مشكله بسيطه بكارت الصوت Asus Xonar DG

**Mr.pOPo** · 24-09-2012, 13:30

في مشكله بسيطه في كرت الصوت عندي.. فى شوشرة باسمعها فى الهيدفون عندى (Sennheiser HD202) بعد نهاية كل اغنية لما تخلص، و برضه لو مشغل فيلم مثلاً و وقفته اسمع الشوشرة دى لمدة دقيقة و لا حاجة. مع العلم ان الكلام دا بيحصل فقط مع تشغيل خاصية (Sound Volume Normalization) اللى اختصارها SVN فى كارت الصوت. غير كدا ما باسمعش اى شوشرة. مع العلم برضه ان الشوشرة ما باسمعهاش أثناء تشغيل أى نوع من الصوت أو الموسيقى أو الأفلام، فقط بعد انتهاء التشغيل و لمدة دقيقة أو دقيقتين.

هل دا ممكن يكون عيب فى الكارت أو فتحة ال PCI اللى فى البوردة اللى هو راكب فيها؟ و لا دى حاجة طبيعية بالنسبة للخاصية دى؟

شكراً يا شباب

**mido hamdy** · 24-09-2012, 14:44

اولا الف الف مبروك على الكارت والهيدفون بالنسبة للمشكلة دى لو بتستخدم تعريف اسوس الرسمى احذفه نهائيا ونزل التعريف رقم 1.53 من Brainbit Wordpress وان شاء الله خير .

**Mr.pOPo** · 24-09-2012, 16:07

الله يبارك فيك، عملت بنصيحتكم

كان نفسى اعمل مراجعة صغيرة للهيدفون و الكارت بس للأسف مكنش فى وقت.

بالفعل انا منزل تعريف الشركة الرسمى، و حالياً هنزل التعريف اللى حضرتك قولتلى عليه ان شاء الله.

شكراً على المساعدة.

**Mr.pOPo** · 24-09-2012, 16:46

رائع... حُلّت المشكلة بحمد لله، أشكرك جزيل الشكر اخى العزيز.

لم أكن أتوقع ان التعريف الرسمى هو المشكلة. :ah38:

سأدوام على متابعة التحديثات من على هذا الموقع. شكراً لك

**mido hamdy** · 25-09-2012, 05:14

الحمد لله ان المشكلة تم حلها . وبالفعل تعريف اسوس الرسمى سئ جدا لدرجة انها لم تنزل اى تعريف حتى الان لويندوز 8 ودى مشكلة اسوس دايما فى التعريفات . بس انصحك تخليك على الاصدار رقم 1.53 لأن الاصدارات الحديثة للأسف فيها مشاكل .