مجال البرمجة في مصر؟

**nitrored** · 05-10-2012, 15:56

اسف لو ان السؤال ممكن يكون اتسأل هنا اكتر من مرة , بس انا حاولت ادور في جووجل مالقتش حاجة ,

انا عايز اسمع رأيكوا في نظام مجال البرمجة و وظائفه في مصر اليومين دول؟متوفرة زي بقيت الدول المتقدمة؟ و ايه مستقبلها؟ عشان انا داخل مزاجي اوي البرمجة hاكتر من ال networking !

شكرا و بانتظار الرد

**EgY CodEr** · 06-10-2012, 02:38

وأنا نفس الشىء لسا مخلص بكالوريوس علوم حاسب ومحتار أبدا برمجة مواقع ولا جافا ولا سى شارب ولا كورسات ايه وتايه وومش عارف ايه اللغات المطلوبة لسوق العمل

**mido16592** · 06-10-2012, 09:03

وانا كمان نفسي ابدأ بس مش عارف أبدأ بإيه

**Haythamovic** · 06-10-2012, 13:47

وانا خريج نطم ومعلومات مودرن اكاديمي ومش عارف اعمل ايه

**EgY CodEr** · 06-10-2012, 18:38

ايه هوا كله تايه زيي ولا ايه ؟

**Aнмєd Hαѕѕαη** · 06-10-2012, 18:54

السلام عليكم

من وجهة نظرى شايف ان الاوراكل مهم جدا وكمان سوق العمل لو انتوا متابعين دايما طالب اوراكل

خصوصا الشركات الكبيرة بتبحث عن الاوراكل وتقدر برضه تتعلم الجافا خصوصا بعد شراء اوراكل لشركة sun حصل تطور واهتمام بالجافا اكثر

انا عارف ان كلامى عام حبتين بس لو جيبت الاهرام يوم الجمعة وشوفت الوظائف هتلاقى ان معظم الوظائف فى الشركات الكبيرة بتبقى عايزة اوراكل بشكل كبير

اى سؤال انا فى الخدمة

بالتوفيق للجميع يارب

**EgY CodEr** · 07-10-2012, 01:14

تب لو عايز أكون WEb developer كورس الجافا هيفيدنى ؟

**nitrored** · 07-10-2012, 04:47

يعني لو تعبت فيه , هلاقي شغل و مرتب كويس , ولا ايه؟ يعني قصدي سوق البرمجة مش ميت عندنا؟

**Aнмєd Hαѕѕαη** · 07-10-2012, 11:20

المشاركة الأصلية كتبت بواسطة EgY CodEr

تب لو عايز أكون WEb developer كورس الجافا هيفيدنى ؟

السلام عليكم

اكيد طبعا كورس الجافا هيفيدك فى المجال ده وتقدر تركز على JAVA EE

وكمان هتتعلم Servlets and JSP

و ال IDE بتاعتك هتكون NetBeans وعموما الجافا لغة مميزة جدا وسهل انك تبدع فيها

انا ذكرتلك المصطلحات علشان تقدر تتوسع فى البحث وتعرف المميزات والعيوب

لكن برضه خلينى اقولك ان برمجة المواقع بالجافا ليست هى الوحيدة بمعنى انك حاول تاخد نمظرة على asp وكمان على php

مجال عملهم مميز جدا وهتتعلم برضه sql علشان تعمل قواعد بيانات وتربطها بيهم

خد نظرة فى كل لغة وامشى فيها شوية علشان تعرف انت هتتقن ايه

(متخليش سوق العمل بس هو المقياس ليك لانك ممكن سوق العمل يطلب حاجة متقدرش تبقى مبدع فيها ...وتبقى خسرت فرصة انك تبقى مبدع فى مجال تانى حتى لو سوق العمل مش طالبه بشكل كبير ولازم يكون عندك خلفية عن كل حاجة )

بالتوفيق

**Aнмєd Hαѕѕαη** · 07-10-2012, 11:28

المشاركة الأصلية كتبت بواسطة nitrored

يعني لو تعبت فيه , هلاقي شغل و مرتب كويس , ولا ايه؟ يعني قصدي سوق البرمجة مش ميت عندنا؟

