الجهاز لا يعمل مطلقا

**ash_chiko** · 24-09-2012, 00:36

السلام عليكم اخوانى
امتلك جهاز مكتبى مواصفاته كالتالى
مازر بورد اسوس p5q p45
معالج انتل كواد q660
باور سبلاى hec 350 wat
كارت شاشه ati 4670
هارد ديسك ويسترن 640 g
500 g
160 g
دىفيدى اسوس
ديفيدى سونى
صندوق جاما
4 جيجا رام
كارت صوت
كالات شبكه
الجهاز كان يعمل بصورة طبيعيه جدا و ممتازه و امس قمت بغلق الجهاز بشكل طبيعي من قاءمة ابدأ و لكن لم انزع كابل الكهربا من الفيشه
اليوم عندما ضغطت على زر الباور فى الكيسه لم يحدث شيء نهاءيا بمعنى الكلمه
لا اصوات و لا مراوح بتدور يعنى كانى ما دوستش زرار الباور
فكيت الباور سبلاى و اختبرته بتوصيل السلكين الاخضر و الاسود فعمل و دارت مروحة الباور
قمت بفك القطع غير الضروريه و تركت فقط المعاج و الرام و كارتالشاشه و لم يعمل
فكيت الجهاز كله و نضفته و ركبته و لم يعمل
جربت باور قديم عندى تجارى فدارت مروحه الباور و المعالج لثانيتين و توقفوا ثم داروا و هكذا زى ما تكون الكهربا ضعيفه
ارجو المساعده ضرورى لمن لديه خبره و لا تبخلوا على اخيكم
ملحوظه اخيره انا اعيش فى الرياض و الجو حار جدا و جاف و الكهربا الاستاتيكيه ظاهرة طبيعيه و الكيسه موضوعه على السجاده مباشره من 3 اسابيع

**obada321** · 24-09-2012, 09:07

انصحك توديه عل محل صيانة

**Ahmed.Elsayed** · 24-09-2012, 15:17

قم بفك وصلة الباور المربعة الصغيرة الموجودة بجانب المعالج وقم بتشغيل جهازك على هذا الوضع وراقب مروحة المعالج والباورسبلاى فإذا دارت أعطنى خبر.

**ash_chiko** · 24-09-2012, 20:37

ما دارتش برده
بصراحه انا جربت كل الاحتمالات
حتى انى عملت قفلة في الباور بين السلك الاخضر و الاسود و وصلته بالبورده على هذا الوضع لاجباره على العمل
و لما وصلت الكهربا مروحة الباور و المعالج كانوا هيدوروا
تحس انهم كانوا هيدوروا بس الكهربا ضعيفه و وقفوا و كرروا الحركه دى

**ash_chiko** · 24-09-2012, 23:14

الشكر لكل من قام بالنصيحه
انا اخدت الجهاز لمحل صيانه و حصل الاتى
انا الكهربا عندى 110 و بتاع الصيانه قام مشغل على 220 بالتالى حصل قفله و دخان من البور
قام جاب باور قديم من عنده و ركبه الباور مروحته اشتغلت لكن الجهاز لا حس و لا خبر
قال المشكله فى مروحه المعالج
و لما غيرها اشتغل الجهاز و دخل على البيوس بس
لكن ما حملش الويندوز
قلتله الباور ضعيف عاند و قالى لا الفيجا اتحرقت قلتله غيرها
ركب فيجا نيفيديا 210 جديده برده نفس الكلام
قالى خلاص انا هاشوف باور كويس و اركبه
بيتهيالى ان شاء الله المشكله ممن تتحل و العيب كان مروحة المعالج بس
مع ان الباور بتاعى كان شغال خارج الكيسه لوحده

**ash_chiko** · 25-09-2012, 22:36

بعد تغيير مروحة المعاج الجهاز اقلع و دخل علي تحميل المكونات اللى هي الشاشه السمرا و دخل على البيوس و كان قارى كل الهاردوير و بس
بعدها بيوقف على شاشه سمرا فيها بس مؤشر الكتابه الابيض بيومض

**ash_chiko** · 27-09-2012, 02:07

الاباور لما وديت الجهاز للصيانه اتحرق و هما بيشغلوا الجهاز حطوة على 220 و هو 110
المهم غيرت مروحة المعالج و الجهاز اشتغل لغاية شاشة الويندوز السودا اللى فيها 4 الوان و بيفصل بعد كده شاشه بس لكن المعالج و كله شغال
و ابل ما بيفصل الشاشه بتتحول لالوان ابض و احمر و كده لمدة لحظه
كده يكون الفيجا باظت
لانى لقيتها سخنه مولعه من مكان معين تحت مقاومه جنب المروحه

**Ahmed.Elsayed** · 27-09-2012, 06:58

لو الشاشة بتضرب ألوان غريبة قبل ما تفصل يبقى عيب من كارت الشاشة وعلى فكرة المفروض الباورسبلاى بيشتغل على 220 فولت لأنه نظام ال 110 فولت مش موجود هنا فى مصر

وإزاى مخدتش بالك أن مروحة المعالج مكنتش شغالة ده كان ممكن يتسبب فى حرق المعالج.

**ash_chiko** · 27-09-2012, 10:49

شكرا يا غالى
انا هنا فى السعوديه و الكهربا عندهم 110 و 220
انا ما بقعدش على الجهاز نهائيا بسبب انشغالى
البركه فى ابنى الصغي مشغله 24 ساعه عشان بيلعب ريد اليرت و ما بتحفظش الا مع انتهاء المهمه فبيخليه شغال عشان يعرف يكمل تانى يوم المهمه من نصها بدل ما يعيد من الاول هههههههههه