خريجة جديدة ومحتاجة المساعدة ضرووووووري

**toty.boty** · 05-10-2012, 02:14

السلام عليكم ورحمة الله
انا هدخل ف موضوعي على طول.. انا لسه متخرجه من كلية حاسبات ومعلومات قسم نظم معلومات.. وطبعا كـ عادة اي جامعه حكوميه انها مبتديش اي حاجه غير كله نظري ف نظري
بس اخدت كورس اوراكل شرح بس من غير ماامتحنه ومن قرايتي هنا عرفت اني اللي اخدته ده هو اوراكل ديفيلوبر ومطبقتش لللأسف على بروجكت حتى

فـ انا دلوقتي مش عارفه اعمل ايييه؟؟؟ انا بحب الداتا بيز جداااااااا و بكره البرمجه جداااااااااا وكنت بفكر امتحن اللي اخدته ده واخد الشهاده بس مش عارفه هل ده ممكن يخليني الاقي شغل كويس؟؟ ولا اللي انا اخدته ده بدائي جدا ومالوش لازمه والمفروض اكمل عليه؟؟ ولو ممكن اشتغل المسمى الوظيفي ايه؟ وشغلتي هتبقى ايه؟؟
ولو قررت امتحن.. ممكن تقترحوا ليا مراكز كويسه ف القاهره اخد فيها ونظام الامتحان بيبقى ايه؟؟ وبكام وكل التفاصيل

انا عارفه ان اسئلتي كتييييييير اوووووي بس انا والله العظيم تايهه جدااااااا ومش لاقيه اللي يساعدني.. وشكرا مقدماااااااااا

**Michael Youssef** · 05-10-2012, 05:19

أعتقد انا هقدر اردك عليكي لاني بحب قواعد البيانات جدا و طبعا برده البرمجة و الشبكات

الاول لازم تعرفي ان قواعد البيانات ، خصوصا الادارة ، من اهم الفروع و مدير قواعد البيانات له كلمة في الشركة و طبعا لو هو ناجح و عارف شغله كويس بيبقي موجود دائما في الاجتماعات و رأيه مهم في حاجات كتير في الشركة و هو لازم يكون له شخصية قوية و صوت مسموع و الا هيكون فشل كمدير قواعد بيانات. طبعا انا بشتغل بمنتجات مايكروسوفت فقط و لاني بحب منتج ال SQL Server خصوصا اصدار 2008 و طبعا اصدار 2012
لو هتسأليني اعمل ايه هقولك اول حاجة خالص قبل متقرري لازم تعرفي حاجاتين مهمين جدا غالبا مش كتير هيقولك عليهم
1- اللغة الانجليزية مهمة اكتر من اهمية مذكرة العلم نفسه سواء قواعد بيانات او شبكات
2- الكورسات طريق مختصر و غالبا مش هيأدي معاكي للنجاح المطلوب لانه سهل اوي ، و الحياة العملية اصعب بكتير.

مستواكي في اللغة عامل ازاي؟