لدي مشكلة في علاقة الsubnetting & Vlan

[خاطـب الحور]

السلام عليكم ورحمة الله وبركاته
الاخوة الافاضل لدي مشكلة في علاقة الsubnetting & Vlan
تقريبا على حسب ما فهمت الاتنين بيأدوا نفس الغرض اني اقسم النتورك بتاعتي لاكثر من جزء
طيب امتى استخدم subnetting وامتى استخدم vlan
واليس من المفترض اني لما استخدم vlan لازم اعمل subnneting لان كل vlan بيكون ليها network address مختلف

في نقطة كمان مش واضحة بالنسبة لي
اي علاقة الآي بي بتاع السويتش اللي علشان اقدر ادخل عليه باستخدام التلنت
بالآي بي بتاع الـ vlans الموجودة على السويتش
وإذا كان الأي بي ده لازم يكون في نفس السبنت بتاع Vlan1
طيب ما انا لو هدي لسويتش تاني اي بي يبقى لازم يكون في نفس السبنت بتاع vlan 1

معلش يا جماعة هي ممكن تكون الاسئلة سهلى بالنسبة لناس كتير
بس انا فجأة بعد ما خلصت السويتشنج لقيت نفسي بدأت اتوه

[sheno]

اخى العزيز

بالعكس اسالتك جميله جدا ومنطقيه

باذن الله اجابتها سهله وبسيطه بس هننتظر مشاركات اخواننا عشان الكل ياخد فرصة المشاركه

تمنياتى بالتوفيق

[sheno]

بص يا غالى

زى منتا قلت ال vlan هيا شبكه ليها subnet معين

تدى مثال لو عندى بالسوتش بتاعى 4 vlan

vlan 2 - vlan 4 - vlan 6 - vlan 8

ولازم كل vlan تاخد ip مختلف يعنى تكون تنتمى ل subnet معينه

زى مثلا شبكات

vlan 2 ip 10.0.0.0
vlan 4 ip 20.0.0.0
vlan 6 ip 30.0.0.0
vlan 8 ip 40.0.0.0

سؤالك عن امتى نستخم ال vlan وامتى نستخدم الsubnetting

هما وجهين لعمله واحده بمعنى اخر

متى وجدت ال vlan وجد ال subnetting

فى حالة ازا كنت هتقسم شبكاتك على السوتش

دى اول سؤال ليك

حابب اترك بقية الفرصه لاخوننا الاعضاء لاجابة باقى اسئلتك

ولو محدش زار ال psot ومجوبيشى ليك

باذن الله اكملك بقيت الاجوبه

[خاطـب الحور]

اخي الحبيب Sheno
الف شكر يا عزيزي على اجابتك الرائعة
بانتظارك الليلة لتجيب على السؤال الثاني
لان تقريبا محدش عاوز يجاوب عليه

[عادل شبل]

شكرا اخ شنودة

بالنسبة للسؤال

موضوع لموضوع ال subnetting و ال vlan

ال subnetting عموما هو تقسيم الشبكة الواحدة الى شبكات صغيرة ويتم بطريقتين
اولا: physically يعنى كل شبكة فيهم هتكون متصله ببورت منفصل على الروتر وده الجزء المهم -- على بورت منفصل على الروتر يعنى هاحتاج لكل شبكة بورت على الروتر طب لو مفيش هنلجأ للطريقة الثانيه
vlan : وهنا هنقسم الشبكه برضة لشبكات عن طريق السوتش logically لكن كل الشبكات الداخليه دى واصلة على نفس البورت فى الروتر وهنا لازم اقوم بتقسيم بورت الروتر ده ل sub-interfaces عشان كل sub-interface يتربط بشبكة منهم وزى ما قلت بنلجأ للطريقة دى فى حالة مفيش بورتات كفاية فى الروتر او عاوزين نقسم شبكة من غير كركبة يعنى لا فك ولا تركيب ولا توصيل ولا شراء slots للروتر يعنى من الاخر باقل تكلفه ممكنه اما مفهوم ال subnetting عموما هو التقسيم سواء physically او logically بال vlans

[sheno]

