SAMSUNG Galaxy W Unboxing

**ThE~SnIpEr** · 13-09-2012, 16:27

بسم الله الرحمن الرحيم

السلام عليكم أعضاء المنتدي الكرام

ده يعتبر تاني أو ثالث مراجعة/إنبوكسنج لي في هذا المنتدي الرائع و لكنه الأول بالنسبة للهواتف

و المراجعة دي حتكون عن هاتف SAMSUNG Galaxy Wonder , و إن شاء الله ربنا يوفقني و تستفيدو من هذا الموضوع (ملحوظة : تم تقليل أبعاد الصور لتسهيل الرفع) :

مواصفات الهاتف التقنية (الموقع ده شارحها بالتفاصيل فوجدت أنه من الأفضل أن أضع لينكه بدل ما أعك في الشرح :

https://www.gsmarena.com/samsung_gal...i8150-4114.php

ندخل علي الصور بقي , دي صور للعلبة من جميع النواحي و الملحقات ال بداخلها للأسف لم أستطع أن أصورها قبل الفتح و التركيب لأننا فتحناها في المحل لتركيب الكفر و السكرين بروتيكتور (ملحوظة : ملتقطة بكاميرا الموبايل) :

الملحقات :

شاحن - كابل USB - هاند فري - شهادة الضمان - كتالوج الإستعمال

دولا علب السكرين بروتيكتور و الكفر بتاع الموبايل , أحرص علي شرائهما مع الموبايل ده بالذات لأن أي صدمة = كارثة

و دي صور للموبايل نفسه في حالة الأوف و الأون (ملتقطة بكاميرا ديجيتال) :

سعر الشراء : 1800 جنية مصري

المميزات :

1- كاميرا رائعة بدقة 5 ميجا بيكسل و تصوير HD 720p مع كاميرا أمامية VGA
2-شاشة 3.7 بوصة بدقة 480×800 مع وضوح عالي للألوان , ببساطة روعة
3-سرعة غير عادية بالتفاعل مع التاتش و فتح البرامج (بالمقارنة بـGalaxy Y)

العيوب :

1- في حالة الإستعمال المستمر , البطارية تفرغ في مدة يوم أو يوم و نصف كحد أقصي , و حلها هو إستعمال مود الباور سيفنج و غلق كافة التطبيقات في حالة عدم الإستعمال

لم أستعمل الموبايل بكثرة حتي الآن فلم أعرف كل تفاصيله , لذا إذا وجدت أي جديد فسيتم تحديث الموضوع إن شاء الله

أتمني أني أكون أفدتكم بشئ و إن شاء الله ينال إعجابكم

تحياتي

**ThE~SnIpEr** · 13-09-2012, 19:11

في مشكلة تانية , الموبايل رافض تماماً يتوصل بالـUSB علي الجهاز برغم أنه في مرة أشتغل بالصدفة و من بعدها مش عايز يشتغل تاني

صاحب المحل قالي حتلاقي معاه أسطوانة أو دور علي التعريف بتاعه علي النت , حملت البرنامجين دولا ليه و بردوا مفيش فايدة :

SAMSUNG_USB_Driver_for_Mobile_Phones_v1_3_2300_0

Kies_2.3.3.12085_7_5

و بيطلعلي الرسالة دي كل مرة :

فحد يعرف ايه حل المشكلة دي ؟؟ مع العلم أني جربت الكابل الـUSB علي موبايل أختي (Galaxy Y) علي نفس الكومبيوتر و أشتغل مفهوش حاجة

.....

**mido hamdy** · 13-09-2012, 19:24

الف الف مبروك على المراجعة الرائعة والموبايل الروعة ربنا يهنيك بيه .

تم التقييم

.

**the king dark** · 13-09-2012, 19:33

مراجعة رائعة لكن للمشكلة عمري ما جربت اجهزة من هذه النوعية معي هاتف نوكيا e52 مكفي:D

**ThE~SnIpEr** · 14-09-2012, 08:42

المشاركة الأصلية كتبت بواسطة mido hamdy

الف الف مبروك على المراجعة الرائعة والموبايل الروعة ربنا يهنيك بيه .

تم التقييم

.

