طلب مساعدة بخصوص جهاز dell 7520

[oli blanco]

السلام عليكم ورحمة الله وبركاته

انا نزلت من كام يوم اشتريت جهاز dell inspiron 15r 7520 se
وامكانياته كالتالي

core i7 الجيل الثالث
h.d.d 1tb
ram 8 gb
vega 2gb amd radeon

انا اشتريته من شركة ايجبت لاب توب في مول البستان باب اللوق

اشتريته ب 5500 جنيه مصري

بس اكتشفت بعد كده ان ثمنه لا يقل عن 6500 جنيه بره في الشركات التانيه


ولما سالت قالولي ان ده ضمان الشركه مش ضمان الوكيل

ومن ساعتها وانا مش عارف اعمل ايه وفي ناس قالولي انه ممكن يكون مرتجع واتعمله اعادة تصليح ونزل السوق على انه جديد


ومحتاج نصيحة حضراتكم ارجع اللاب ولا اعمل ايه

هو كويس وشغال من غير مشاكل بقاله 3 ايام بشغله ساعات طويله


ارجوا الافاده وعمل موضوع بالمنتدى لتجنب وقوع الاخوه في مثل هذا الموقف الذي لا احسد عليه

وجزاكم الله عني خيرا

[Khaled Khattab]

مش ححبطك هنا وهناك يا باشا
حافظ على اللاب بأكبر قدر ممكن
والناس إلي قالولك "أنا يعني " كلامهم صحيح ب ده إحتمال بنسبة 90 بالمائة وزي ما قلتلك هناك حافظ عليه بأكبر قدر ممكن علشان لو حاجة حصلت لا قدر الله حيتركب مكانها قطع غيار مش أصلية أو أصلية منزوعة من لاب آخر ودي بيكون عمرها الإفتراضي أقل طبعاً من الأصلية

[oli blanco]

اخي انا اسف جدا
والله ما اقصد اي اهانه لحضرتك انا بس كنت محتاج اتأكد

وانا اتعقدت من الجهاز ومش طايقه وبفكر ارجعه بس مش عارف اقول للشركه ايه ولا اسالهم عن مصدر الجهاز


المهم انا بس عايز اعرف علشان ارتاح عايز اعرف الجهاز ده كان متباع وطلع فيه عيب واتعاد تصليحه

ولا متهرب من بره ولا ايه


انا لما كتبت السرفيس تاج بتاع الجهاز على موقع ديل قال لي انه متباع يوم 24/7/20012

ونهاية الضمان بعد سنه من التاريخ ده وكاتب كمان انجلترا

وانا كمان كنت عايز اعرف السرفيس تاج ده للجهاز بتاعي بس ولا للموديل كله

وانا اسف مره تانيه

[Khaled Khattab]

بص يا باشا أنا جهازي إلي شاريه ضمانه على السايت حيخلص في شهر 6 بس مكتوب جانيه إيجبت بس زي ما بأقولك عوض ربنا الجهاز حيكون معاك ممتاز وحافظ عليه
السيرفيس تاج لجهازك فقط

[oli blanco]

جزاك الله خيرا يا اخي وانا اسف جدا