استفسار بخصوص معجون احترافى Arctic MX-4 or OCZ Freeze

[TheEraser]

السلام عليكم

دلوقتى انا نويت اشترى معجون احترافى (Arctic MX-4 or OCZ Freeze) واللى خلانى افكر فى كده طبعاً هى درجات الحراره اللى مخليانى مش عارف العب حاجه خالص و بضطر اقلل ترددات الفيجا و كسر البروسيسور عشان الحراره

يعنى مثلاً الفيجا حرارتها فى الضغط على ترددات 700 للكور و 700 للميمورى كانت حوالى 85 درجه -- و البروسيسور كانت حوالى 50 درجه من غير كسر يعنى على سرعه 2600 و فولت 1.25 و ده باستخدام المعجون التجارى ابو ربع جنيه

المفروض لو جبت معجون احترافى اتوقع انخفاض اد ايه و خصوصاً ان انا جايبه عشان اقدر ارجع الفيجا حتى للترددات الافتراضيه 770 كور و 800 ميمورى

وهل سعر المعجون الاحترافى ده يستحق فرق درجات الحراره عن المعجون التجارى ابو ربع جنيه ولا لأ ؟؟

عذراً للاطاله

[TheEraser]

مفيش ولا رد

[SemsemBanhawy]

توقع انخفاض حوالي 4 درجات
ولكن أهتم بالتهوية في الصندوق والمعجون التعبان الرخيص يضر أكتر ما يفيد

[TheEraser]

متهيألى 4 درجات قليل اوى .. مش معقول حروح ادفع 80 جنيه فى معجون عشان 4 درجات بس .

اتمنى انى اعرف آراء اكتر لو فيه حد جرب المعجون يا ريت يشارك و يفيدنا

[BAZOOKA_N2O]

المعجون لوحده مش كفاية:p
لازم تهتم بتهوية الكيس وعملية تنظيم الكابلات
ونوع المبرد الخاص بالمعالج

ياريت تذكر بيانات جهازك بالتفصيل عشان تقدر ننصحك بأفضل الحلول
على فكرة كسر السرعة مش معمول عشان تفرح بالارقام العالية اللي انت ممكن توصلها
اهم حاجة انت محتاجه ولا لأ وده اللي هيحدده مواصفات جهازك + البرامج او الالعاب اللي انت شغال عليها

[TheEraser]

المعجون لوحده مش كفاية:p
لازم تهتم بتهوية الكيس وعملية تنظيم الكابلات
ونوع المبرد الخاص بالمعالج

ياريت تذكر بيانات جهازك بالتفصيل عشان تقدر ننصحك بأفضل الحلول
على فكرة كسر السرعة مش معمول عشان تفرح بالارقام العالية اللي انت ممكن توصلها
اهم حاجة انت محتاجه ولا لأ وده اللي هيحدده مواصفات جهازك + البرامج او الالعاب اللي انت شغال عليها

اولاً اخى شكراً على ردك

انا عارف ان الكسر مش عشان افرح بالارقام ولا حاجه انا قارى كتير فى الموضوع ده و عارف ان انا محتاجه

بالنسبه للتهويه انا عندى كيس HAF 922 و مفيش ولا سلك بيعوق تدفق الهوا فى الكيسه و انا شغال بالمشتت الافتراضى

بالنسبه لمواصفات جهازى :
Motherboard : Gigabyte GA-MA790XT-UD4P
CPU : AMD Phenom II X4 810
VGA : ATI HD 4870 1GB
RAM : 4GB Kingstonr (2x2)
انا مجمع الجهاز من اكتر من سنتين و هو اصبح قديم نسبياً بس انا راضى عن اداءه فى كل الالعاب لغاية دلوقتى خصوصاً انى بلعب على دقة 1920x1080

بس هو الموضوع كله انى عاوز اعرف هل الفرق فى درجات الحرارة بعد استخدام المعجون يستاهل تمن المعجون ولا لأ ؟؟؟

[BAZOOKA_N2O]

بص يا سيدي مع المبرد الاصلي مش هتاخد الفرق اللي في بالك ده غير صوته
وكده كده انت هتكسر السرعة
يبقى عشان تبقى في السليم هتجيب مبرد احترافي وليكن hyper 212 plus او hyper 212 evo ايهما ارخص وسعره الاول حوالي 180 جنيه والثاني في حدود 225 جنيه
وهو بيجي معاه معجون جيد
ويبقى انت كده ضمنت تبريد جيد وقدرة اعلى على الكسر باستقرار ودرجة حرارة ممتازة

[TheEraser]

