن المستوردين يخشون إستيرادها وتفضل فتلاقي سامسونج وأسوس بينزلوا موديلات معينة فقط وهي موديلات ضعيفة من الأساس

وأهم حاجة في الموضوع ده الوكيل المعتمد للشركات فتلاقي شركات زي ديل وإتش بي وتوشيبا توكيلها محترم وبينزل معظم الأجهزة أول بأول على عكس الوكلاء الآخرين لشركات تانية

والمشكلة أيضاً في مصر في نقطة جهل البائع والمشتري هي إن فيه أكثر من فئة لللابات زي الفئات الإقتصادية والألترابوك والمالتيميديا والجيمينج وخلافه
ولا ده بيعرف يفرق ويبيع على أساس الفئة ولا المشتري بيعرف يفرق برضه (إلا من رحم ربي)

[baherbadr]

كلام حضرتك صحيح مليون فى المائة .... مول كومبيوتر زى بتاع الخليفة المأمون واللى وراه واللى جنب السراج مول وغيرهم ... طول بعرض وكام دور ومئات المحلات ... وهى هى نفس الانواع والموديلات ... فكرونى بالصين زمان لما كانوا بيلبسوا زى موحد ..... تقريبا يا أستاذنا .. ان الكمبيوتر بقى مهنة من لا مهنة له ... ربنا يصبرنا ...

[al_mougahed]

طيب جهل المشتري وقلنا ماشي ... لكن جهل البائع ... ده اللي يغيظ ... يعني انت بتشتغل في حاجة ومش فاهمها ...؟؟؟ وده اللي لاحظته على اغلب البائعين ... أي كلام والسلام ... وكمان يحاول يقنعك بأي حاجة حتى ولو كانت غلط ... والنصب كتير قوي في الموضوع ده ..

[Dr.Just]

والله أنا نفسي ينزل أي حاجة جديدة علشان نقدر نقارن بدل ما الواحد إختياراته كلها تنحصر في موديل واحد

:ah7::ah7::ah7:

[baherbadr]

واضح ان كلام الاستاذ خالد خطاب حرك المواجع جوانا

[lalafarouk]

يا جماعه اى جهاز جديد من الجيل الثالث فى حدود نفس سعر الديل ياريت تبلغو بيه

[chihabab]

والله يا اخي كل هذا ولا تكون مثل الجزائر

لما تريد شراء محمول لا تجد نوع كرتالشاشة

انك تجد مثلا

النوع hp
الهارد 500 gb
المعالج i3
الرام 2 gb

والله هذا الشيء المكتوب في ورقة ملصقة امام اللاب وكمان السعر

يعني درجة جهل رهيبة في المجال وياتي يبيع

كما ان مصر رائعة دا من ناحية الاسعار ودا اللي ما فهمتوش انا يعني لاب في مصر ب 3000 جنيه

في الجزائر راح يكون ب 5000 جنيه لا اعرف لماذا ؟؟؟؟؟؟؟؟؟؟؟؟؟

[lalafarouk]

الله معكم اخى من الجزائر ان شاء الله الظروف تتحسن