الله يبارك فيك يا أخ ميدو , و الحمد لله أن المراجعة أعجبتك

شكراً علي المرور و التقييم

المشاركة الأصلية كتبت بواسطة the king dark

مراجعة رائعة لكن للمشكلة عمري ما جربت اجهزة من هذه النوعية معي هاتف نوكيا e52 مكفي:D

ههههه , صدقني أنا كنت مثلك و كان عندي Nokia C3 لكن بأقولهالك رسمياً أن نوكيا أنتهت الصراع كله بين سامسونج و أبل , و بلاك بيري لمحبي الشات

فأنا نظرتي للموبايل أتغيرت خالص بعد ما جبت ده , أعتبر كأن عندك لاب توب مصغر في جيبك و معاه كاميرا ديجيتال كمان , حاجة آخر روعة الصراحة

جرب تشوف النوع ده و صدقني مش حتندم :cool:

شكراً علي المرور , نورت الموضوع

**tahagamal** · 14-09-2012, 09:37

المشاركة الأصلية كتبت بواسطة ThE~SnIpEr

في مشكلة تانية , الموبايل رافض تماماً يتوصل بالـUSB علي الجهاز برغم أنه في مرة أشتغل بالصدفة و من بعدها مش عايز يشتغل تاني صاحب المحل قالي حتلاقي معاه أسطوانة أو دور علي التعريف بتاعه علي النت , حملت البرنامجين دولا ليه و بردوا مفيش فايدة : SAMSUNG_USB_Driver_for_Mobile_Phones_v1_3_2300_0 Kies_2.3.3.12085_7_5 و بيطلعلي الرسالة دي كل مرة : ملفات ال mtp لازم تتعرف من برنامج الكيز نفسه جبر تنزل نسخه حديثه من البرنامج من موقع سامسونج فحد يعرف ايه حل المشكلة دي ؟؟ مع العلم أني جربت الكابل الـUSB علي موبايل أختي (Galaxy Y) علي نفس الكومبيوتر و أشتغل مفهوش حاجة .....

**mmels** · 14-09-2012, 09:54

الف مبروك على الموبايل

**abdelrhman** · 21-09-2012, 23:21

شكرا على المراجعه

وانا ناوى انزل اشترى التليفون ده باذن الله

هل بعد ما اشتغلت عليه ظهرت بعض العيوب ولا طلع تليفون مميز ومفيهوش مشاكل زى التهنيج وعدم القدره على فتح كذا حاجه مع بعضها ؟

**ThE~SnIpEr** · 22-09-2012, 13:58

المشاركة الأصلية كتبت بواسطة mmels

الف مبروك على الموبايل

الله يبارك فيك أخي الكريم و شكراً علي المرور و الرد

المشاركة الأصلية كتبت بواسطة abdelrhman

شكرا على المراجعه

وانا ناوى انزل اشترى التليفون ده باذن الله

هل بعد ما اشتغلت عليه ظهرت بعض العيوب ولا طلع تليفون مميز ومفيهوش مشاكل زى التهنيج وعدم القدره على فتح كذا حاجه مع بعضها ؟

العفو يا أخ عبد الرحمن علي ايه ^^

التليفون طلع ممتاز جداً جداً و خصوصاً لو عرفت تكاته , و الحمد لله عرفت شوية منها :

علشان توصله بالـUSB تدخل علي settings > wireless & connection > usb utilities و تدوس علي الزرار ال في النص و ما تعملش حاجة بعد كده خالص غير انك توصل الكابل بالكومبيوتر و حيتغير شكل الشاشة علي الموبايل و حيطلع مكانها شكل الدرويد الأخضر الشهير و جنبه زرار كونكت , دوس عليه و بس علي كده

و علشان تاخد سكرين شوت للشاشة , دوس زرار الباور (ال علي الجانب الأيمن للموبايل) و زرار الهوم في منتصف الشاشة من الأمام

لما بتحمل حجات كتيرة من البلاي ماركت او السامسونج ابليكاشنز إحتمال يعلق معاك شوية , خلص كل حاجة و اقفله و شغله تاني مش حيحصل معاك و لا مشكلة إن شاء الله

و ادي مجموعة صور للموبايل من تصويري :

و ادي البروفايل بتاعي علي موقع زيدجي الشهير لكل ملحقات البرامج :

https://www.zedge.net/profile/Ahmed_GFX/

انا رفعت و حأرفع قريب حجات حلوة للموبايل إن شاء الله لو عايز

و الموبايل ممتاز جداً و سريع و ما بيهنجش غير عند تصوير فيلم بجودة اتش دي طويل شوية علشان بياخد وقت علي ما يعمله ريندرنج , غير كده ممتاز جداً

و إن شاء الله مش حتندم علي شراءه و كل التوفيق ليك و إن شاء الله أكون ساعدتك في إتخاذ قرارك , بالتوفيق