طب تمام انا معاك كده مشكلة البروسيسور اتحلت

بالنسبة لكارت الشاشه .. ده انا مش حقدر اشتريله مشتت تفتكر المعجون الاحترافى حيعمل فرق يستحق لأن انا دلوقتى مشغله على ترددات قليله حتى مش قادر اشغله على الترددات الاصليه :confused:

[BAZOOKA_N2O]

كارت الشاشة عشان قديم شوية فطبيعي درجة حرارته اعلى من الجديد
ولكن
اتأكد ان مروحة الكارت شغالة بأقصى سرعة ليها عند التحميل
ممكن تعمل بروفايل للمروحة عن طريق برنامج MSI Afterburner
او من لوحة تحكم Ati
لكن البرنامج افضل في طريقة التحكم ويمكن عن طريقة كسر السرعة

بالنسبة للمعجون انت مش محتاج تشتري في الوقت الحالي لأنك هتشتري المبرد وهو معاه انبوبة ممكن تاخد منها لكارت الشاشة

اهم نقطة تأكد تماما ان مروحة الكارت ومبرد الكارت خالي تماما من الاتربة والعوالق ( بتفرق جدا في التبريد)

فك الكارت واديله الشاور المتين وجرب مش هتخسر حاجة :D

[H_KIMO]

لو ناوى تجيب معجون يبقى Noctua NH-h1
ب50 جندى ونفس اداء ابو 80 جندى

[peter magdy mon]

بعد اذن صاحب الموضوع
انا معايا بروسور 1090 و مركب علية مشتت زالمان بيرفورما بس المعجون اللى مع المشتت راح علشان غيرت البروسور
و جبت ابو نص جنية مؤقتا و مع الضغط لاتتعدى 40 درجة مع الكسر الى 4 جيجا
هل المعجون و خصوصا نوع Noctua NH-h1 هيعمل فرق كويس
و معايا كارت شاشة 6950 النسخة القياسية هل ممكن احطلة نفس المعجون و درجة الحرارة هتنزل لحد كام درجة
شكرا

[TheEraser]

اكيد حيعمل فرق مش معقول معجون زى Noctua NH-h1 حيبقى زى ابو نص جنيه .. انا كمان شفتله مراجعات متفوق فيها على MX-4 & AS5 على الرغم انه ارخص منهم

[BAZOOKA_N2O]

بعد اذن صاحب الموضوع
انا معايا بروسور 1090 و مركب علية مشتت زالمان بيرفورما بس المعجون اللى مع المشتت راح علشان غيرت البروسور
و جبت ابو نص جنية مؤقتا و مع الضغط لاتتعدى 40 درجة مع الكسر الى 4 جيجا
هل المعجون و خصوصا نوع Noctua NH-h1 هيعمل فرق كويس
و معايا كارت شاشة 6950 النسخة القياسية هل ممكن احطلة نفس المعجون و درجة الحرارة هتنزل لحد كام درجة
شكرا

درجة الحرارة لا تتعدى 40 مع الكسر ل 4GHZ :confused::eek:

ده على كده في الخمول 20 :ah32:

انت بتضغط ببرامج ايه؟
هل دي درجة حرارة الانوية ام سطح المعالج؟

[peter magdy mon]

درجة الحرارة لا تتعدى 40 مع الكسر ل 4GHZ :confused::eek:

ده على كده في الخمول 20 :ah32:

انت بتضغط ببرامج ايه؟
هل دي درجة حرارة الانوية ام سطح المعالج؟

بص انا زى ما قلت قبل كدة كان معاي بروسور 1055 مع المشتت زالمان بيرفورما و المعجون اللى جاى معاة و كان فى شهر يناير
و كان الخمول بيوصل الى 11 درجة مستغربش انا كنت رافع صور هنا على المنتدى بس عرف ان 1055 بالذات رهيب فى الحرارة و ولا تعدة فى الضغط الى 28
لكن لما غيرت البروسور الى 1090 جبت المعجون ابو نص جنية على نفس المشتت الحرارة بقت كبيرة بس هل المعجون ولا لما اتغير البروسور نفسة بصراحة مش عارف
لكن برضو الحرارة فى المضمون -- انا مدمن اللعاب و فى اخر دور يعنى الشمس مظبطة الشقة و مظبطانى يعنى سونا
انا رفعت صورة بالضغط ببرنامج بريمى لكن الطبيعى مش بوصل ابدا الى كسر 40 درجة حتى مع الكسر لكن الان من غير كسر
انا اساسا محتاج المعجون لكارت الشاشة مش للبروسور بس مافيش مانع اظبطة بردو:D
لكن لو المعجون هيظبط 3 او 4 درجات يبقى ابو نص جنية برقبتة هههههههه


Uploaded with ImageShack.us