شكرا جزيلا بشمهندس عادل شبل على توضيحك لاخونا ( خاطـب الحور)

نيجى بقا لسؤالك اخونا رقم 2

(اي علاقة الآي بي بتاع السويتش اللي علشان اقدر ادخل عليه باستخدام التلنت
بالآي بي بتاع الـ vlans الموجودة على السويتش )

اخى الكريم الفكره ببساطه خالص الايى بى زى ما حضرتك قلت ده رقم بيخده السوتش وبنستخدمه زى منتا قلت

مثلا فى التلنت

وهتدى ل لسوتش اى بى ازاى؟ انت زى منتا عارف ان السوتش ده مجموعه من البورتات والبورتات دى مش انترفيزات يعنى متقدرشى تديها اى بى يبقا انت مضطر انك تدى الايى بى لل

interface vlan

طيب كلام جميل ندى مثال

interface vlan 1
no sh
ip addresss 192.168.1.1 255.255 .255.0

كدا انا عندى اى بى للسوتش واقدر ادخل عليه تلنت

على فكره مش شرط ابدا ان يكون الايى بى ده على vlan 1

ممكن يكون على اىىىىىىىىى vlan



نيجى لسؤال اللى بعد كدا

( إذا كان الأي بي ده لازم يكون في نفس السبنت بتاع Vlan1
طيب ما انا لو هدي لسويتش تان
ي اي بي يبقى لازم يكون في نفس السبنت بتاع vlan 1
)

ندى مثال للتوضيع تعالى نرسم رسمه عشان نفهم القصه سوا

sw1--------------sw2 ------------pc

هنا فى رسمتنا اللينك بين السوتشين ممكن تكون لينك trunk or link access

ايا كان نوع اللينك لازم افهم قاعده

اللينك دى عباره عن مجرد خلينا كدا بالبلدى نقول ماسوره بتوصل من نهايه الى نهايه

لو كانت الماسوره من نوع access يبقا هتشيل ترافيك من vlan الى vlan لكن مش هتقدر تحمل كل ال vlans

هيا بتشيل only one vlan

بحسبك مزاجك vlan 1 or vlan 2 or vlan x as u like

اهلا بيك وباسئلتك فى اى وقت واخونا حاضرين دائما

لمساعدتك

تمنياتى بالتوفيق

وبكدا تبقا فاهم انك ايا كانت اسم الvlan لازم تكون متاطبقه فى ال network id يعنى من نفس ال subnet

يعنى مثلا


sw1
int vlan 2
no sh
ip add 10.0.0.1 255.0.0.0

sw2
int vlan 2
no sh
ip add 10.0.0.2 255.0.0.0

كدا تقدر تبنج عليها عادى

وعشان تريح نفسك من التفكير كتير

القصه فى كلمتين وهى ان قبل التلنت هناك بينج ping

if u suceess in ping then u will sucess in telnet

but after u configure the device with the telnet setting

that set

[خاطـب الحور]

عادل شبل
sheno
ألف شكر يا بشمهندسين
وضحت الرؤية الحمد لله

[احمد صلاح1]

اخي الكريم :

ال
subtetting
يستخدم مع ال vlans مكونة من سوتشات وراوتر توجيه
ومع راوترات متفرعة من راوتر رئيسي

يعني لازم مع ال vlans استخدم subnetting
لكن ممكن استخدم ال subnetting مع راوترات فرعية متفرعة ومتجمعة عند راوتر رئيسي



اما موضوع اي بي ال vlan بتاع السوتش
فهو ينتمي ل subnet معينة
فاذا كان السوتش الاخر له اي بي على نفس ال vlan
يبقى لازم ينتمي ل نفس ال subnet
واذا كان السوتش الاخر له اي بي على vlan مختلفة
يبقى هينتمي ل subnet مختلفة ايضا
كما انه سيتبع default-gateway مختلفة ايضا عن السوتش الاول


باختصار شديد جدا

اذا تماثلت ال vlans تماثلت الشبكات الفرعية
واذا اختلفت ال vlans اختلفت الشبكات الفرعية رقميا ايضا ...........



اتمنى اكون قدرت اوضح شئ ما تعلمت
وشكرا لكم