عايز اشترى موبايل اندرويد جديد او مستعمل بس يكون سعره 800 ج على الاكثر

[demoaa_love]

انا كنت عايز اشترى موبايل اندرويد فى رانج من 700:800 ج ويكون امكانياته معقوله. ففكرت فى جديد وكان فى اتصالات سمارت فون https://etisalat.com.eg/etisalat/Eti...phone_ar.htmبس معجبنيش فيه انه كاميرته 2ميجا بس وانه zte فمش عارف نظامه فى الصيانه اما الاندرويد اللى شغال عليه فمش هعرف احكم لانى معرفش فى فرق كبير بين اندرويد 2.3 وما اعلى ولا لا؟ويا ريت الناس هنا لو تعرف موبايلات احسن من كده فى نفس الرانج يا ريت تساعد.اما المستعمل فانا معنديش فكره عن اسعاره بس سألت عالسريع كده فلقيت xperia x10 mini عامله 650ج xperia arc s من 1200 فيه مشاكل فى التوتش ل 1450 بس ده مكنتش عارف نظامه ايه بس انا كان نفسى اشترى xperia arc فهل هقدر اجيبه مستعمل ب 800 ج مع العلم انى هشتريه من المنصوره.يا ريت الناس تساعدنى خاصة انى معرفش كتير عن التلفونات واسعارها ويمكن حضراتكم يبقى عندكم اقتراحات اكتر من كده

[budiosx]

ابعد عن موبايل اتصالات نهائي لانة بيسخن جامد و بيهنج و في ناس كتير رجعوة
تاني حاجة ارشحلك ال Samsung galaxy Y و دا موبايل محترم جدا و عملي جدا و سريع و نازلة نسخة خبز الزنجبيل 2.3
اما بالنسبة في المستعمل فانا بافضل تبعد عنة و تجيب جديد

[Dr.Just]

قي سامسونج بوكيت ب 700 ممكن تشوفه.

[eslam255]

ارشحلك اولا الجهاز ده
lg l3 e400
وده تمنه 800-830 جنيه ويعتبر ممتاز في سعره
-----------------------
اما لوكنت من عشاق السامسونج في في جهازين هم واحد بس منه شريحة وشريحتيم
samsung galaxy pocket & galaxy pocket duo
والشريحة بيعمل من 700-750
والشريحتين من 750-800جنيه
والسعر الاعلي ده هتلاقيه في موبايل شوب
اما لو عايز اسعار تانية بما انك في المنصورة
انزل العباسي ودور بس مظنش هتلاقي الـ ال جى الا في موبايل شوب بسعر 850جنيه اما السامسونج ان شاء الله هتلاقيه بسهولة
صحيح اوعى تتنازل انك تشتريه بفاتورة ومتصدقش كلام حد منهم ان الضمان يكفي لان ده هيضيعلك فرصة الاستبدال من المحل لو في عيب لقيته في اول كم يوم لانك متضمنش امانته وهل لو قلتله ده موبايل من عندك يقولك وانا اعرف منين؟؟؟
وكمان لو التاريخ اللي عالضمان قديم ممكن ياكل كمان من عمر السنة الضمان
وبالتوفيق