السلام عليكم

خليك بس متفاءل ومجتهد (هو ده المقياس الحقيقى)

لما تبقى مبدع فى مجال معين ومحترف فيه ساعتها سوق العمل هو اللى هيدور عليك

وخلينى اكون واقعى علشان متقولش انى بقول شعارات ولا حاجة

من فترة بدات تتعلم الناس البرمجة فى الاندوريد وكان ساعتها لسه مجال مفيش طلب عليه فى السوق كبير

لكن بص دلوقتى مبرمجين الاندرويد مطلوبين بشكل كتير

اللى اقصد اقولهولك ان كلنا بندور على احسن وظيفة واحسن مرتب واحسن حياة بس ضريبة النجاح شىء لابد منه

لازم تتقن حاجة معينة وتدور وتسعى بشكل كبير

ونرجع لموضوعنا انا شايف ان الاوراكل مستقبل كبير جدا لقواعد البيانات ولا تكاد تخلو الشركات الكبيرة من الاوراكل

انا اعرف شركات فى قطاع البترول وكده بتخلى الموظفين اللى عندها حتى بعد ما توظفوا يروحوا ياخدوا كورسات اوراكل

كمان مميزات الاوراكل انك تقدر تتعلمه بسهولة ومصادر تعليمه منتشرة

ولو فكرت تحتار اتعلم اوراكل ولا كذا ولا كذا هقولك يا سيدى اتعلم الكل او حتى خد خلفية عن الجميع هتقولى مفيش وقت انا مستعجل هقولك هتلاقى كل الوقت اللى انت هتضيعه فى الحيرة كان زمانك انجزت شى كبير

معلشى بقى رغيت كتير

بس الخلاصة الاوراكل مجال مميز جدا ....كمان برمجة الاندرويد مجال اكثر من رائع

وفقكم الله تعالى

**internetworld** · 07-10-2012, 11:44

Oracle 10g & 11 تعلم الاوراكل دفعه كبيره الى الامام فى سوق العمل ..... واذا اردت اضافه بعض التميز عليك بمتابعه TOAD App
عندها يمكنك ان تحدد المجال الذى تريد الاحتراف فيه على حسب ميولك الشخصيه وقدراتك وطبيعه العمل وحجم الشركه التى تعمل بها
فمن الممكن تكمله المجال حتى مستوى Administration OCP وهو مستوى احترافى كبير ومن الممكن ان تكون اهتمامت شركتك فى التوسع بشكل افقى فى التقنيه وتريد منك اضافه المزيد من لغه Java الى مهاراتك وغالبا تكون J2EE هى مصدر الالهام لكثير من الشركات
اما الاكثر طلبا فى مجال Web Programming ستجد PHP مطلوب بكثره ومتواجد بقووه فى سوق العمل
اما فى لغة البرمجه عامة وخصوصا اذا لم تكن من خريجي الكليات المتخصصه فى مجال علوم الكمبيوتر انصح وبشدة تعلم اللغه الرائعه Python فهى سهله وبسيطه ومتطوره ايضا . وان كان تواجدها فى سوق العمل غير منتشر بكثره الا انها تعطى اضافه كبيره فى بداية تعلمك فى هذا المجال .

**EgY CodEr** · 07-10-2012, 23:28

تسلم أخى الحبيب على الردود والمساعدة

**Michael Youssef** · 09-10-2012, 05:21

انتم نسيتم ال SQL Server ليه يا جماعة

ال SQL Server أثبت جدارة من اصدار 2008 و منافسة شديدة لاوراكل علي بيئة النوافذ و ارخص كتير جدا علي الشركات ، عموما هو علي حسب الشركة يعني لو الشركة عندي بتشتغل اوراكل مش هروح اتعلم ال SQL Server و العكس.
ال SQL Server يناسب الشركات الصغيرة و متوسطة الحجم و الكبيرة ، و اسلوب الترخيص عنهم مرن عن اوراكل. أنا ببص للموضوع من وجه النظر المالية برده.